Personanan ku no ta sigurá

1. Studiantenan di pafó di teritorio BES: bo ta permanesé riba e islanan BES solamente pa motibu di estudio.
2. Stazjèr òf ‘au pair’: bo ta permanesé riba e islanan BES pa stazje òf komo ‘au pair’.
3. Poné na disposishon for di Hulanda: bo ta traha pa un organisashon di derechi públiko hulandes riba e islanan BES. Bo kasá i miembronan di famia ku ta biba serka bo no ta sigurá, a ménos ku nan bai traha riba e islanan BES.
4. Trahando tres luna pafó di teritorio BES: bo ta biba riba e islanan BES, pero ta traha pa un periodo kontinuo di por lo ménos tres luna pafó di e teritorio di BES. Si bo ta hasi e trabou akí pa un dunadó di trabou ku ta biba òf ta establesé riba e islanan BES, e ora ei si bo ta sigurá.
5. Trahando pa un dunadó di trabou hulandes: bo ta biba na Hulanda i ta traha riba e islanan BES pa un dunadó di trabou ku ta biba òf ta establesé na Hulanda.
6. Sin pèrmit di estadia òf deklarashon di atmishon legal: bo ta permanesé temporalmente riba e islanan BES sin un deklarashon di atmishon legal, un pèrmit di estadia temporal òf fiho. E promé stèmpel/steker di IND no ta duna bo derechi riba kuido pagá via seguro di kuido BES.
7. Sigurá na Hulanda: bo ta sigurá na Hulanda bou di e Lei kuido di largu plaso i bo ta obligatoriamente sigurá bou di e Lei seguro di kuido.
8. Tres luna laborando riba teritorio BES: bo ta traha temporalmente (pa un periodo di maksimal tres luna) riba e islanan BES, pero bo no ta biba aya i bo suèldu no ta kai bou di Lei di Loonbelasting BES.

Paga tinu: Bo ta bai bandoná e isla kaminda bo ta biba pa mas di 8 luna? Mèldu esaki e ora ei na bo registro sivil konserní.