Elekshon di Parlamento Oropeo 2024

Den Parlamento Oropeo ta tuma desishon importante tokante tópikonan manera turismo, kambio di klima i seguridat. Un biá den kada 5 aña ta skohe e miembronan Hulandes di Parlamento Oropeo. Dor di vota abo por determiná ken ta bai traha na bienestar di Reino.

Bo por vota pa elekshon di Parlamento Oropeo si bo ta kumpli ku e siguiente kondishonnan:

• Bo tin 18 aña òf mas;

• Bo tin nashonalidat hulandes;
• Bo no ta ekskluí for di e derecho di voto.

Entidat Públiko ta dedusí e derecho di voto for di e derecho di voto for di atministrashon básiko di dato personal di Antia Hulandes i Aruba (PIVA). Bo ta registrá den e registro akí i bo ta kumpli ku e rekisitonan menshoná akiriba? E ora ei bo ta risibí bo karchi di vota outomátikamente promé ku elekshon.

Bo ke kontrolá si bo ta registrá komo votadó? Esaki por tuma lugá na Kolegio Ehekutivo. Si resultá ku bo no ta registrá komo votadó i bo ta kere ku bo ta kumpli ku tur e kondishonnan, si? E ora ei bo por entregá un petishon pa revisá bo registrashon komo votadó. Pa esaki, bo mester entregá prueba ku ta mustra ku bo ta kumpli ku tur kondishon.

Bo por vota riba djaweps 6 di yüni di mitar di 8 or mainta te ku 9 or di anochi na kualke urna elektoral na bo Entidat Públiko.

Urna elektoral na Boneiru

• Jong Bonaire, Kaya Libertador Simon Bolivar 16
• Sentro di Bario Tera Cora, Kaya Monseigneur Niewindt
• Sentro di Bario Nikiboko, Kaya Pos di Amor 44
• Kompleho Deportivo J. Nicolaas, Kaya Amsterdam
• Tia Sani, Kaya Encarnacion B. Sint Jago 10

Urna elektoral na Sint Eustatius

• The Ernest van Putten Youth Center (The Lions Den), Concordia Road 24                                          

Urna elektoral na Saba

• Eugenius Johnson Center, The Fort road no. 13 Windwardside

Bo ta bini ku:

• Bo karchi di vota personal;
• Un prueba di identidat bálido.

Bo no a risibí un karchi di vota? Òf bo a pèrdè esaki? Pidi un karchi di vota nobo mas pronto posibel. Bo por entregá un petishon pa un karchi di vota nobo pa mas tardá ku djaluna 3 di yüni via un formulario. Bo por entregá bo petishon pa un karchi di vota nobo verbalmente pa mas tardá ku djabièrnè 5 di yüni 12 or di mèrdia. Por hasi esaki na Departamento di Register Sivil di e Entidat Públiko.

Prueba di identidat bálido.

Un prueba di identidat bálido ta un:

• Pasport hulandes;
• Karchi di identifikashon emití pa e Entidat Públiko (sédula);
• Reibeweis ortogá pa e Entidat Públiko.

E balides di e dokumentonan akí, riba dia di elekshon por a ekspirá pa un máksimo di 5 aña (bálido te ku 7 di yüni 2019). Si bo a deskubrí promé ku elekshon ku bo dokumento di identidat a kaduká mas ku 5 aña kaba, bo por hasi petishon pa un dokumento di identidat nobo na Registro Sivil. Por fabor tene kuenta ku e tempu pa prosesá bo petishon. Pues sea na tempu.

Bo no por vota pasobra, por ehèmpel, bo ta malu òf ku fakansi den eksterior? E ora ei bo por pidi un otro persona pa vota pa bo. Esaki nos ta yama apoderashon.

Bo por pidi un hende pa vota pa bo na dos manera:

1. Pa medio di bo karchi di vota (apoderashon privá);
2. Pa medio di un formulario di outorisashon (apoderashon por eskrito).

