SSO-CN ta muda pa edifisio renobá
Riba djaluna 19 di ougùstùs e Shared Service Organisatie di RCN (SSO-CN) a muda pa e anterior edifisio di APNA situá na Kaya Internashonal. Te ku siman pasá e 110 empleadonan di SSO-CN tabata ubiká na The Mall den sentro di Kralendijk.
Den e periodo tras di lomba a modernisá e edifisio bieu pa unu sentral pa e empleadonan di SSO-CN na Boneiru. E esfera di trabou ta diseñá di tal forma ku e no ta solamente fasilitá pero tambe stimulá pa traha di un otro manera. E konsepto di espasio habrí i tambe kompartí espasio di traha, ta un konsepto nobo den region. Durante di e renobashon a sòru tambe pa hasi e edifisio duradero. Asina tin por ehèmpel lusnan ku ta spar koriente, wc-nan ku ta spar awa i den koperashon ku Selibon ta sòru pa separashon di sushi.
Lo usa ménos meter kuadrá dor di sentralisá e personal di SSO-CN den un edifisio enbes di kuater i esaki ta resultá den un bahada di gastu anual. Henter e renobashon tabata den man di kompanianan lokal i for di region. Lo pasa artíkulo i muebel ku no ta bai e edifisio renobá, over na fundashonnan lokal.