Deklarashon di Reino Hulandes enkuanto e relashon bilateral ku e Repúblika Bolivariano di Venezuela
E gobièrnunan di Reino Hulandes ta lamentá profundamente e desishon unilateral di e gobièrnu Venezolano pa sera e fronteranan ku Aruba, Kòrsou i Boneiru riba 5 di yanüari tras di lomba. Venezuela a hasi esaki a konsekuensia di práktikanan di kontrabanda ku ta tuma lugá for di Venezuela via di e islanan.
Komo resultado, Reino i Venezuela tabatin kontakto amplio tokante di un enfoke konhunto pa ku kriminalidat ku ta pasa frontera, inkluso kontrabanda. Riba 12 di yanüari tras di lomba un konsulta konstruktivo entre Reino i Venezuela a tuma lugá na Aruba i ámbos partido a yega na akuerdonan tokante di e enfoke nesesario pa kontrabanda entre otro dor di intensivá e koperashon di duana. Reino ya a kuminsá implementá algun di e medidanan ku mester sòru pa kombatí kontrabanda.
Ta den interes di Reino i Venezuela pa un normalisashon di e relashonnan entre ámbos isla bisiña tuma lugá rápidamente. Esaki ta pas ku e laso históriko i kultural ku ta eksistí entre e pueblo Venezolano i esun di e isla- i teritorionan ultramar di Reino.
Pa tal motibu Reino ta hasi un yamada na outoridatnan Venezolano pa formalmente aseptá e akuerdonan ku a realisá na Aruba riba 12 di yanüari tras di lomba ya asina por habri e fronteranan entre ámbos pais di nobo i e kontrabanda, motibu ku a sera frontera, konhuntamente i efektivamente por wòrdu kombatí.