Kiko bo ta siña na TOP CN?
TOP CN ta e programa unda trabou i siñamentu ta sentral. Ku coaching, treinen i supervishon, komo TOP trainee bo no ta traha solamente riba bo karera pero tambe riba bo desaroyo personal.
Den e promé aña, bo ta bou di guia di un supervisor di e lugá di trabou i un coach.
Supervisor di e lugá di trabou
Bo supervisor di e lugá di trabou lo asistí bo den bo trabou diario na e lugá di trabou. Bo por tuma kontakto ku bo supervisor di lugá di trabou pa tur bo preguntanan tokante bo trabou, bo departamentu i organisashon. Bo supervisor di e lugá di trabou ta bo coach di trabou na bo lugá di trabou, e konosé e proseduranan di trabou i bo profeshon. Bo por dialogá kuné tokante bo trabou diario i lo bo risibí feedback konstruktivo ku lo yuda bo krese den bo ròl.
Coach
Komo TOP trainee bo ta haña tambe un coach personal. E coach akí ta asistí bo den bo desaroyo i kresementu personal. Pa medio di un karchi di seshon bo ta haña derecho riba 7 seshon di coaching individual. Bo mes por hasi uso di e seshonnan akí pa problemátikonan relashoná ku bo regreso i kresementu personal. Bo coach ta un persona ku rais lokal i konosementu profundo di kultura i sosiedat (di trabou).
Treinen
Durante di bo TOP traineeship, kada luna tin kuater parti di dia reservá pa treinen. Na e treinennan akí bo ta partisipá huntu ku e otro TOP traineenan. Lo bo siña un diversidat di abilidat ku por benefisiá bo hopi den bo karera. Ata akí algun ehèmpel di e treinennan ku e programa di TOP ta ofresé:
- Finansa personal: E treinen akí ta yuda bo invertí den un regreso duradero na Hulanda Karibense. Por ehèmpel, bo ta haña un bista di kon bo ta entregá deklarashon di belasting i di krea stabilidat finansiero.
- Maneho di ‘stakeholder’: Bo ta siña identifiká ‘stakeholders’, analisá i enbolbí ‘stakeholders’ stratégikamente den maneho i tomo di desishon.
- Abilidat di idioma (hulandes òf ingles): Den e treinen aki lo bo traha riba desaroyo mas aleu di bo abilidatnan di idioma empresarial na hulandes òf ingles, tantu por eskrito komo oral.
- Skribimentu di nota di maneho: Lo bo siña strukturá nota di maneho na un manera kla i lógiko, ku atenshon pa argumentonan bon motivá i presentashon di datonan relevante.