Registrashon
Pa bin na remarke pa seguro di kuido BES bo mester inskribí bo mes na ZJCN. Pa esaki bo por pasa buska un formulario di inskripshon na ZJCN òf baha e formulario akí. Tin algun regla i kondishon mará na un inskripshon. E kondishonnan mas importante ta:
Muchanan resien nasé/menornan di edat
Ta inskribí muchanan resien nasé i menornan di edat ku un prueba saká for di e registro sivil. Riba e prueba akí mester tin menshoná en todo kaso e nashonalidat.
Inskripshon a base di residensia
Personanan por inskribí nan mes ora nan ta biba legalmente riba un di e islanan i ta disponé di un sédula/tarheta di identifikashon.
Inskripshon a base di un pèrmit di estadia òf un deklarashon di atmishon legal
Personanan ku deklarashon di atmishon legal òf un pèrmit di estadia pa tempu (ín)definí, por inskribí nan mes pa e periodo di durashon di e pèrmit.
Inskripshon a base di un petishon kontinuashon pèrmit di estadia
Personanan ku a pidi IND prolongashon òf kontinuashon di nan pèrmit, por inskribí nan mes te ora ku a tuma un desishon irevokabel riba e petishon.
Inskripshon a base di un deklarashon di doño di trabou
Personanan ku tin un kontrato laboral di kua e suèldu ta kai bou di e Lei Loonbelasting BES por inskribí nan mes pa e periodo di durashon di e kontrato laboral.
- Añadí e pruebanan ariba menshoná serka bo inskripshon di manera ku ZJCN por prosesá bo inskripshon denter di 24 ora.
Personanan ku un Apoderashon pa Estadia Temporal (mvv)
No por inskribí personanan ku un Apoderashon pa Estadia Temporal (mvv) komo asegurado i pues no tin derechi tampoko riba kuido. Ta te ora ku e personanan akí ta disponé di un pèrmit di estadia di IND, nan por inskribí nan mes serka ZJCN.
Personanan ku un 1e steker di IND
No por inskribí personanan ku a mèldu nan mes serka IND i ta wardando riba un desishon di IND komo asegurado i pues no tin derechi tampoko riba kuido pagá. Ta te ora ku e personanan akí ta disponé di un pèrmit di estadia, nan por inskribí nan mes serka ZJCN.