BCN Analista di informashon

HBO | Boneiru | 36 ora | Number di vakatura P&O2024_010_006 | Fecha di klousura: 29 di òktober 2024

Deskripshon di e funshon

Komo analista di informashon bo ta forma e konekshon entre e doñonan di data i e analistanan di data. Huntu ku e kolaboradó senior di e esena di ICT bo ta duna kolaborashon na Belastingdienst Caribisch Nederland pa traha na un manera basa riba informashon i pa realisá madures di data. Bo ta traha riba desaroyo di nos 'datalake', 'datawarehouse' i 'dashboarding'. Huntu ku e doñonan di data, bo ta tradusí indikadónan di prestashon interno i eksterno pa e infrastruktura di data di B/CN i un presentashon korekto. Finalmente bo ta desaroyá, huntu ku e analistanan di data i e kolaboradó senior di e esena di ICT, e proseso di produkshon di produktonan di data i e standartnan.

Ademas di desaroyo, e dominio di  produktonan di data ta un parti krusial den e funshon aki. Esaki ta inkluí tambe e mantenshon di e produktonan di data aktualisá, e maneho nesesario di vershon i maneho di tèst.

Definishon di e funshon

• Bo ta traha riba i ta konsehá riba produktonan di informashon kompleho, servisionan, prosesonan di negoshi i e agènda di IM, tantu pa e Servisio di Impuesto komo pa partidonan eksterno;
• Bo ta responsabel pa e parti di informashon enfoká den e agènda di desaroyo di ICT i ta mantené e produktonan di data den konsulta ku e kolaboradó senior di e esena di ICT i e doñonan di data.  Den esaki, bo ta responsabel, entre otro pa implementashon di programanan pa mehorá data;
• Bo ta konsehá, solisitá i no solisitá, na un manera komprensibel, e kolaboradó senior di e esena di ICT, direkshon i miembronan di mt (e doñonan di data) tokante desaroyo i maneho di produktonan di data, trabou orientá na data i madures di data;
• Bo ta lider di proyekto pa un infrastruktura multidisiplinario di data, produktonan i presentashon di preguntanan pa B/CN òf pa partidonan eksterno;
• Bo ta ko-responsabel pa e evaluashon i implementashon di kambionan den e infrastruktura di data i -produktonan. Bo ta organisá, entre otro, e tèstnan di aseptashon funshonal (FAT) i e tèstnan di aseptashon di usuarionan (GAT);
• Bo ta ko-responsabel pa kumpli ku e arkitekturanan di NORA i MARIJ, oudit di ADR, normanan di BIO, Maneho di Proseso di Negoshi (BPM), trabou orientá na data i LEAN organisashon di prosesonan. Ademas, bo ta mantené e koherensia entre e arkitektura di negoshi, informashon i IT.

Organisashon

Belastingdienst CN (B/CN) ta responsabel pa e kobransa di impuesto, supervishon, i rekoudashon di impuestonan gubernamental i e implementashon di e legislashon di Impuesto, Duana i Akseins na e islanan di Boneiru, Sint Eustatius i Saba. Tin ofisinanan riba tur tres isla. B/CN ta forma parti di Servisio di Impuesto/Duana di Hulanda. B/CN na e momentonan aki tin un kantidat amplio di servisionan (online) operashonal i ta un lider riba e tereno di ICT pa gobièrnu den region.

Eksigensianan pa e funshon 

• Nivel HBO di traha i pensa preferiblemente demostrabel pa medio di sertifikashon i/òf estudio relashoná ku maneho di informashon
• Mínimo tres aña di eksperensia laboral relevante;
• Eksperensia ku proyektonan i trayektonan di desaroyo di infrastruktura di data i produktonan, guia dirigí di un tim multidisiplinario i stimulá trabou guiá pa data i madures di data;
• Eksperensia den tur e fasenan di e proseso di desaroyo manera esakinan ta deskribí den e kadernan di ASL, ITIL i BiSL den e di IV kadena i den traha ku Agile;
• Eksperensia ku e kumplimentu di e normanan di BIO òf NEN-ISO/IEC 27001:2017, NEN-ISO/IEC 27002:2017 i normanan di kontrol General di IT;
• Eksperensia ku gruponan di trabou i proyektonan (inter-departamental) tokante prosesonan di desaroyo di ICT i e medidanan di maneho i akuerdonan di maneho asosiá;
• Habilidat komunikativo. 

Kompetensianan

• Konsiente di esnan/sistema rònt di bo
• Kapasidat di análisis
• Persuasivo 
• Traha na manera metódiko
• Dirigí riba resultado
• Resistensia pa strès
• Kapasidat inovativo i pa trese solushon

Kiko nos ta ofresé

• Un nombramiento di akuerdo ku e Posishon Hurídiko di funshonarionan públiko BES;
• Un salario konforme e merkado, den skal inisial 9 i skal di e funshon 10, di minimal $3.075,- i maksimal $4.575,- pa luna mará na un siman di trabou di 36 ora (nivel di skal ta tuma lugá a base di konosementu i eksperensia);
• Sèn di vakashon (8,33% di e salario anual);
• Un di diestres luna (8,33% di e salario anual, ku un mínimo di $1.750,- bruto);
• Un areglo di penshun koloká bou di Pensioenfonds Caribisch Nederland (PCN);
• 168 ora di vakashon pa aña a base di un kontrato di trabou kompleto riba un base anual.
• Un nombramentu temporal pa un aña ku bista riba un nombramentu fiho a base di un bon funshonamentu i un evaluashon positivo
• Un areglo di mudansa si bo ta reakshoná for di den eksterior.

Prosedura

• Ta habri e vakatura akí na mes momentu interno i eksterno. Den kaso di kapasidat igual kandidatonan interno tin preferensia;
• Un evaluashon òf entrevista por forma parti di e prosedura.

Eksigensianan pa nombramentu den e funshon

• Un deklarashon tokante kondukta (VOG);
• Un eksaminashon médiko pa atmishon den e fondo di penshun;
• Nashonalidat hulandes.

Bon pa sa esaki pa esnan interesá ku ta biba pafó di Hulanda Karibense

• E salario ta na dòler merikano, e moneda ofisial di Hulanda Karibense;
• Hulanda Karibense tin su mes regulashonnan fiskal. Ta apliká un tasa di impuesto di 30,4% pa entrada riba e suma liber di impuesto ($ 20.424,- na 2024);
• Partisipashon den fondo di penshun ta obligatorio, inkluyendo e suma di kontribushon personal pa ku esaki;
• Bo ta habitante òf lo bira habitante di Hulanda Karibense.
• Si bo ta un habitante, e seguro di gastunan médiko ta grátis.

Mas informashon?

Pa informashon tokante e vakatura aki bo por tuma kontakto ku Gert Kuilder, number di telefòn +599 795 4756.

Apliká digitalmente

Bo por manda bo Curriculum Vitae ku motivashon pa vacature@rijksdienstCN.com