Entrante 11 di novèmber 2025 bo ta risibí un number di servisio pa siudadano (BSN) i bo por pasa buska e karta ku bo BSN personal na ofisina di registro sivil. E BSN ta bo number personal, ku bo ta haña for di awor di forma ku den futuro bo por regla bo asuntunan ònlain ku gobièrnu.
Bini ku identifikashon bálido
Pa buska bo karta di BSN bo mester bini ku un identifikashon bálido, manera bo sédula, pasport òf reibeweis. Bo tin yu(nan) menor di 16 aña? Mayor i kuidadó di un mucha menor di 16 aña por buska e karta di BSN di e yu.
Formulario di outorisashon
Bo por outorisá un otro persona pa buska bo karta di BSN. Pa esaki bo ta skirbi un karta di outorisashon kaminda ku tin bo nòmber, fecha di nasementu, adrès i firma, huntu ku e nòmber i fecha di nasementu di e persona ku bo ta outorisá. Den e karta mester menshonábon kla ku bo ta outorisá e persona pa tuma e karta na bo nòmber. Ademas, bo mester inkluí un kopia di bo identifikashon.
Preguntanan frekuentemente hasí
Tur habitante di Boneiru, Sint Eustatius i Saba for di 16 aña por buska nan karta di BSN personal di BSN.
Bini ku bo identifikashon bálido (sédula/karchi di identidat, reibeweis òf pasport) ora ku bo ta bai buska bo karta di BSN personal.
Si, mayornan ku yu menor di 16 aña por tuma e karta di BSN di e yu. Sòru si pa bo bini ku un identifikashon bálido di bo yu.
Tur persona for di 16 aña por buska e karta di BSN personal. Mas yòn ku 16 aña? E ora ei un mayor òf kuidadó por buska e karta.
Si, bo por outorisá un persona. Pa esaki bo ta skirbi un karta di outorisashon kaminda ku tin bo nòmber, fecha di nasementu, adrès i firma, huntu ku e nòmber i fecha di nasementu di e persona ku bo ta outorisá. Den e karta mester menshoná bon kla ku bo ta outorisá e persona pa tuma e karta na bo nòmber. Ademas, bo mester inkluí un kopia di bo identifikashon.
Si, semper bo por hasi petishon na registro sivil.
Warda e karta ku bo BSN personal bon den e map, esaki bo ta risibí na momentu ku bo buska e karta. No kompartí bo BSN sin mas ku otronan.
Semper bo por hasi petishon pa bo BSN na registro sivil òf buska esaki ku DigiD riba mijn.overheid.nl.
E BSN ta personal i lo pertenesé semper na bo. Balides di e karta ta indefiní komo komprobante di bo BSN.