BCN Empleado di Duana C

(V)MBO | Boneiru, Saba i Sint Eustatius | 36 ora | P&O2025_07_001 | Fecha di klousura: 25 di ougùstùs 2025

Duana Hulanda Karibense (Douane CN) ta forma parti di e Ofisina di Impuesto Hulanda Karibense (B/CN) i ta kai bou di e Ofisina di Impuesto i Duana hulandes. Nos ta supervisá e importashon, tránsito i eksportashon di merkansia denter di Hulanda Karibense. Banda di esei nos ta aktivo riba tereno di kombatimentu di froude, kombatimentu di kontrabanda i vigilansia di kumplimentu ku e Impuesto General di Konsumo (ABB) i legislashon di akseins riba importashon. Ku ofisinanan na Boneiru, Sint Eustatius i Saba, nos tin un presensia lokal i por supervisá e region efektivamente.

Kiko bo ta bai hasi?

Komo un Empleado di Duana, bo lo ehersé un posishon ku múltiple faseta denter di Supervishon Físiko i/òf Atendementu di Kliente. Lo bo hunga un ròl importante den vigilá e fronteranan di Hulanda Karibense. Bo tareanan di trabou lo ta variá i ta kontené reto. Den e funshon akí, lo bo traha ku koleganan den un ambiente dinámiko i responsabel.

Bo responsabilidatnan ta inkluí entre otro:

• Kontrolá merkansia, hende i medio di transporte na haf, aeropuerto i otro lokalidat.
• Señalá iregularidatnan i kontribuí na detekshon di merkansia ilegal òf prohibí.
• Ehersé kòntròl físiko riba merkansia (manera den kònteiner) i akshonnan di mantenshon di lei serka por ehèmpel doño di pèrmit.
• Prosesá deklarashon pa importashon, eksportashon i tránsito, dor di hasi kòntròl di dokumento (bou di supervishon).
• Duna reakshon kompleto den e sistema di deklarashon di Asycuda World despues di kòntròl físiko.
• Reportá i kordiná bo resultadonan ku e departamento di Maneho di Riesgo.
• Realisá (sierto) Kòntròl Despues di Importashon (Controle Na Invoer - CNI).
• Ehekutá tareanan atministrativo kuidadosamente, inkluyendo trahamentu i prosesamentu di prosèsverbal.

Kiko e formashon lo enserá?

Bo ta start ku un formashon básiko práktiko di mas o ménos ocho luna, den esaki ta prepará bo paso pa paso pa trabou di duana riba e islanan. Durante e formashon akí bo ta risibí konosementu di e legislashon di duana, prosesonan di trabou i tareanan di supervishon. Lo bo siña supervisá merkansia, pasahero i medio di transporte, rekonosé señalnan di riesgo i aktua profeshonalmente durante kòntròl. Tambe lo bo siña kon pa hasi tareanan atministrativo kuidadosamente i supervisá e aspekto korekto i kompleto di dokumento.

Ademas, lo bo sigui entrenamentu di abilidat (IBT) den kua seguridat, defensa i komunikashon ta sentral. Un parti importante di e entrenamentu ta tuma lugá riba e tereno di trabou, kaminda bo ta bou di supervishon di koleganan eksperensiá i ta haña eksperensia práktiko direktamente.

Bo a finalisá un formashon di funshonario C den Duana kaba? E ora ei naturalmente nos ke invitá bo tambe pa apliká.

Kiko nos ta pidi di bo?

Bo tin:

• Por lo ménos un diploma na nivel: VMBO (kuadro, trayekto di siñamentu teóriko òf miksto), MAVO òf MBO-3;
• Un reibeweis B i un diploma di landamentu;
• Bon abilidat di komunikashon verbal i skirbí;
• Bon dominio di idioma hulandes, ingles i preferiblemente papiamentu i/òf spañó.
• Bon motivashon;
• Resiliensia físiko i mental ekselente.

