BKCN Komandante lokal na Sint Eustatius

HBO | Sint Eustatius | 36 ora | Number di vakatura P&O2024_011_006 | Fecha di klousura: 31 di dezèmber 2024

Deskripshon di funshon

Komo Komandante Lokal den kuerpo di bombero, bo ta kumpli ku un ròl krusial den seno di kuerpo i pa seguridat di e abitantenan di Sint Eustatius. Sint Eustatius, konosí tambe komo Statia, ta un isla chikitu pero histórikamente riku. Ku su naturalesa impreshonante i historia riku, Sint Eustatius ta un lugá bunita i signifikante pa biba i traha.

E Komandante Lokal ta e punto di kontakto pa servisio di bombero riba Sint Eustatius i ta responsabel pa tantu kontesta riba insidente komo maneho di riesgo.  Den bo ròl komo gerente integral, bo ta finalmente responsabel pa manehá e brènch i manehá e empleadonan, tantu direktamente komo indirektamente. Komo un gerente integral, bo ta responsabel pa henter e operashon, bo ta garantisá un ambiente di trabou sigur i bo ta mónitòr e koherensia entre e vários partinan denter di e tim i e metanan stipulá. Bo ta tuma desishonnan ku ta fortifiká e efisiensia i efektividat di e organisashon i ta sòru pa tur kos ta den liña ku polítika stratégiko.

Komo miembro di e tim di maneho, bo ta parti aktivo di BKCN su maneho stratégiko, kaminda bo ta kontribuí ku bo ekspertisio na desaroyo i implementashon di maneho. Komo e kara lokal di kuerpo di bombero, bo ta mantené kontaktonan importante ku Entidat Públiko di Sint Eustatius i otro organisashonnan i servisionan.

Ademas di e tareanan aki, bo ta kumpli ku e funshon represivo di kuerpo di bombero komo Hefe di Servisio (HOVD), ku ta duna bo un ròl di maneho den kombatimentu di insidentenan i situashonnan di krísis.  Bo aporte ta hopi importante pa garantisá seguridat i salú di e abitantenan di Sint Eustatius.

Deskripshon di e funshon

• Bo ta manehá e organisashon represivo riba Sint Eustatius i ta supervisá direktamente e lidernan/komandantenan di e tim (aki bo ta enfoká riba kuido di personal, kompetensia profeshonal, un ambiente di trabou seif i desaroyo di personal);
• Bo ta e promé punto di kontakto pa e gobièrnu insular lokal i e outoridat di airopuerto;
• Komo un gerente integral, bo ta garantisá garantia di kalidat den e implementashon di polítika den bo propio áreanan di interes i prosesonan asosiá denter di BKCN;
• Bo ta manehá e presupuesto aloká na e entidat;
• Komo miembro di e tim di maneho di BKCN, bo ta kontribuí na funshonamentu di e kuerpo den su totalidat;
• Bo ta un representante di BKCN den proyektonan i gruponan di trabou insular i inter-regional;
• Bo tin un ròl aktivo den konsultanan interno i eksterno i den gruponan di proyekto;
• Bo ta evaluá desaroyonan di maneho planiá denter di e tereno i ta sòru pa e áreanan di enfoke ser usá di forma apropiá. Bo ta desaroyá plannan anual parsial pa tradusí e maneho establesé den implementashon denter di bo propio áreanan di interes;
• Bo ta sòru pa koordinashon ku e otro ramonan i e gruponan di sosten di teknologia i logístika, preparashon operashonal i maneho di riesgo;
• Bo ta kumpli ku bo ambishonnan denter di e plan multi-anual i plan anual i ta manehá proyektonan ku ainda mester ser determiná pa BKCN;
• Bo ta garantisá komunikashon efektivo denter di bo propio unidat organisatorio i suministro di informashon denter di e áreanan di enfoke, tokante asuntunan (di maneho) i desaroyonan den servisio;
• Bo ta konsehá e komandante general den situashonnan spesífiko i ta koordiná problemanan spesial.

Organisashon

Kuerpo di bombero Hulanda Karibense (BKCN) ta forma parti di e Ministerio di Seguridat i Hustisia. Minister di Seguridat i Hustisia ta e direktor di BKCN. BKCN ta un agensia ehekutor di servisionan básiko kontra kandela, dunamentu di ayudo i kombatimentu di desaster. Tin un kuerpo di bombero Hulanda Karibense ku lokashon na Boneiru, Saba i Sint Eustatius. Tin un komandante general na kabes di e kuerpo. Un komandante lokal ta dirigí kada lokalidat. E organisashon di bombero ta representá desishon firme, eksperensia, yudansa, i ta enfoká riba kolaborashon.

