BCN Chief Financial Officer (CFO)

WO | Boneiru | 36 ora | Number P&O2025_03_007 | Fecha di klousura: 4 di aprel 2025

Tur aña, Duana/Ofisina di Impuesto CN (B/CN) ta risibí mas ku $200 mion na impuesto, akseins i prima. E servisio a desaroyá su mes den e último 13 añanan bira un organisashon basá riba dato na Hulanda Karibense. Siudadanonan i empresanan ta hasi mayoria deklarashon di impuesto ònlain. E organisashon atministrativo (AO) i e Interne Beheersing (IB, Kontrol Interno) ta di un nivel haltu serka B/CN. Den e añanan benidero, e organisashon lo enfrentá algun reto grandi ku lo afektá tantu e maneho di Informashon (IM) komo e Maneho Operashonal (en partikular AO/IB) i e servisio.

Kiko bo ta bai hasi?

Komo CFO bo ta responsabel pa e presupuesto i pa kontinuashon di e mehorashon mas aleu di kobransa di impuesto i entradanan. Huntu ku e timnan di IM i Maneho Operashonal bo ta sòru pa e prosesonan finansiero i di maneho di informashon kana bon, di manera ku lidernan di tim por guia e prosesonan primario efektivamente. Bo ta sigurá sufisiente presupueston adishonal, sigur pa por realisá e retonan nesesario riba tereno di IM manera stipulá den e ambishon pa 2030 i e obligashonnan ku ta surgi for di e proyektonan di Gobièrnu Sentral.

Lo implementá un atministrashon nobo di kontabilidat digital na 2025. Ademas, desaroyo mas aleu di e AO/IB ta un tópiko importante pa henter e Ofisina di Impuesto/CN, inklusivo Duana. Abo ta responsabel i ta duna guia den e desaroyo mas aleu aki, i ta hiba e AO/IB na un nivel mas haltu.

Komo CFO bo ta sòru pa na 2025 B/CN ta kla pa e retonan riba tereno di ICT, manera implementashon di e DigiD i di e Number di Servisio pa Siudadano, inkluso integrashon ku registronan básiko ku mester desaroyá ainda. E reto prinsipal pa e tim di IM ta pa sigui duna servisio digital i pa rediseñá e paisahe di aplikashon. Ta bo tarea pa sòru pa e aplikashonnan digital di impuesto i duana funshoná sin problema. Tambe, bo ta traha huntu ku e lidernan di tim riba inovashon di e sistemanan aki, a base di análisisnan di e tim di IM. Ademas, bo ta responsabel pa maneho i implementashon, i  ku por hasi uso di informashon pa kontrol di e prosesonan klave di Ofisina di Impuesto (imposishon, kontrol i kobransa).

Bo ta sòru pa un tradukshon stratégiko i operashonal di digitalisashon den e prosesonan finansiero i di maneho operashonal i ta traha huntu estrechamente ku e ‘lead information manager’ riba desaroyo mas aleu di e paisahe di aplikashon.

* E funshon di CFO serka B/CN ta un posishon klave stratégiko. Den promé instansia, e papel aki ta dirigí su mes únikamente riba e tareanan di CFO. E desishon tokante e ekstenshon pa direktor lo ta tumá pa mas tardá den Q3 di 2025 pa direktiva di B/CN, den konsulta ku otro stakeholdernan relevante.

Kiko nos ta pidi?

• Un nivel akadémiko di traha i pensa, ku por proba via un diploma universitario, òf un estudio HBO+ kompletá, ku sertifikashonnan adishonal, i mester por proba eksperensia na nivel di WO;
• Mester por proba ekspertisio finansiero, inkluso maneho di presupuesto, informe finansiero i proseso fiskal. Mester por proba di tin mínimo sinku aña di eksperensia ku liderazgo den un funshon finansiero stratégiko, ku un estilo di maneho orientá riba hende, ku ta pas den e konteksto karibense, i ku ta stimulá desaroyo i prestashonnan paden í pafó di maneho operashonal;
• Eksperensia debido i afinidat ku legislashon i regulashon fiskal i otro legislashon i regulashon relevante;
• Mester por proba di tin konosementu di i eksperensia ku problemátika di guia, organisashon, i maneho di transishon, kaminda konosementu i eksperensia ku implementashon di trayektonan di ICT ta importante;
• Konosementu di i eksperensia ku proseso masal di kliente i maneho di riesgo;
• Mester por proba di tin konosementu di método i téknika relashoná ku e tareanan di e maneho operashonal;
• Un dominio ekselente di hulandes, ingles i preferiblemente papiamentu.

Kompetensianan

• Abilidat analítiko;
• Sensitividat di organisashon;
• Sensitividat di maneho;
• Konsiente di bo alrededor;
• Nètwèrk;
• Guia grupo;
• Desaroyo di kolaboradónan;
• Reflekshoná.

Kiko nos ta ofresé?

• Un nombramentu temporal a base di e Rechtspositiebesluit ambtenaren BES (Desishon di posishon hurídiko di ámtenar di BES);

• Un salario konforme merkado den skal di e funshon 14 (salario mensual bruto mínimo $ 6.268,- i máksimo $ 7.618,-), ku un siman di trabou di 36 ora. Klasifikashon ta tuma lugá a base di konosementu i eksperensia;
• Sèn di fakansi (8,33% di e salario);

• Pago di fin di aña luna (8,33% di e salario);
• Un kompensashon di vitalidat;
• Un areglo di penshun akomodá na Pensioenfonds Caribisch Nederland (PCN);
• 182 ora di fakansi den kaso di un siman di trabou di 36 ora;
• Un nombramentu temporal pa un aña, ku bista riba un nombramentu fiho den kaso di bon funshonamentu i un evaluashon positivo;
• Un areglo di mudansa pa kandidato ku ta reakshoná for di eksterior.

Prosedura

Un assessment (eventual assessment di partner), casus i chekeo di referensia ta parti di e prosedura.
Den e selekshon lo tene kuenta ku e siguiente órden:

• Personal ofisial di RCN na e islanan BES (interno);
• Habitante di e parti karibense di Hulanda (eksterno);
• Sobrá kandidato (eksterno).

Eksigensia pa nombramentu

• Un Deklarashon di Bon Kondukta (VOG);
• Un saminashon médiko na fabor di atmishon den e fondo di penshun;
• E nashonalidat hulandes;
• Un investigashon di seguridat na nivel A kompletá ku éksito.

Bon pa sa pa interesado pafó di Hulanda Karibense

• E salario ta na dòler merikano, e moneda ofisial di Hulanda Karibense;
• Hulanda Karibense tin un propio regulashon di impuesto. E entrada riba e suma liber di impuesto di $ 21.373,- na 2025 lo karga ku impuesto den e promé grupo di impuesto, te un entrada di $51.250,-, kargá ku 30,4%. Den e di dos grupo di impuesto ta konta un tarifa di impuesto di 35,4%;
• Bo ta, òf bo ta bira, residente di Hulanda Karibense.

Mas informashon

Señora Claudia Toet, direktor B/CN, email Claudia.toet@belastingdienst-cn.nl

Solisitut digital

Bo por manda bo Curriculum Vitae ku motivashon pa email: vacature@rijksdienstcn.com