E Representante di Reino
E Representante di Reino den Hulanda Karibense tin tur sorto di tarea. Asina e ta e ‘oreanan i wowonan’ pa e diferente ministernan na Hulanda i e ta tene a Minister di Asuntunan Interno i Relashon di reino (BZK) na altura. E ta manda tambe e nominashon huntu ku su konseho i e konseho di e Gezaghèber na e Kapittel voor de Civiele Orden (Kolegio di konseho pa Órden Sivil) na Den Haag. Entrante promé di yanuari 2018 Jan Helmond ta Representante di Reino Interino.
E Representante di Reino ta tambe pa promové e koperashon entre e ámtenarnan di reino na Boneiru, Sint Eustatius i Saba, meskos ku e koperashon ku e gobièrnunan insular. E gobièrnunan ei na nan turno, por laga e Representante di Reino informá nan tokante asuntunan ku nan ta konsiderá importante pa e islanan.
Bon Gobernashon
E Representante di Reino ta tene supervishon tambe riba desishonnan di e islanan, por ehèmpel riba nombramentunan di personal i riba rekompensanan finansiero di frakshonnan den Konseho Insular.
Pa e minister di Asuntunan Interior i Relashon di Reino e ta vigilá ku e Entidatnan Públiko no ta tuma desishonnan ku ta den konflikto ku lei òf e interes general. E ta paga tinu tambe ku e Gezaghèber ta wòrdu nombrá konforme e reglanan i ta aktua ora e Gobièrnu Insular no ta hasi su trabou bon. En todo kaso, e Representante di Reino mester yuda promové bon gobernashon.
Siguridat
Un otro ròl importante ku e Representante di Reino tin, tin di haber ku siguridat. E Gezaghèber por aktiv’é komo persona intermediario ora ta trata di kandela, un desaster òf un krísis i puntra pa yudansa militar. Polis òf e Koninklijke Marechaussee tambe por pidié pa esaki. Ora ta trata di un desaster, krísis òf kalamidat ku ta toka mas ku un isla, e Representante di Reino por duna instrukshonnan na e Gezaghèbernan. E por intervení tambe ora ta trata di un situashon di emergensia. Mas aleu e Representante di Reino ta paga tinu ku e plannan di desaster i di krísis di e Entidatnan Públiko ta na òrdu.
Den e Veiligheidswet BES (Lei di Seguridat BES) ta stipulá ku e Representante di Reino tin e obligashon legal pa redaktá un plan di kordinashon pa desaster i krísis suprainsular den Hulanda Karibense ku lo fiha minimalmente kada kuater aña di nobo. Klek aki pa e último vershon di e plan.
Ofisina Representante di Reino
E Representante di Reino ta operá tantu na Boneiru komo na Sint Eustatius i Saba. Esaki e ta hasi pa un parti for di su ofisina na Boneiru, pero e ta frekuentemente na Saba i Sint Eustatius tambe. Durante su bishitanan di trabou e ta papia ku dirigentenan, ámtenarnan, empresarionan i polítikonan i ku hendenan ku ta sosialmente aktivo. Durante su bishitanan e ta purba di ta mas tantu ku ta posibel riba lokalidat i lo ménos posibel na ofisina. Si e Representante di Reino no ta na Sint Eustatius òf Saba, e tin kontakto regular via telefòn, via e-mail i via konferensha di video.
|
Boneiru |
|
|---|---|
|
Adrès di bishita |
Blvd. Gob. N. Debrot 46 | Bonaire, Caribisch Nederland |
|
Adrès postal |
Kaya Internashonal z/n, PO Box 357, Boneiru, Hulanda Karibense |
|
Tel |
+599 715 8304 |
|
|
|
Sint Eustatius |
|
|---|---|
|
Adrès di bishita |
Fort Oranjestraat z/n Mazinga Complex, Oranjestad, Sint Eustatius |
|
Adrès postal |
P.O. Box 26, Oranjestad, Sint Eustatius, Hulanda Karibense |
|
Tel |
+599 318 3370 |
|
|
|
Saba |
|
|---|---|
|
Adrès di bishita |
Captain Mathew Levenstone Street Old Antique Inn, The Bottom, Saba, Hulanda Karibense |
|
Adrès postal |
Captain Mathew Levenstone Street Old Antique Inn, The Bottom, Saba, Hulanda Karibense |
|
Tel |
+599 416 3934 |
|
|