Kampaña di informashon referèndem Wiv Wet 2017 a kuminsá
Riba djárason 21 di mart 2018 ta tene un referèndem konsultativo tokante lei ku ta regardá servisio di informashon i servisio di seguridat 2017 (Wiv 2017). E siman aki RCN ta kuminsá ku e kampaña di informashon riba e 3 islanan Boneiru, Sint Eustatius i Saba. E kampaña di informashon lo dura seis siman.
Lo apliká diferente medio di komunikashon, manera aviso di korant, spòt di radio i di televishon i Facebook pa suministrá e personanan ku derecho di voto tur e informashonnan nesesario, di manera ku nan por hasi uso di nan derecho di voto na un manera adekuá.
E kampaña, ku tin komo tema “Tur voto ta konta”, i tin komo meta pa hasi tur habitante konsiente di e tópikonan:
- Konosementu ku tin un referendum andando
- Ken tin mag vota i na unda, ki dia i kiko ta e orarionan
- Vota ku apoderashon
- Karchi di vota
Aki bo ta haña splikashon tokante e proseso elektoral i e reglanan di e referèndem. Mas informashon tokante e lei ku ta tópiko di e referèndem ku ta tene bo ta haña riba www.referendumcommissie.nl.
Riba enkargo di minister di Asuntunan Interior i Relashonnan den Reino RCN ta ehekutá e kampaña di informashon. Entidatnan públiko ta responsabel pa organisashon di e referèndem.