JICN Hefe di departamentu

HBO | Boneiru| Number di vakatura: P&O2024_04_004 | Fecha di klousura: 30 di aprel, 2024

Deskripshon di funshon

Nos ta buskando un individuo dinámiko i eksperensiá pa fortalesé nos tim komo Hefe di Departamento den nos Instituto Penitensiario. Komo dirigente bo ta responsabel pa maneho i kordinashon efektivo di e aktividatnan diario den e departamento, unda seguridat, rehabilitashon i bienestar di detenidonan ta sentral.

Responsabilidatnan:

• Guia i motivashon di personal pa garantisá un ambiente seif i respetuoso.
• Kordinashon di programanan pa rehabilitashon i reintegrashon di detenido.
• Sòru pa kumplimentu ku protokòl i regulashon riba tereno di seguridat i órden.
• Maneho efisiente di roster di personal, entrenamentu i evaluashon.

Nos ta hasi esfuerso pa diversidat den nos tim i ta animá tur kandidato kualifiká pa solisitá.
Nos ta buskando un hefe di departamento ku ta bai guia e tim riba e departamento i ta bai traha huntu ku e kolega hefenan di departamento riba profeshonalisashon mas aleu di JICN. 

Pa ta eksitoso den e funshon aki bo por nètwèrk i krea relashon di un manera original i kreativo, tantu paden komo pafó di bo departamento. Pafó di JICN tambe bo sa di aserká e hendenan korekto, di moda ku desaroyo di e institushon i e detenidonan ta kana di manera optimal. Den esaki ta importante pa vigilá prosesonan ku ta andando i pa no pèrdè e bista general. Fuera di e responsabilidat pa bo ‘propio’ departamento di biba, bo ta traha estrechamente huntu ku bo kolega hefenan di departamento. Bo ta sinkronisá bo inisiativanan i formanan di traha ku nan, i den esaki aktivamente ta buska pa traha huntu. Komo hefe di departamento bo ta kapas pa pensa ‘out of the box’, pasobra sierto problema ta pidi solushon kreativo.

Tareanan di funshon

• Bo ta responsabel pa guia i desaroyo di bo tim;
• Bo ta kapas pa tuma proyektonan i bini ku solushonnan kreativo;
• Bo ta garantisá kontinuidat di e proseso primario, manehá e presupuesto konsedé na bo departamento i ta apliká e instrumèntnan di personal na tempu i di forma korekto;
• Bo sa kiko ta pasando den e organisashon mes i konosé e desaroyonan i trentnan denter di e tereno di trabou. Bo ta adaptá e prosesonan eksistente na esei. Bo ta sigurá ku ta proveé e kuido i kuido posterior riba e departamento sigun instrukshonnan vigente, i ta koordiná e kolaborashon entre e disiplinanan envolví ku e departamento.
• Bo ta hasi palabrashonnan dirigí riba resultado ku bo manager (plan di departamento i plan di detenshon) i ta tuma responsabilidat pa ehekushon di e palabrashonnan aki. Bo ta tuma akshon na tempu ora surgi peliger di desviashon. Bo ta sòru pa suministro korekto i na tempu di datonan i informashon (di maneho);
• Bo ta mantené kontakto ku kolega i partner (di kadena) i sa kiko ta pasando serka nan. Bo ta supervisá e koherensia entre e prosesonan di trabou riba bo departamento i departamentonan bisiña i ta aktua sigun esei. 

E organisashon

JICN ta un Instituto Hudisial alohá den un edifisio ultramoderno na Plantage Aruba, unda por alohá tur detenido di Hulanda Karibense. Tin 113 espasio di detenshon partí riba 8 departamento (régimen). Ademas JICN ta atendé tambe ku personanan arestá i detenidonan ku mester di kuido klíniko èkstra. JICN ta djòin kambionan den e sistema penitensiario. Esaki ta rekerí pensamentu proaktivo, inovashon i invershon den e ekspertisio di nos empleadonan.

Bo ke lesa mas tokante kiko JICN ta enbolbí kuné? Wak riba www.rijksdienstcn.com/justitie-veiligheid/justitiele-inrichting-caribisch-nederland pa mas informashon.

Kompetensianan

• Orientashon riba kliente
• Duna guia
• Identifikashon ku maneho 
• Plania i organisá
• Nètwèrk
• Sensitividat pa organisashon
• Traha huntu
• Traha dirigí riba solushon

Eksigensianan di funshon

• Bo ta disponé di un nivel di trabou i di pensamentu riba nivel di hbo i por demostrá di tin eksperensia/trasfondo di maneho;
• Bo tin komprenshon di prosesonan operashonal;
• Bo tin konosementu di i eksperensia ku traha den Karibe;
• Bo tin un estilo di liderazgo ku ta stimulá i motivá.
• Eksperensia den posishonnan di liderazgo den un alrededor penitensiario.
• Konosementu profundo di e sistema penitensiario i legislashon relevante.
• Abilidatnan ekselente di komunikashon i di resolvé problema.
• Kapasidat pa inspirá i guia miembronan di tim den un alrededor desafiante.

Kiko nos ta ofresé?

• Un salario konforme merkado den skal di e funshon 10, salario mensual minimalmente $3.525,- i maksimalmente $4.575,- ku un siman di trabou di 36 ora pa siman. Klasifikashon a base di konosementu i eksperensia;
• Sèn di fakansi (8,33% di e salario);
• Un di diestres luna (8,33% di e salario, un mínimo di $ 1.750,- bruto);
• Un areglo di penshun akomodá na Pensioenfonds Caribisch Nederland (PCN);
• 168 ora di fakansi den kaso di un siman di trabou di 36 ora pa siman;
• Un nombramentu temporal pa un aña ku bista riba un nombramentu fiho den kaso di bon funshonamentu i un evaluashon positivo; 
• Un areglo di mudansa pa kandidato ku ta reakshoná di pafó di e isla.

Bon pa sa pa interesado pafó di Hulanda Karibense

• E salario ta na dòler merikano, e moneda ofisial di Hulanda Karibense; 
• Hulanda Karibense konosé su propio reglanan di impuesto. Ta kobra impuesto riba e entrada mas haltu ku e suma liber di impuesto ($ 20.242,- na 2024) di un porsentahe di 30,4% na retenshon riba sueldu; 
• Ta obligá pa partisipá na e fondo di penshun, inkluso un kontribushon propio na esaki;
• Bo ta, òf bo ta bira, residente di Hulanda Karibense.

Mas informashon?

Pa informashon tokante e vakatura bo por tuma kontakto ku Charlotte Fairbairn, direktor suplente JICN, via number di telefòn +599 790 0027.

Solisitut digital

Bo por manda bo Curriculum Vitae ku bo motivashon pa: vacature@rijksdienstCN.com