Tokante Schadefonds Geweldmisdrijven
Schadefonds ta un órgano gubernamental independiente i ta kai bou di e ministerio di Hustisia i Siguridat. Schadefonds ta finansiá pa ministerio di Hustisia i Siguridat i mester duna kuenta na esaki.
Schadefonds Geweldmisdrijven ta duna un pago di un solo bia na víktima ku leshonnan físiko òf síkiko grave. Ku esaki Schadefonds ke duna rekonosimentu for di gobièrnu i na nòmber di komunidat pa e inhustisia ku nan a pasa aden. Di e manera aki Schadefonds ta kontribuí na rekuperashon di konfiansa i satisfasé e sentido di hustisia na víktima i nan próhimo.
Importante pa sa:
- E petishon komo víktima òf pariente di defuntu ta posibel pa krímen ku a tuma lugá riba òf despues di promé di yanüari 2017. Un petishon komo próhimo di víktima ta posibel pa krímennan kometé riba òf despues di promé di yanüari 2019.
- Mester entregá e petishon denter di 10 aña despues ku e krímen a tuma lugá.
- Nunka Schadefonds lo tuma kontakto ku e malechor.
- No mester tabatin un kaso hudisial òf un sentensia.
- Schadefonds por yuda kolektá informashon serka por ehèmpel polis òf Ministerio Públiko.
Schadefonds ta konsistí di un komishon di dies miembro i un ofisina di mas ku 80 empleado. E komishon ta stipulá e maneho i disidí riba kartanan di opheshon. E ofisina ta trata e petishon, realisá e investigashon i transferí e suma di pago pa e víktima i pariente di defuntu. Tambe e ofisina ta sostené e komishon ku kasonan di opheshon i ta representá Schadefonds dilanti di hues den kasonan di apelashon.