Programa Desaroyo di Talento Hulanda Karibense ta kuminsá
E Programa Desaroyo di Talento Hulanda Karibense (TOP CN) ta kuminsá. TOP CN ta un programa di trabou i formashon di un (1) aña, spesialmente pa profeshonal resientemente graduá ku tin rais na Boneiru, Sint Eustatius òf Saba.
‘Trainee’ ku ta partisipá na TOP CN ta bai traha na un organisashon di gobièrnu manera Entidat Públiko òf na Rijksdienst Caribisch Nederland. A habri e vakatura pa e promé grupo di ‘trainee’ di TOP. E fecha di inisio premirá pa e grupo di ‘trainee’ aki ta promé di yüli 2025.
Programa TOP CN
Serka TOP CN, traha i siña ta sentral. Stazjèr di TOP por konta ku un trabou ku ta pas kuné, guia profeshonal, un oferta amplio di formashon i workshop, i un komunidat di ‘trainee’ na Hulanda Karibense. I e kos di mas importante: stazjèr di TOP tin e perspektiva di un trabou figo struktural serka un di e organisashonnan di gobièrnu.
Trese bèk i retené talento lokal
E programa TOP CN ta dirigí su mes spesífikamente riba yu di tera ku ta motivá pa regresá na su isla no mas ku dos aña despues di finalisá su estudio HBO òf WO. Dor di trese bèk e talento hóben aki na e islanan, e programa TOP CN ta kontribuí na un impakto duradero i na fortifikashon di e kapasidat di implementashon na Hulanda Karibense.
Solisitá pa e ‘traineeship’ di TOP
Abo ta òf abo konosé un kandidato adekuá pa e ‘traineeship’ di TOP? Por solisitá te ku djárason 2 di aprel 2025. Pa mas informashon, bishitá www.topcn.nl/pap