Abo mes por disidí ken bo ta apoderá. E persona ku ta vota na bo  nòmber(esun apoderá) mester:

• tin derecho di voto;
• ta biba riba e mesun isla ku abo;
• vota na bo nòmber na mesun momento ku e mes ta vota.

1. Apoderá un persona pa medio di bo karchi di vota

Por ehèmpel, bo por apoderá un persona pa medio di bo karchi di vota si bo ta malu riba e dia dia di elekshon.

Apoderá un persona pa medio di bo karchi di vota bo ta tuma lugá di e forma akí:

• Bo ta yena e parti patras di bo karchi di vota. Hasi esaki huntu ku persona ku abo a skohe pa apoderá, asina bo sa sigur ku bo ta apoderá e persona korekto.
• Duna e persona apoderá bo karchi di vota i un kopia di bo dokumento di identidat. Esaki tambe por ta un potrèt di bo ID bon legibel riba un telefòn selular òf tablet.
• E persona apoderá ta mustra e kopia di bo dokumento di identidat na e urna elektoral. E persona apoderá mester mustra su mes dokumento di identidat tambe.
• E persona apoderá por vota pa bo únikamente na mes momentu ku e persona mes ta vota. Un persona apoderá por vota pa un máksimo di dos otro persona.

2. Duna un persona apoderashon pa medio di un formulario di outorisashon (por eskrito)

Bo por laga un otro persona vota pa bo tambe via un formulario di apoderashon pa vota. Esaki nos ta yama un apoderashon por eskrito.

Pa esaki bo por haña un formulario di ‘petishon pa vota pa medio di apoderashon na Registro Sivil. Òf por download esaki riba e website di e Entidat Públiko. Mester entregá e formulario no mas lat ku djaluna 3 di yüni na Registro Sivil.

Por hasi uso di un apoderashon por eskrito por ehèmpel ora ku:

• Bo no ta riba e isla riba e dia ku bo por vota. Por ehèmpel, pasobra bo ta ku fakansi òf pasobra bo ta den eksterior pa motibu di bo trabou;
• Bo no por duna un kopia di bo ID. Por ehèmpel, pasobra bo dokumento di identidat a kaduká pa mas ku 5 aña i bo no por apliká mas na tempu pa un dokumento di identidat nobo.

E persona ku ta vota pa bo (esun apoderá) mester:

• tin derecho di voto;
•  vota pa bo na mesun momento ku e mes ta vota.

Apoderá un persona ta tuma lugá di e manera akí:

• Abo i e persona ku ta bai vota pa bo (esun apoderá) ta yena e formulario. Laga e persona ku bo ke apoderá yena e formulario promé ku bo mes hasi esaki. Di e manera akí bo por ta sigur ku bo ta apoderá e persona korekto. Boso tur dos ta firma e formulario.
• Bo mester entregá e formulario no mas lat ku djaluna 3 di yüni na Register Sivil.
• E persona apoderá á ta risibí un prueba di apoderashon ku kua e por vota pa bo. Si Register Sivil a aprobá e prueba di volmacht, no por retirá e prueba di apoderashon mas.
• E persona apoderá á ta bai ku e prueba di apoderashon por eskrito na e urna elektoral. Bo no tin mester di duna un kopia di bo ID. E persona apoderá á por vota pa bo únikamente na mes momentu ku e persona mes ta vota.

Importante

• Un votadó so por apoderá un otro persona di su mes boluntat. No mag aserká otro votadó ku e petishon pa vota pa nan. Esaki nan ta yama reklutá apoderashon i esaki ta kastigabel pa lei. E lei di Elekshon tambe ta prohibí pa aserká votadó pa kumpra nan apoderashon pa medio di un donashon òf promesa.
• Si bo pèrmití intenshonalmente di bende bo apoderashon bo ta kastigabel pa lei pues.
• Si un persona ta pone bo bou di preshon pa duna bo apoderashon. Duna keho di esaki e ora ei. Si nan ta obligá bo, abo ta víktima, i bo no ta kastigabel.

