Óptiko i optometrista nobo na Sint Eustatius

Entrante 18 di ougùstùs Sint Eustatius tin un óptiko i optometrista, Optica Class Sint Eustatius.

Optometrist

Señor Jose Javier Rodriguez, propietario di Optica Class Sint Eustatius, ta optometrista diplomá. Di 18 te ku 23 di ougùstùs e i su asistente ta na Sint Eustatius. Despues e ta bin un biaha den dos siman na e isla pa konsulta i investigashon.

Senor Rodriguez tin años di eksperensia serka entre otro okulista De Palm i anterior okulista Ferwerda na Kòrsou. Despues el a bai Boneiru kaminda ya pa 8 aña e ta operá Optica Class Bonaire eksitosamente i tambe for di kua e ta hasi trabou di optometrista.

Optica Class Sint Eustatius ta situá na Theodore A.M. Pandt Road #12 na Oranjestad (pega ku aeropuerto). Provishonalmente e óptiko ta habri mitar dia. Nan ta inisiá ku un kolekshon di 360 diferente montura. Ta ekspandé e kolekshon mensualmente segun konosementu di gusto spesífiko i deseo di e poblashon di Sint Eustatius.

En konekshon ku COVID-19 a traha i aprobá un protokòl spesial pa bishitante di Optica Class Sint Eustatius. Por traha un sita pa optometrí pa e motibu aki (te ku próksimo aviso) solamente via number di telefòn 3180450.

ZJCN ke yama danki na señor Javier Rodriguez pa su disponibilidat pa inisiá ku Optica Class Sint Eustatius na Sint Eustatius i ta dese’é hopi éksito ku tur aktividat.