IND Empleado di lokèt

MBO 4 | Boneiru | 36 ora| Number di vakatura P&O2025_05_004 | Fecha di klousura: 27 di mei 2025

Deskripshon di funshon

Komo empleado di lokèt di e unidat IND CN bo ta un dunadó di servisio amabel ku ta e promé punto di kontakto pa nos organisashon. Serka e empleado di lokèt e siudadano por bai ku notifikashon i pregunta tokante atmishon pa estadia na Hulanda Karibense. E trabou di kolaboradó di lokèt ta inkluí tur akshon te na registrashon na registro sivil di Entidat Públiko Boneiru.

Tareanan di funshon

• Komo empleado di lokèt bo ta fungi komo fuente di informashon pa kliente. Bo tin e bista general di tur proseso, pa bo por duna e informashon korekto. Kontakto ku kliente ta tuma lugá en persona na lokèt, pero tambe na telefòn, via e-mail, i otro medio di komunikashon digital;
• Bo ta traha a base di un aktitut fundamental di duna servisio i denter di palabrashonnan di trabou stipulá riba e reto pa informá kliente di un manera minusioso i efektivo;
• Bo ta tuma petishon pa atmishon, tantu digital komo na lokèt i ta registrá informashon relevante den e aplikashon. Bo tin un bon sentido di kua informashon ta importante pa sinkronisá ku koleganan den bo tim;
• Bo ta evaluá dokumento relevante pa wak si nan ta kompleto i outéntiko;
• Bo tin un interes sano i genio den hende i bo ta kapas pa hasi e preguntanan korekto;
• Bo ta yuda pensa tokante desaroyo i kambio den regulashon i den e tim;
• Bo ta sòru di pone dokumento den archivo korekto;
• Bo ta entregá e disposishon i si ta nesesario, konsehá e kliente tokante loke ta sigui.

Servisio di Inmigrashon i Naturalisashon

E Servisio di Inmigrashon i Naturalisashon Hulanda Karibense (IND-CN) ta responsabel pa ehekushon di e maneho di strañero na Boneiru, Sint Eustatius i Saba. IND-CN ta trata ku petishon pa atmishon di strañero i hulandes (ku no ta yu di tera òf turista) i ku ke establesé nan mes na Hulanda Karibense. IND-CN tambe ta trata petishon pa ekstenshon di estadia turístiko i di persona atmití ku ke bira hulandes.

Kompetensianan

• Orientá riba kliente;
• Fleksibilidat;
• Por ku stress;
• Traha huntu;
• Orientá riba resultado;
• Abilidat komunikativo verbal;
• Desaroyo propio.

Eksigensianan di funshon

• Bo ta disponé di un diploma mbo nivel 4 den direkshon atministrativo/hurídiko òf algu similar, komplementá ku konosementu i/òf eksperensia amplio ku ehekushon di kontakto ku kliente. Familiaridat ku trabou den un organisashon ofisial ta un bentaha;
• Bo ta dispuesto na kontribuí na digitalisashon di prosesonan;
• Bo ta dominá diferente téknika di kòmbersashon, manera skucha aktivamente i hasi pregunta habrí;
• Bo ta disponé di empatia i bon abilidatnan komunikativo;
• Bo tin un mentalidat palpabel di duna servisio i ku atenshon pa kliente;
• Bo ta presis, íntegro, orientá riba solushon, i bo ta bon den traha huntu;
• Bo por traha independientemente i basá riba instrukshon di trabou;
• Bo ta proaktivo, krítiko ku bo propio trabou i e proseso ku mester sigui, i bo ta bini ku proposishon pa mehorashon;
• Bo tin un aktitut representativo i un karisma habrí;
• Bo por ku stress i bo ta kapas pa suich lihé;
• Bo abilidat di ekspreshon por eskrito di hulandes i ingles ta bon, i tambe bo tin un bon dominio verbal di papiamentu i spañó.

Kiko nos ta ofresé?

• Un nombramentu a base di e Rechtspositiebesluit ambtenaren BES (Desishon di posishon hurídiko di ámtenar di BES);
• Un salario konforme merkado den skal inisial 6 i skal di funshon 7 (salario mensual bruto minimalmente $ 2.132,- i maksimalmente $ 3.289,-), ku un siman di trabou di 36 ora. Klasifikashon ta a base di konosementu i eksperensia;
• Sèn di fakansi (8,33% di e entrada anual);
• Un di diestres luna (8,33% di e entrada anual);
• Kompensashon di vitalidat;
• Un areglo di penshun akomodá na Pensioenfonds Caribisch Nederland (PCN);
• 182 ora di fakansi den kaso di un siman di trabou di 36 ora pa siman;
• Un nombramentu temporal pa un aña, ku bista riba un nombramentu fiho den kaso di bon funshonamentu i un evaluashon positivo;
• Un areglo pa muda pa kandidato ku ta reakshoná for di eksterior.

Prosedura

Un assessment, casus i/ òf chekeo di referensia por forma parti di e prosedura.
miéntras ku den e selekshon lo tene kuenta ku e siguiente órden:

• Personal ofisial di RCN na e islanan BES (interno);
• Habitante di e parti karibense di Hulanda (eksterno);
• Sobrá kandidato (eksterno).

Eksigensianan di nombramentu

• Un deklarashon tokante kondukta (VOG);
• Un saminashon médiko na fabor di atmishon den e fondo di penshun (partisipashon ta obligatorio, inkluso propio kontribushon);
• Nashonalidat hulandes.

Bon pa sa pa interesado pafó di Hulanda Karibense

• E salario ta na dòler merikano, e moneda ofisial di Hulanda Karibense;
• Hulanda Karibense konosé su propio reglanan di impuesto. Ta kobra impuesto di 30,4% riba un suèldu riba e montante liber di impuesto ku ta $21.373,- den 2025, te un suèldu di $51.250,-. Den e di dos grupo di impuesto un tarifa di impuesto di 35,4% ta na vigor;
• Bo ta òf lo bira, residente di Hulanda Karibense.

Mas informashon?

Pa mas informashon tokante e vakatura bo por tuma kontakto ku Rusco Lamidi, mènedjer suplente di unidat Imigrashon i Naturalisashon Hulanda Karibense  òf manda un e meil na rusco.lamidi2@rijksdienstcn.com.

Solisitut digital

Por dirigí solisitut, karta di motivashon ku curriculum vitae, na Rusco Lamidi , mènedjer suplente di e Unidat di Imigrashon i Naturalisashon, meil: vacature@rijksdienstCN.com