Promé traslado médiko ZVK di Sint Eustatius pa Saba un echo
Pa promé biaha for di eksistensia di Ofisina di Seguro di Kuido Hulanda Karibense (ZVK), riba djamars último 10 di mart a tuma lugá algun traslado médiko for di Sint Eustatius pa Saba.
Ta trata di traslado médiko di aseguradonan ku aya a bishitá optometrista pa entre otro midimentu di wowo. ZVK aktualmente ta buskando solushon struktural pa e tipo di kuido aki ku aseguradonan di Hulanda Karibense tin derechi riba dje.
Manera konosí, ZVK ta hasié posibel pa trasladá aseguradonan ku mester risibí kuido (super) spesialisá pafó di nan isla di residensia. Ta trata destinashonnan manera Sint Maarten / St. Martin, Aruba, Boneiru, Kòrsou, Colombia, Guadeloupe i Hulanda. Anteriormente no tabatin nunka traslado médiko for di Sint Eustatius pa Saba.
Den e próksimo dianan lo tin mas vuelo spesial for di Sint Eustatius pa Saba organisá pa ZVK. Meta prinsipal di esaki ta deshasí di lista di espera pa optometria / óptiko.
Pa mas informashon aseguradonan por tuma kontakto ku ZVK via di telefòn +599 715 8899 òf via di e-mail info@zorgverzkeringskantoor.nl.