Siman kontra Maltrato di Mucha ku tema: negligensia sikológiko

Notisia | 17-11-2023 | 00:00

E tema di e aña aki ta negligensia emoshonal , pa asina trese atenshon riba e forma di maltrato ménos konosí aki kontra muchanan. Muchanan mester di atenshon i amor pa desaroyá bon. Ehèmpelnan di negligensia emoshonal ta inkluí: no duna atenshon na sintimentunan di e muchanan, muchanan ku no tin mag di duna nan opinion, òf no puntra e muchanan kon a bai ku nan dia i ku kiko nan ta okupá nan mes.

Aktividatnan

Den e siman aki, e organisashonnan ku ta duna asistensia ta traha huntu na diferente manera pa pone atenshon riba e mucha ku ta e punto sentral. E profeshonalnan ku ta traha ku hóbennan i nan partnernan di kadena lo kuminsá e siman ku un evento pa sosialisá (netwerk). Na tur skol nan ta parti buki i posternan pa e alumnonan unda ta trese e tema negligensia emoshonal aki bou di atenshon. EOZ i partnernan ta papia ku e alumnonan di gruponan 7 i 8 di skol básiko tokante e forma di maltrato aki. Tambe tin un bus ku profeshonalnan ku ta traha ku hobennan for di e ret ku lo bishitá diferente barionan pa trese e tema aki bou di atenshon. E slogan 'Papia ku amor' ta e guia di e kampaña e aña aki tambe.

“Tei p’abo” ta sostené e siman kontra maltrato di mucha

"Tei p'abo" ta aktivo for di aña pasá ku un kampaña amplio kontra violensia doméstiko i maltrato di mucha rònt di e tema 'bèrgwensa'. Ku esaki, "Tei p'abo" ta enfatisá riba e importansia di saka violensia doméstiko i maltrato di mucha for di tabú i pone atenshon riba e bèrgwensa ku ta stroba hende di kibra e patronchinan aki. Un man di yudansa por ta nèt e push ku un hende mester. Un parti di e kampaña aki ta e siman kontra maltrato di mucha, ku e aña aki ta tuma lugá pa di seis biaha.

Pa mas informashon tokante maltrato di mucha i violensia doméstiko bishitá www.meldpuntguiami.com