Por fabor tuma bon nota

• Prevení mal uso di bo ID. Skirbi riba e kopia ku e ta destiná solamente pa uso na momento di vota ku bo apoderashon i pidi e kopia bèk despues di a vota.
• Esun ku ta vota pa bo mester ta biba riba e mesun isla ku bo.
• Un persona apoderá por vota pa un máksimo di dos otro persona.
• Bo ke apoderá un persona, pero bo tin un limitashon ku ta pone ku bo no por buta bo firma? Bo dokumento di identidat ta menshoná 'inkapas pa firma'? E ora ei bo por outorisá un persona pa vota pa bo sin bo firma. Bo no tin mester di firma bo apoderashon por eskrito òf e apoderashon pa vota via bo karchi di vota. E Entidat Públiko of e urna elektoral ta verifiká si e opservashon 'inkapas pa firma’ ta den bo dokumento di identidat tambe. Si ta asina, un otro hende por vota pa bo.

Na e urna elektoral bo ta mustra bo karchi di vota i bo ID. Si tur kos ta na òrdu, bo ta risibí un papel pa vota i un pòtlot kòrá. Bo ta bai ku esaki den e hòki pa vota. Bo ta marka e rònchi dilanti di e nomber di e persona pa kende bo ke vota kòrá.

Dobla e papel pa vota di tal manera ku ningun hende no por mira bo eskoho. Despues bo ta hinka bo papel di vota den e buzon di voto.

Votashon ta sekreto. E hòkinan pa vota na e urna elektoral ta poné di manera ku ningun hende no por mira pa ken bo ta vota. Ta prohibí pa drenta e hòki pa vota ku mas persona. Solamente persona ku un desabilidat físiko por risibí asistensia den e hòki pa vota.

Bo no ke skohe ningun kandidato, pero bo ke hasi uso di bo derecho di voto? E ora ei bo por duna un voto blanku. Bo ta bai na e urna elektoral pues, pero no ta vota pa un kandidato.

Bo ta vota blanku dor di no hasi ningun rònchi kòrá i no pinta ni skirbi nada riba e papel di vota. E papel di vota ta keda kompletamente bashí pues.

Bo voto blanku tin solamente un nifikashon simbóliko i no tin influensia riba e repartishon di asiento. Un voto blanku òf un voto no emití no ta bai pa e partido di mas grandi. Un voto blanku ta konta sí pa e partisipashon na e elekshon.

Bo por vota pa 1 kandidato riba e papel di vota dor di klùr e rònchi di vota korespondiente kòrá. Si bo klùr den mas ku un rònchi, bo voto no ta bálido. Tambe si bo pinta òf skirbi algu riba e papel di vota pa un hende por sa ken bo ta, bo voto no ta bálido. Bo voto e ora ei ta konta solamente pa kalkulashon di e partisipashon.

Bbo a hasi bo papel di vota aksidentalmente no bálido òf bo a kibuká bo mes? E ora ei bo por pidi e miembronan di e urna elektoral un biaha pa un papel di vota nobo.

Votashon ta sekreto. Bo no tin nodi di bisa ningun hende pa kende òf pa kua partido bo a vota. Personanan ku ta obligá bo pa hasi esaki ta kastigabel pa lei. Si bo ta sinti ku bo ta bou di preshon, bo por hasi denunsia di esaki.

Bo no por vota bo mes independientemente, pa motibu di un limitashon físiko? E ora ei bo por haña asistensia den e hòki di vota. Por ehèmpel, si bo ta malu na bista, siegu òf si bo tin e malesa di Parkinson. Abo mes por trese un persona pa asistí bo òf pidi un miembro di e urna elektoral pa asistensia.

Riba e wèpsait kiesraad.nl bo por haña e listanan di kantidato i partido riba kua bo por vota. Bo por hasi uso di esaki i un òf mas ayudo ònlain pa vota pa deskubrí kua ta e partidonan ku mas ta kuadra ku bo.

Bo mester di asistensia pa vota? Hasi un tèst riba bo preferensia polítiko ku e 30 ponensianan di e 'StemWijzer'.