BCN Asistente Kolaboradó di Maneho ICT
Bo ta fuerte den manehá informashon? Bo tin un sentido di responsabilidat grandi? Solisitá awor!
HBO | Boneiru | 36 ora | Vakatura P&O2024_10_005 | Fecha di klousura: 29 di òktober 2024
Deskripshon di funshon
Komo Asistente Kolaboradó di Maneho ICT bo tin un kampo di labor amplio. E maneho di implementashon di e agènda di desaroyo di ICT, meskos ku supervishon di e funshonamentu korekto di henter e paisahe di aplikashon ta inkorporá den e funshon aki. Banda di esei bo ta organisá i sòru pa un parti di e maneho diario di e paisahe di e aplikashon i bo ta e punto di kontakto di e usuarionan di bo aplikashon.
Aparte di desaroyá, kontrolá sistema, funshonamentu di sistema i funshonamentu di e áreanan di konekshon ta un parti krusial den e funshon aki. Esaki ta enserá tambe mantené instalashon, maneho di vershon nesesario i maneho di tèst aktualisá.
Tareanan di funshon
- Bo ta traha na i duna konseho tokante produktonan di suministro di informashon, servisionan, prosesonan empresarial i e agènda di IM, na tantu Belastingdienst komo terser personanan;
- Bo ta responsabel pa un parti independiente di e paisahe di aplikashon denter di e agènda di desaroyo di ICT i, den konsulta ku e mènedjer di informashon prinsipal i terser personanan, ta mantené e parti di paisahe di aplikashon aki;
- Bo ta duna konseho na un manera komprendibel, tantu ora ku pidi bo komo ora ku no pidi pa esaki na e mènedjer di informashon prinsipal, direktiva i miembronan di e tim di maneho riba tereno di prosesonan di implementashon i ehekushon, maneho di informashon, seguridat di informashon i ICT;
- Bo ta posiblemente disponibel komo lider di proyekto prinsipiante pa asuntunan di maneho di informashon i problema di seguridat, lo determiná e peso di e proyekto pa e tipo i amplitut di e puesto i eksperensia;
- Bo ta ko-responsabel pa e evaluashon i implementashon di kambionan i funshonalidat nobo den plataformanan tékniko kompleho i sistemanan empresarial kritiko di kliente i produkshon, inkluso e functionele acceptatie test (FAT, tèst di aseptashon funshonal) korespondiente i e gebruikers acceptatie testen (GAT, tèstnan di aseptashon pa usuario);
- Bo ta koresponsabel pa kumpli ku e arkitekturanan di NORA (Referensia Arkitektura Gobièrnu Hulandes) i MARIJ (Modelo Arkitektura Gobièrnu Sentral), audit di ADR (Ofisina di ouditoria Gobièrnu Sentral), normanan BIO (Base di protekshon di informashon di Gobièrnu), Business Process Management –BPM (Maneho di Proseso Empresarial) i pa diseñá e prosesonan segun e instrukshonnan di LEAN i salbaguardiá e koherensia entre arkitektura di empresa, di informashon i di IT.
Organisashon
Belastingdienst (B/CN) ta responsabel pa kobransa di impuesto, supervishon di esaki, kobransa di impuesto di Reino i ehekushon di e legislashon di Impuesto, Duana i Akseins na e islanan Boneiru, Sint Eustatius i Saba. Riba tur tres isla tin ofisinanan establesé. B/CN ta parti di e Belastingdienst /Duana hulandes. Entretantu, B/CN tin un palèt amplio di servisio (online) operashonal, i ta prominente riba tereno di ICT pa e gobièrnu den region.
Eksigensianan di funshon
- Nivel HBO di traha i pensa preferiblemente demostrabel pa medio di sertifikashon i/òf estudio relashoná ku maneho di informashon
- Minimalmente tres aña di eksperensia den trabou relevante;
- Eksperensia ku trayektonan di proyekto i desaroyo, guia pa loke ta trata kontenido di un tim i plataformanan (hosting) tékniko;
- Eksperensia den tur faseta di e proseso di desaroyo tal manera e ta deskribí den e marko di ASL (Biblioteka di Servisio di Aplikashon), ITIL (Biblioteka Infrastruktura di teknologia di Informashon) i BiSL (Biblioteka di Servisio di Informashon Empresarial) den e kadena di IV (Suministro di informashon) i e método Agile;
- Eksperensia ku kumplimentu ku e normanan di BIO òf NEN-ISO/IEC 27001:2017, NEN-ISO/IEC 27002:2017 i General IT controls (Kontròl General di IT);
- Eksperensia (interdepartamental) ku gruponan di trabou i proyekto pa loke ta trata prosesonan di desaroyo di ICT i e medidanan di maneho i akuerdonan di maneho korespondiente;
- Abilidat komunikativo.
Kompetensianan
- Konsiente di entorno
- Kapasidat analítiko
- Poder di konvensé
- Traha metódikamente
- Enfoká riba resultado
- Resistente na stress
- Kapasidat di inová/solushoná
Loke nos ta ofresé
- Un nombramentu a base di e Rechtspositiebesluit ambtenaren BES (Desishon di posishon hurídiko di ámtenar di BES);
- Un salario konforme merkado den skal inisial 9 i skal di funshon 10, salario mensual di minimo $3.075,- i maksimo $4.575,- pa luna ku un siman di trabou di 36 ora (klasifikashon a base di konosementu i eksperensia);
- Un di diestres luna (8,33% di e salario);
- Sèn di fakansi (8,33% di e salario);
- Un bon areglo di penshun akomodá na Pensioenfonds Caribisch Nederland (PCN);
- 168 ora di fakansi serka un empleo fultaim riba un base anual;
- Un nombramentu temporal pa un aña ku bista riba un nombramentu fiho den kaso di bon funshonamentu i un evaluashon positivo;
- Un areglo di mudansa pa kandidato ku ta reakshoná di pafó di e isla.
- E posibilidat pa sigui un estudio na nivel di HBO ku ta pas ku e funshon.
Prosedura
- Ta habri e vakatura akí na mes momentu interno i eksterno. Den kaso di kapasidat igual kandidato interno tin preferensia;
- Un assessment òf casus por forma parti di e prosedura.
Eksigensianan pa nombramentu
- Un deklarashon tokante kondukta (VOG);
- Un saminashon médiko na fabor di atmishon den e fondo di penshun;
- Nashonalidat hulandes.
Bon pa sa pa interesado pafó di Hulanda Karibense
- E salario ta na dòler merikano, e moneda ofisial di Hulanda Karibense;
- Hulanda Karibense konosé su propio reglanan di impuesto. Ta kobra impuesto riba e entrada mas haltu ku e suma liber di impuesto ($ 20.242,-- na 2024) di un porsentahe di 30,4 % na retenshon riba suèldu;
- Ta obligá pa partisipá na e fondo di penshun, inkluso un kontribushon propio na esaki;
- Bo ta, òf bo ta bira, residente di Hulanda Karibense.
Mas informashon?
Pa informashon tokante e vakatura bo por tuma kontakto ku Gert Kuilder via number di telefòn +599 795 4756.
Solisitut digital
Bo por manda bo Curriculum Vitae ku bo motivashon pa vacature@rijksdienstCN.com