De Nederlandsche Bank ta responsabel pa e ehekushon di e garantia di depósito na Boneiru, Sint Eustatius i Saba. Otro tareanan pa De Nederlandsche Bank den Hulanda Karibense, ta trata e operashonnan di pago i e supervishon riba e empresanan finansiero ku ta aktivo den Hulanda Karibense.
Garantia di depósito
E Sistema di garantia di depósito pa Hulanda Karibense ta wòrdu ehekutá dor di De Nederlandsche Bank (DNB). E garantia di depósito ta un protekshon grátis ku kua, por si akaso algu pasa ku un banko, e saldonan positivo (di spar) di e klientenan di un banko outomátikamente ta wòrdu protehá di 1 sèn te ku un máksimo di 25.000 USD.
Den sentido general ta konta ku doñonan di kuenta di banko na e Entidatnan Públiko, Boneiru, Sint Eustatius i Saba, ta protehá dor di e garantia di depósito pa e sèn ku nan ta tene serka bankonan ku tin un pèrmit di De Nederlandsche Bank pa ta aktivo via di un ofisina di banko riba e islanan aki. Un depósito ta sèn ku ta wòrdu tené riba kuentanan di banko manera kuentanan koriente, kuentanan di spar i kuentanan di depósito riba término fiho. Si un banko ku ta kai bou di e funshon di protekshon di e garantia di depósito, bai fayit, De Nederlandsche Bank lo ofresé un kompensashon na e doñonan di kuenta ku ta bini na remarke pa garantia di depósito.
Tin dos regla importante pa kòrda tokante e límite di kobertura di e garantia di depósito:
E protekshon ta konta pa kada persona òf pa kada empresa; no pa kada kuenta
E protekshon ta konta pa kada banko (ku un pèrmit di De Nederlandsche Bank)
Mas Informashon
Si bo tin mas pregunta tokante e garantia di depósito pa Hulanda Karibense òf mester di mas informashon, bo por e-mail òf yama e departamento di informashon pa públiko di De Nederlandsche Bank (na hulandes i ingles). Konsumidónan, bankonan i otro institutonan por hasi uso di e datonan di kontakto menshoná aki bou, pa alkansá e departamento di informashon pa públiko.
E departamento di informashon pa públiko ta establesé na Amsterdam, Hulanda. For di Hulanda Karibense bo por yama +31 20 524 91 11 (number internashonal). E departamento di informashon pa públiko por wòrdu alkansá, riba dianan di trabou, for di 9 or di mainta te 5 or di atardi (Ora Sentral Oropeo/Ora di zomer Sentral Oropeo).
Pregunta i kontesta tokante e Sistema di Garantia di Depósito
Un areglo di garantia ku ta garantisá saldonan bankario for di 1 sèn di dòler te máksimo USD 25.000. Nos ta aktivá e garantia di depósito ora un banko bai fayit. E garantia ta konta pa bankonan ku un pèrmit pa Hulanda Karibense. E registro di banko ku pèrmit semper ta aktualisá.
Nada. Bo no tin mester di registrá òf mèldu bo mes, i e garantia di depósito ta grátis.
Bo por chèk esei riba e página Kua banko? Den kaso di duda, konsultá ku bo propio banko si bo sèn ta protehá a traves di e garantia di depósito. E registro di banko ku pèrmit pa Hulanda Karibense sèmper ta aktualisá.
E garantiá di depósito Hulanda Karibene outomátikamente ta protehá sèn di doñonan di kuenta serka un banko ku establesimentu na Hulanda Karibense, sin importá e lugá di biba i di permanensia di e doño di kuenta. Pero tin eksepshon tambe.
Si, e protekshon ta konta pa kuenta di banko di empresa tambe. Pero tin eksepshon tambe.
Si, e garantia di depósito ta konta tambe pa mucha menor di edat. T’asina ku e garantia di depósito ta konta pa persona pa banko, sin importá edat.
E garantia di depósito ta garantisá depósitonan – eseinan ta sumanan riba kuentanan koriente i di spar i depósitonan riba término – serka bankonan ku ta kai bou di e garantia di depósito pa Hulanda Karibense.
E garantia di depósito ta garantisá sumanan for di 1 sèn di dòler te USD USD 25.000 pa persona pa banko. Esaki ta sin importá e kantidat di kuentanan ku bo tin serka e banko. Ta kompensá e interes akumulá te e dia ku e banko a bai fayit.
Si bo kuenta no ta riba bo nòmber so, pero riba nòmber di un otro persona tambe – manera un kuenta i/òf, òf un kuenta i/i – den mayoria kaso ta kompensá kada un separá, un parti proporshonal.
Ehèmpel: Si e suma riba bo kuenta i/òf ta USD 50.000, boso kada un ta risibí USD 25.000. Si bo tin diferente kuenta, e máksimo ta konta pa e plaka riba tur bo kuentanan hunto.
Nos ta kontrolá den e bukinan di e banko ku a bai fayit si un kuenta di banko ta kai bou di e garantia di depósito. Nos ta hasi uzo di e tipo di kambio di e dia riba kua nos a aktivá e depósito di garantia pa e banko.
