BCN Lider di Tim Operashonal – Proyekto di Servisio

HBO | Boneiru | 36 ora | Temporal* | Number di vakatura P&O2025_04_032 | Fecha di klousura: 27 di mei 2025

Hulanda Karibense, i pues e Ofisina di Impuesto CN tambe, ta ‘full swing’ den desaroyo. E organisashon ta pará dilanti di e reto pa hiba su servisio na un nivel mas haltu.

Den e funshon di Lider di Tim di Servisio, riba un base di proyekto bo ta duna forma na e servisio renobá di B/CN. Bo ta guia, embolbí, i motivá e miembronan di bo tim pa optimalisá e trabounan diario i mehorá kalidat di servisio.

Komo lider di tim bo tin un papel krusial den desaroyá i optimalisá e maneho operashonal diario. Den e funshon aki, ku por lo pronto ainda ta un funshon nobo, bo ta responsabel pa forma struktura i proseso nobo ku tin un impakto direkto riba e trabounan den B/CN i ku ta visibel pa e pagadó di impuesto. Asina, nos ta pensa riba laga e trabou na bali kana mas fásilmente, mehorá e posishon di konosementu di e kolaboradónan, i organisashon di un Sentro di kontakto ku Kliente (KCC).

Bo ta traha huntu estrechamente ku diferente tim, kolega, i ku tantu stakeholdernan interno komo eksterno, pa realisá e kambionan aki. Bo ta tuma inisiativa, i bo tin e responsabilidat pa start kambionan, hasi proposishonnan pa mehoransa, i buska posibilidatnan pa optimalisashon, te ora ku a implementá formanan di traha nobo. Ademas, bo ta responsabel pa mehorá e kalidat i realisá un esfuerso efisiente di kolaboradónan. Bo ta inisiá formanan di traha nobo, i ta introdusí i garantisá esakinan.

Esei ta nifiká ku komo lider di tim, bo ta:

• Duna guia pa yega na un kultura di trabou profeshonal, konstruktivo, i orientá riba kliente, di moda ku tur hende ta presta di forma optimal i ta sinti nan embolbí den e trabounan;
• Fiha kuadronan kla i sòru pa komunikashon kla, i tambe pa kumplimentu ku palabrashon i responsabilidat;
• Stimulá desaroyo di tim i traha riba un kultura di kolaborashon i konfiansa;
• Buska pa konektá ku otro lider di tim i departamento pa sòru ku e prosesonan nobo ta konektá sin problema ku otro partinan di e organisashon;
• Optimalisá kalidat i efektividat di e servisio;
• Sigui trènt i desaroyo den kontakto ku kliente minusiosamente, i integrá esakinan den e servisio;
• Introdusí i redaktá formanan nobo di traha, i garantisá nan pa futuro.

Kiko bo ta trese ku bo?

• Bo por proba ku bo tin un nivel HBO di traha i pensa;
• Eksperensia ku liderato, preferiblemente hañá den dunamentu di servisio;
• Eksperensia ku trayekto di mehorashon i implementashon di esakinan;
• Afinidat fuerte ku dunamentu di servisio i kontakto ku kliente;
• Abilidatnan komunikativo ekselente;
• Dominio di hulandes i ingles, papiamentu ta un bentaha grandi.

Kompetensianan

• Liderazgo
• Inovativo
• Orientá riba proseso
• Kapas pa uni hende
• Orientá riba kalidat
• Yen di energia
• Kurioso

Abilidatnan

• Komunikativo
• Desididu
• Konosementu tokante organisashon
• Enbolbí

Kiko nos ta ofresé?

• Un nombramentu a base di e Rechtspositiebesluit ambtenaren BES (Desishon di posishon hurídiko di ámtenar di BES);
• Un salario konforme merkado den skal inisial 10 òf skal di funshon 11, salario mensual mínimo $ 3.578,-,- i máksimo $ 5.319,-,- ku un siman di trabou di 36 ora. Klasifikashon a base di konosementu i eksperensia;
• Sèn di fakansi (8,33% di e entrada anual);
• Un di diestres luna (8,33% di e entrada anual);
• Un kompensashon di vitalidat;
• Un areglo di penshun akomodá na Pensioenfonds Caribisch Nederland (PCN);
• 182 ora di fakansi ku un siman di trabou di 36 ora;
• Un nombramentu temporal pa un aña, ku posibilidat pa ekstenshon;
• Un areglo pa muda pa kandidato ku ta reakshoná for di den eksterior.

* Lo determiná kategorisashon definitivo di un funshon den e forma aki den e organisashon den e Raport di Organisashon & Formashon 2025.

Prosedura

Un assessment, casus i/ òf chekeo di referensia por forma parti di e prosedura.
Den e selekshon lo tene kuenta ku e siguiente órden:

• Personal ofisial di RCN na e islanan BES (interno);
• Habitante di e parti karibense di Hulanda (eksterno);
• Otro kandidatonan (eksterno).

Eksigensianan di nombramentu

• Un deklarashon tokante kondukta (VOG);
• Un saminashon médiko na fabor di atmishon den e fondo di penshun (Partisipashon den e fondo di penshun ta obligatorio, inkluso e suma di kontribushon personal pa esaki);
• Nashonalidat hulandes.

Bon pa sa pa interesado pafó di Hulanda Karibense

• E salario ta na dòler merikano, e moneda ofisial di Hulanda Karibense;
• Hulanda Karibense konosé su propio reglanan di impuesto. Ta kobra impuesto di 30,4% riba un suèldu riba e montante liber di impuesto ku ta $21.373,- den 2025, te un suèldu di $51.250,-. Den e di dos grupo di impuesto un tarifa di impuesto di 35,4% ta na vigor.
• Bo ta, òf lo bira, residente di Hulanda Karibense.

Mas informashon?

Pa mas informashon tokante e funshon aki bo por tuma kontakto ku Tania Boezem, Direktor Suplente B/CN (number di telefon +599 795 4814).

Solisitut digital

Bo por manda bo Curriculum Vitae ku motivashon via meil na vacature@rijksdienstCN.com