Bai directamente na kontenido
Hende homber na bali di ZVK

Aseguradonan

Bo ta kumpli ku un di e kondishonnan akibou? E ora ei bo tin derechi riba seguro di kuido BES. Klek akí pa mas informashon tokante e prosedura di inskripshon.

  1. Residensia: Un residente di e islanan BES ta sigurá a ménos ku artíkulo 4 insiso 2 di e Desishon Seguro di Kuido BES ta aplikabel.
  2. Kontrato laboral: bo no ta biba riba e islanan BES, pero bo tin un kontrato laboral si (basá riba derechi públiko òf privá) aya. Riba e suèldu di e servisio salarial akí bo ta paga impuesto riba e islanan BES.
  3. Pèrmit di estadia òf deklarashon di atmishon legal: bo tin un pèrmit di estadia temporal, un pèrmit di estadia pa tempu indefiní òf un deklarashon di atmishon legal.
  4. Petishon kontinuashon pèrmit di estadia: Bo a entregá un petishon pa kontinuashon di bo pèrmit temporal, òf pa konvertí esaki den un pèrmit pa tempu indefiní na tempu. Den e kaso ei bo ta keda sigurá te ora a tuma un desishon riba e petishon akí.
  5. Salida pa motibu di estudio: bo ta biba riba e islanan BES i ta bandoná e teritorio pa bai studia. Durante bo estudio bo ta keda sigurá. Klek akí pa mas informashon.
  6. Poné na disposishon na Hulanda: Bo ta ámtenar den servisio di entidat públiko Boneiru, Sint Eustatius òf Saba i ta poné bo na disposishon pa traha na Hulanda. Bo kasá i miembronan di famia ku ta biba serka bo ta sigurá. Paga tinu: si bo bai hasi otro trabou òf risibí un yudansa sosial na Hulanda, e seguro ta kaduká. Bo kasá i miembronan di famia ku ta biba serka bo no ta sigurá si nan ta traha òf risibí un yudansa sosial na Hulanda.

Gruponan di asegurado speshal

  1. Mucha: un mucha bou di 12 aña no tin un sédula ainda, pero ta sigurá si. E mayornan mester mustra nan sédula na ZJCN i serka ofresedónan di kuido.
  2. Biahero: Paga tinu: Ta kompensá kuido den eksterior solamente si no por posponé e kuido te ora bo regresá. E kompensashon pa kuido den eksterior en prinsipio no por ta mas haltu ku e kompensashon riba teritorio BES. P’esei ZJCN ta konsehá pa sèmper sera un seguro di biahe. Promé ku bo biaha pa eksterior bo por pidi ZJCN un komprobante di registrashon, aki riba ta splika kiko bo por hasi den kasonan di emergensia médiko den eksterior.