Kambionan den pakete di kuido BES entrante 2021

Entrante promé di yanüari 2021 lo tin kambio den e areglo di  pakete di kuido médiko BES (Regeling Aanspraken Zorgverzekering BES). Algun kompensashon ta nobo i tin tambe sierto adaptashon. Nobo ta e kompensashon parsial pa prótesis di djente i kuido di rekuperashon Covid-19.

Wachtruimte ZVK

Prótesis parsial di djente

Entrante promé di yanüari 2021 ta kubri prótesis parsial di dentadura. Ta trata aki di prótesis ku ta remplasá djentenan ku falta. E prótesis aki mester ta retirabel.  Pues no ta trata di e asina yamá brùg ni kroon. E areglo aki ta un ampliashon di e pakete pasobra te ku awor tabata kubri solamente prótesis kompleto (esta plancha).   

Kuido di rekuperashon Covid-19

Dor di e krísis di Covid-19  a amplia e pakete di kuido médiko ku kuido di rekuperashon. E kuido aki ta pa personanan ku a haña un infekshon severo di Covid. Ta bai kubri kuido di rekuperashon, na momentu ku e pashènt haña referensia di un dòkter di kas òf spesialista i si nan por presentá un tèst positivo pa Covid na e tim di konsehero médiko di Kuido i Hubentut Hulanda Karibense (Zorg en Jeugd Caribisch Nederland). E pashèntnan di Covid aki tin derecho riba:

  • maksimal 50 tratamentu di fisioterapia òf terapia di ehersisio;
  • 10 ora di ergoterapia;
  • 7 ora di guia ku meta médiko pa mehora ámbitonan di kome i kuminda.

Pa esaki tin un periodo máksimo 6 luna. Si ta nesesario por hasi un petishon pa prolongashon esaki serka e tim di konsehero médiko. Un prolongashon asina por ta di máksimo 6 luna. E kuido aki ta konta tambe pa personanan ku a bira hopi malu dor di Covid-19 den aña 2020.

Terapia di ehersisio  COPD

Entrante promé di yanüari 2021 risibí terapia di ehersisio pa personanan ku COPD (chronische obstructieve longziekte) ta bira posibel pa mas pashènt ku COPD. E dòktor di kas por splika e kondishonnan eksakto mará na esaki.

Pa mas informashon tokante e adaptashon den e areglo di kuido médiko pa aña 2021 por fabor klik riba e link aki:  https://zoek.officielebekendmakingen.nl/stcrt-2020-65241.html