Ademas bo ta dispuesto na:

• Biaha regularmente denter di Hulanda Karibense;
• Traha den warda iregular (tambe anochi, wikènt i dia di fiesta);
• Kargamentu di un arma di kandela (despues di despues di èksamen i entrenamentu di stabilidat positivo). Algun tarea ta rekerí outoridat pa usa forsa òf pa hasi listramentu di seguridat. Ta pa esei ta saminá bo i lo entrená bo pa esaki.

Ademas bo ta:

• Fleksibel;
• Proaktivo;
• Konsiente di bo ambiente;
• Analítiko;
• Desisivo;
• Orientá riba resultado;
• Koperativo;
• Resistente pa strès.

Esaki nos ta ofresé:

• Nombramentu konforme e Dekreto di Posishon Hurídiko pa Empleado Públiko BES;
• Salario segun e tabèl di salario di Rijksdienst Caribisch Nederland (RCN);
• Un siman di trabou di 36 ora pa siman;
• Pago di fakansi (8,33% di e entrada anual);
• Un di 13 luna (8.33% di e entrada mensual);
• Pago adishonal di vitalidat mensual;
• Un previshon di penshun akomodá na Pensioenfonds Caribisch Nederland (PCN);
• 182 ora di fakansi pa aña pa un kontrato laboral fultaim, inkluyendo 22 ora di fakansi adishonal ora ta traha oranan iregular;
• Un nombramentu temporal durante e formashon i e periodo di atkirí eksperensia di trabou, ku e perspektiva di un nombramentu permanente;
• Un areglo di mudamentu pa kandidatonan ku ta solisitá for di pafó di e isla.

Komo Empleado di Duana (C), lo bo traha den skal di funshon 7 (salario mensual bruto por mínimo $ 2.436 i por máksimo $ 3.289).

Durante e programa di formashon ta apliká e skal di formashon 5 (salario mensual bruto por mínimo $ 1.888 i por máksimo $ 2.741). Ora bo finalisá bo formashon, lo bo progresá pa e skal inisial  inisial 6 (salario mensual bruto por mínimo $ 2.132 i por máksimo $ 2.984,-). Klasifikashon ta tuma lugá basá riba konosementu i eksperensia.

Nos ta sigui e prosedura akí:

Ta publiká e vakatura aki simultáneamente riba plataforma interno i eksterno. E sekuensia ku mester sigui den reklutamentu i selekshon di empleado públiko na RCN ta:

• funshonarionan públiko RCN islanan BES (interno), kaminda kandidatonan pa rekolokashon interno denter di RCN tin prioridat, siguí pa
• residentenan di e parti Karibense di Hulanda (eksterno), siguí pa
• otro kandidatonan (eksterno)
• Un tèst di kondishon físiko i investigashon di stabilidat ta komponentenan obligatorio di e prosedura di selekshon akí i mester aprobá pa nan, pa por bin na remarke pa e funshon.

Esakinan ta e rekisitonan pa nombramentu:

• Nashonalidat hulandes;
• Un Deklarashon Tokante Kondukta (VOG);
• Un eksaminashon médiko, entre otro pa atmishon den e fondo di penshun.

Spesífikamente pa Duana CN:

• Un Deklarashon di No Opheshon (VGB);
• Konseho positivo di e investigashon di stabilidat (spesífikamente e evaluashon);
• Evaluashon positivo di e sirkunstansianan personal (di bida).

Ta bon pa persona interesá ku ta di pafó di Hulanda Karibense sa

E salario ta na dòler merikano, e moneda ofisial na Hulanda Karibense. Hulanda Karibense tin su propio reglamentu di belasting. Ta kobra belasting di entrada riba e montante liber di impuesto di $21,373 na 2025, na 30.4% den e promé sekshon, te na un entrada di $51,250. Den e di dos sekshon ta konta un tarifa di impuesto di 35.4%. Bo ta òf lo bira residente di Hulanda Karibense.

Mas informashon

Pa mas informashon tokante e funshon, bo por tuma kontakto ku Edward Thielman, Spesialista di Duana na +599 795 5083 òf Edward.Thielman@Belastingdienst-cn.nl.

Solisitut Digital

Bo por manda bo Curriculum Vitae ku bo motivashon pa vacature@rijksdienstCN.com