Nos no ta deskontá loke bo debe na e banko for di e kompensashon ku bo ta risibí.
Ehèmpel: bo tin un fiansa personal di USD 5.000 i un déposito di spar di USD 10.000. Si e banko bai fayit, bo ta risibí un kompensashon di USD 10.000. Bo por informá serka e curator kiko ta pasa ku bo debe di USD 5.000.
Ku e suma di maksimal USD 25.000 mas di 90% di e doñonan di kuenta por haña tur nan plaka bèk. E porsentahe ei ta komparabel ku e parti oropeo di Hulanda. Di e forma akí e garantia ta kumpli ku e normanan internashonal, ku International Association of Deposit Insurers (IADI) ta preskribí.
E garantia ta konta pa persona pa banko. Ta un bon idea pa repartí bo plaka riba mas banko si bo tin mas ku USD 25.000.
Si nos a aktivá e garantia di depósito pa klientenan di un banko ku a bai fayit, ta anunsiá esaki den medionan lokal, riba nos wèpsait i den Staatscourant. Lesa mas den e kontesta riba e pregunta Kon mi ta risibí un kompensashon?
Ora un banko no por paga e plaka riba kuenta di klientenan bèk mas, ni den futuro serkano. For di e momentu ei nos tin 21 dia pa disidí si nos ta aktivá e garantia di depósito.
Despues di un veredikto di hues pa kua motibu klientenan no por yega mas na nan kuenta di banko. Kiebro di un banko ta un ehèmpel di un veredikto asina.
Si nos aktivá e garantia di depósito, nos ta anunsiá esei riba nos wèpsait www.dnb.nl, den Staatscourant i den medionan lokal. Nos ta splika e ora ei kon bo por pidi bo kompensashon. Den mayoria kaso nos ta habri un ofisina tambe riba e islanan kaminda e banko ku a bai fayit ta presente. Bo por akudí serka nos e ora ei pa hasi pregunta i pidi e kompensashon (na papiamentu, hulandes i ingles).
Despues ku nos a aktivá e garantia di depósito, bo tin un aña di tempu. Despues nos ta atendé bo petishon, si bo por proba ku no ta bo falta ku bo ta muchu lat.
Si nos a risibí bo petishon, nos ta kontrolá e siguiente asuntunan:
Si bo tin un òf mas kuenta serka e banko fayit
Si e kuenta(nan) akí ta kai bou di e garantia di depósito
Kiko e sumanan riba e kuentanan akí ta
Na promé lugá nos ta hasi uzo di atministrashon di e banko. Si for di esei nos no por logra saka afó si bo tin un kuenta, nos ta pidi bo informashon adishonal.
Mas pronto posibel, pero en todo kaso denter di 20 dia di trabou despues di e fecha di bo petishon.
Den kaso di un kuenta i/òf, òf un kuenta i/i, den mayoria kaso boso kada un ta risibí separá un parti proporshonal kompensá. Boso tur dos mester pidi un kompensashon.
Segun lei nos desishon yama un ‘beschikking’. E lei ku ta na vigor pa esaki ta e Lei hurisdikshon administrativo BES. Si bo no ta di akuerdo ku nos desishon, bo por hasi un par di kos:
Bo por hasi opheshon serka nos, entregando un karta di opheshon. Si bo no ta akuerdo ku nos desishon e ora ei, bo por bai den apelashon serka Korte den Promé Instansia. Bo no ta obligá pa hasi opheshon: bo por bai mésora tambe den apelashon serka Korte den Promé Instansia.
Bo por bai den apelashon serka Korte den Promé Instansia di Boneiru, Sint Eustatius i Saba.
Si bo no ta di akuerdo ku e veredikto di Korte den Promé Instansia, bo por apelá serka Korte Komun di Hustisia di Hustisia di Aruba, Kòrsou, Sint Maarten i Boneiru, Sint Eustatius i Saba.
Protekshon pa medio di e garantia di depósito ta grátis pa klientenan di un banko. Na final ta e otro bankonan protehá pa medio di garantia di depósito pa Hulanda Karibense, ta paga e gastunan di e kompensashon. Pa esaki entrante 1 di yanüari 2025 ta konstruyendo un fondo, unda e bankonan en kuestion ta depositá un suma anualmente. E grandura aspirá pa e fondo di garantia di depósito ta 5% di e basenan di depósito di e bankonan pa kua e sistema di garantia di depósito ta konta. Pero pa garantisá ku e klientenan di un banko ta risibí nan kompensashon mas rápido posibel, i si e fondo (ainda) no ta sufisientemente yená, gobièrnu hulandes ta prefinansiá e kompensashonnan.
Bo tin pregunta spesífiko pa DNB tokante e protekshon pa medio di garantia di depósito pa Hulanda Karibense? Semper bo por tuma kontakto ku nos Ofisina di Informashon Públiko (na hulandes òf ingles). Yama nos riba +31 020 524 9111 (grátis) riba dianan di trabou di 9 or di mainta te 5 or di atardi (ora hulandes). Of manda un meil pa info@dnb.nl.