Bo kompetensianan

• Fasilitá liderazgo;
• Enfoke riba kalidat;
• Abilidat pa networking;
• Konsiente di esnan rònt di bo;
• Desaroyá trahadónan;
• Ta tuma desishon;
• Dirigí riba resultado;
• Resistensia pa strès.

Eksigensianan pa e funshon 

• Un nivel di trabou i pensamentu HBO+ debí na e komplehidat i responsabilidat di e ròl.
• Bo tin konosementu i eksperensia den e kuerpo di bombero òf un organisashon di servisio di emergensia komparabel.  Bo ta komprendé e retonan spesífiko, normanan i métodonan di trabou enbolbí den maneho di kandela i kontesta na insidentenan, i bo por aktua efektivamente denter di e ambiente profeshonal aki;
• Bo tin kualidatnan di liderazgo i eksperensia ku maneho integral, kaminda bo ta responsabel pa koordiná tur aspekto di servisio di bombero. Bo ta promové un ambiente di trabou seif i efisiente, stimulá kolaborashon entre timnan i kontribuí na metanan stratégiko dor di desaroyá un vishon koherente;
• Bo tin eksperensia den planifikashon, guia i implementá kambionan denter di un tim.  Bo por identifiká nesesidatnan di kambio, traha un plan paso pa paso, informá i guia empleadonan durante e transishon, i dil efektivamente ku resistensia;
• Bo tin abilidatnan di komunikashon fuerte i e abilidat pa kolaborá ku diverso stakeholdernan;
• Bo tin e abilidat pa desaroyá strategianan a largu plaso, analisá asuntunan kompleho i tuma desishonnan informá ku ta kuadra ku e metanan di BKCN i e nesesidatnan di e komunidat riba Sint Eustatius;
• Bo tin eksperensia komo un Hefe Mayor di Servisio òf un ròl ekivalente segun e normanan di IFV;
• Bo tin eksperensia den un ambiente polítiko-atministrativo;
• Bo ta dominá hulandes i ingles.

Kiko nos ta ofresé?

• Un nombramentu di akuerdo ku e Posishon Hurídiko di funshonarionan públiko BES;
• Un salario konforme e merkado, den skal inisial 11 i skal di e funshon 12, di minimal $, 4.050,- i maksimal $ 5.920,- pa luna mará na un siman di trabou di 36 ora (nivel di skal ta tuma lugá a base di konosementu i eksperensia);
• Sèn di vakashon (8,33% di e salario anual);
• Un di diestres luna (8,33% di e salario anual, ku un mínimo di $1.750,- bruto);
• Un  areglo di penshun koloká bou di Pensioenfonds Caribisch Nederland (PCN);
• 168 ora di vakashon pa un siman laboral di 36 ora;
• Un nombramentu temporal pa un aña ku bista riba un nombramentu fiho a base di un bon funshonamentu i un evaluashon positivo.
• Un areglo di mudansa pa kandidatonan ku ta reakshoná pafó di e isla.

Prosedura

Un evaluashon, entrevista i/òf kontrol di referensia por ta parti di e prosedura.

E vakatura aki lo ser habrí simultáneamente di forma interno i eksterno, den kua e siguiente òrdu ta ser tumá na kuenta den e proseso di selekshon di e kandidato:

• Personal ofisial di RCN na Boneiru, Sint Eustatius òf Saba (interno)
• Abitantenan di e parti Karibense di Hulanda (eksterno)
• Otro kandidatonan (eksterno)

Eksigensianan pa e nombramentu

• Un deklarashon tokante kondukta (VOG);
• Un eksaminashon médiko pa atmishon den e fondo di penshun;
• Nashonalidat hulandes.

Mas informashon?

Tokante kontenido di e posishon por tuma kontakto ku Thijs Verheul, komandante general BKCN, number di telefòn: +599-2178, e-mail: thijs.verheul@brandweercn.com

Tokante e prosedura bo por tuma kontakto ku Eugenie Rodriguez, konsehero di HR, number di telefòn: +599-7954680, e-mail: Eugenie.rodriguez@rijksdienstcn.com

Apliká digitalmente

Bo por manda bo Curriculum Vitae ku motivashon pa vacature@rijksdienstcn.com