Schadefonds Geweldsmisdrijven (PAP)

Schadefonds Geweldmisdrijven ta duna un pago di un solo bia na víktima ku leshonnan físiko òf síkiko grave. Ku esaki Schadefonds ke duna rekonosimentu for di gobièrnu i na nòmber di komunidat pa e inhustisia ku nan a pasa aden. Di e manera aki Schadefonds ta kontribuí na rekuperashon di konfiansa i satisfasé e sentido di hustisia na víktima i nan próhimo.

E informashon riba e wèpsait aki ta pa víktima di krímen violento kometé den Hulanda Karibense. Víktima di krímen violento kometé na Hulanda Oropeo nos ta referí na e wèpsait www.schadefonds.nl.

E organisashon Schadefonds Geweldsmisdrijven ta duna un pago di un solo bia na:

  • víktima di krímen violento ku tin òf tabatin problemanan (leshon) físiko i/òf síkiko grave komo konsekuensia;
  • pariente di un víktima ku a fayesé pa motibu di krímen violento òf pa motibu di un delito di morto pa kulpa;
  • próhimo di víktima ku dor di e krímen violento tin problema (leshon) físiko i/òf sikológiko grave i permanente.

'Rekonosementu ta fortalesé. Komprometé huntu.'

Seis luna pasá mi tabata violentemente atraká.

Pa prosesá esaki, mi a buska ayudo dirigí.

Esaki tabata posibel danki na un kompensashon di Schadefonds.

Lokual ku a yudá mi durante mi aplikashon, ta ku mi a hasi denunsia.

No a haña outor di e delito nunka

pero tabata opvio ku mi leshon sikológiko ta resultado di e krímen violento.

Tin biaha Schadefonds ta kolekshoná informashon pa por evaluá e aplikashon.

Por ehèmpel serka polis, hues òf ministerio públiko.

Òf, ku mi aprobashon, serka mi provedor di kuido médiko.

Paso mi leshon mester ta hopi grave.

Si mi provedor di kuido médiko no tin sufisiente informashon

e ora ei spesialistanan médiko di Schadefonds lo evaluá e leshon segun datonan disponibel.

i Schadefonds lo determiná e kantidat di kompensashon ku mi tin derecho riba dje

Naturalmente ta usa e informashon solamente pa evaluá mi petishon.

E datonan pa mi petishon tabata rápidamente disponibel.

P’esei, mi a risibí mi kompensashon finansiero mas lihé ku mi a spera.

I awor, mi ta hopi mas mihó!

Bo mester di yudansa pa hasi e petishon? 

Akudí na e Ofisina Yudansa pa Víktima