Kondekorashonnan Real (lenchinan) tambe ta na disposishon di residentenan di Boneiru, Saba i Sint Eustatius! Nan tei pa hendenan ku a hasi nan mes meritorio na un manera speshal òf eksepshonal pa e komunidat.

Bo por pensa riba:

  • Boluntarionan ku tin hopi tempu trahando na bienestar di organisashonnan riba tereno di por ehèmpel deporte, arte, kultura, bida eklesiástiko, naturalesa, kuido di kriansa òf órden públiko i seguridat
  • Personanan ku den nan trabou remunerá òf un funshon sekundario a realisá prestashonnan hopi speshal na benefisio di komunidat. E prestashonnan aki ta bai muchu mas ayá di loke por spera di un hende

Imágen: Openbaar Lichaam Bonaire

Den aprel 2022 Lucresia Martis Dortalina, Marian Luinstra Passchier i Caryl Els a risibí un Kondekorashon Real for di man di Gezaghèber Edison Rijna.

Nominashon

Ta dirigí un nominashon pa kondekorá un residente di Boneiru òf Saba na Gezaghèber di e isla. Na Sint Eustatius e ta bai via di e Royal Decoration Committee (Komishon di Kondekorashon Real). 

E Gezaghèber ta manda e nominashon huntu ku su konseho pa Representante di Reino di e Entidatnan Públiko di Boneiru, Sint Eustatius i Saba, establesé riba e isla Boneiru. Representante di Reino ta manda e nominashon huntu ku su konseho i e konseho di e Gezaghèber na e Kapittel voor de Civiele Orden (Kolegio di konseho pa Órden Sivil) na Den Haag. A base di tur konseho Minister di Asuntunan Interno i Relashon den Reino ta disidí si ta otorgá un kondekorashon. Si esaki ta e kaso, e minister ta hasi un nominashon na Su Mahestat Rei.

Imágen: Statia Government

Den aprel 2022 Irving Brown, Ethelda Woodley- Warner, Rita Hassell Bass, George Odongo Wodbura, Arlene Cuvalay-Halbert, Pamela Berkel i Althea Merkman a risibí un Kondekorashon Real for di man di e Komisario di Gobièrnu Sentral, señora Alida Francis.

Datonan di kontakto

  • Datonan di kontakto Entidat Públiko Boneiru
    Kolegio Ehekutivo
    Na atenshon di Gezaghèber Señor J. Soliano
    Plaza Reina Wilhelmina 1
    Boneiru, Hulanda Karibense
    E-mail: kabinet.gezaghebber@bonairegov.com
  • Datonan di kontakto Entidat Públiko Sint Eustatius
    Royal Decoration Committee (Komishon di Kondekorashon Real)
    E-mail: royal.dec.comm@statiagov.com
  • Datonan di kontakto Entidat Públiko Saba
    Kolegio Ehekutivo
    Na atenshon di Gezaghèber Señor J.G.A. Johnson
    Powerstreet 1
    The Bottom
    Saba, Hulanda Karibense
    E-mail: jonathan.johnson@sabagov.nl
     
  • Datonan di kontakto Representante di Reino
    Representante di Reino interino Señor J.N. (Jan) Helmond MPM
    Na atenshon di sekretariado 
    Bulevar Gobernador Nicolaas Debrot 46 
    Kralendijk 
    Boneiru, Hulanda Karibense 
    E-mail:  Rijksvertegenwoordiger@rijksdienstcn.com 
    Tel.: (+599)-715 8304

Bo tambe por hasi uso di e formulario di proposishon si bo ke nominá un persona pa risibí un kondekorashon real.