Tarheta di señalamentu nobo pa Hulanda Karibense ta yuda pa distinguí violensia doméstiko i abusu di mucha tempran

Notisia | 28-04-2025 | 20:19

Firmamentu

Komienso di aprel Jeroen Traas, direktor di Kadera, i Jantine Homan, mènedjerr di área sosial di ZJCN, a firma e akuerdo. E tarheta di señalamentu lo ta disponibel mas lat e aña akí den kuater idioma: papiamentu, ingles, spañó i hulandes. Personanan por tantu wak e tarheta komo hasi uzo di dje ònlain.

Señalamentu tempran ta importante

Hopi bia ta rekonosé violensia doméstiko i abuso di umucha muchu lat. Pero intervenshon tempran por prevení hopi doló. P’esei, na Hulanda, ya pa basta tempu kaba ta traha ku e tarheta di señalamentu di Kadera: www.signalenkaart.nl. E tarheta akí ta mustra kua señal por ta indikashon di violensia, tantu serka víktima, mucha komo outor. E informashon ta repartí den edat i tema, manera trafikashon di hende i eksplotashon finansiero. Profeshonal- i otronan por usa e tarheta pa distinguí maltrato mas rápido i aktua mihó segun e kódigo di protekshon kontra violensia doméstiko i abusu di mucha

“Nos ta orguyoso di e siguiente paso akí den e koperashon entre Kadera i Hulanda Karibense,” Jeroen Traas ta bisa. “E tarheta di señalamentu ta un instrumento fuerte pa señalá violensia doméstiko mas tempran, pero e ta rekerí tambe konsientisashon i entrenamentu. Ta importante pa profeshonalnan ta konsiente di nan propio prehuisio- i fayonan ora di señalá violensia.”

Un instrumento, no prueba

Rekonosé violensia doméstiko i abusu di mucha ta difísil i ta rekerí un bista amplio. E tarheta di señalamentu ta duna posibel indikashon, pero skucha víktima-, mucha-, outor- i esnan inbolukrá te keda nesesario. E meta mas importante ta ku tur esnan inbolukrá ta risibí ayudo na tempu i ku famianan ta bira mas sigur.