Kambio den derecho Seguro di Kuido (Zorgverzekering BES)

Left pa hisa pashènt

For di e sektor di kuido na kas i e dòkter di mucha a risibí señal ku tin un nesesidat pa fasilitá left pa hisa pashènt. Si fasilitá e leftnan pa hisa pashènt esaki ta kondusí na prevenshon di atmishon den un instituto en tambe oumento di keho físiko serka persona ku ta duna kuido. Tin derecho riba e servisio pa aparato di kuido den kaso ku tin indikashon ku e asegurado ta hasi uso di dje riba término largu, òf pa un tempu limitá òf pa un tempu insigur. Tin derecho den dos situashon:

• si e ta nesesario pa e kuido i transferensia sigur òf;
• si e ta nesesario pa kita opstákulo den bibienda ya asina e asegurado por keda biba na kas mas largu posibel.

Kuido di rekuperashon paramédiko pa pashènt di Covid-19

Kuido di rekuperashon paramédiko di promé liña ta konsistí di fisioterapia, terapia di ehersisio, terapia di abla (logopedia), konseho tokante dieta òf ergoterapia i ta dirigí riba kuido di rekuperashon di pashènt ku Covid-19 grave. E pashèntnan aki ta eksperensiá kehonan severo i limitashon durante nan rekuperashon ku spesialista médiko òf dòkter di kas a konstatá. E derecho ta konta ku forsa retroaktivo for di 1 di ougùstùs 2022 te 1 di ougùstùs 2023. Ku esaki ta konektá na e periodo manera esaki ta konta na Hulanda Europeo.