KPCN Aspirante pa polis

MAVO/MBO3/HAVO3+ | 36 ora | Number di vakatura P&O2025_05_003 | Fecha di klousura: 3 di yüni 2025.

KPCN ta buska koleganan desididu i konfiabel ku ke sigui e estudio pa bira agente di polis. Durante e estudio lo interkambiá siñamentu i trahamentu. Despues di optené bo diploma lo stashoná bo na un di e islanan di Hulanda Karibense.

E estudio: bo promé paso komo profeshonal polisial

Komo aspirante pa polis, bo ta start na yanüari 2026 ku e Estudio Básiko pa Polis (BPO, Basis Politie Opleiding). Esaki ta un estudio profeshonal di dos aña na nivel di mbo 4, dirigí riba un funshon den Asistensia den Emergensia serka Kuerpo Polisial Hulanda Karibense (KPCN).

E estudio ta kombiná teoria i práktika. E lèsnan teorétiko ta tuma lugá na Kòrsou (ku estadia interno) i na Boneiru, bou di guia di dosentenan di e Akademia di Polis i coachnan práktiko for di e kuerpo. Bo ta haña eksperensia práktiko riba e tereno di trabou di KPCN, prinsipalmente na Boneiru.

Durante e estudio bo ta desaroyá no solamente bo konosementu profeshonal, sino tambe e abilidatnan ku ta nesesario pa aktua efektivamente den situashonnan ku ta duna strès i ku no por pronostiká. Bo ta siña kon pa reakshoná riba resistensia, bo ta trein bo kurpa i bo mente, profundisá bo mes den legislashon i regulashon, i siña kon pa usa bo kompetensianan di un forma responsabel riba kaya. Bo ta trein kon bo mester aktua den situashon kompleho, i ta traha kontinuamente riba bo kresementu personal i profeshonal. Asina bo ta traha un pia un pia riba bo resistensia i bo konfiansa propio.

Despues di kompletá e estudio ku éksito, lo stashoná bo den kuido polisial básiko di KPCN. Bo ta bai traha den warda di trabou den dia, anochi i mei anochi, i bo ta partisipá pa un mínimo di tres aña na vanguardia di Asistensia den Emergensia. Den e ròl aki bo ta haña bo ku diferente tipo di notifikashon, i nunka bo sa di antemano kon un warda lo kana. Huntu ku bo koleganan bo ta sòru di trata kada insidente ku mas profeshonalismo posibel.

Ku e estudio aki bo ta pone un base fuerte pa un karera multifasétiko i signifikante. Bo ta krese bira un kolaboradó polisial profeshonal í un profeshonal fuerte, sigur di su mes ku ta hasi e diferensia den e komunidat di Hulanda Karibense.

Bo kalidatnan

Nos ta buska kandidato ku ta disponé di e siguiente kompetensianan:

• Integridat
• Yen di inisiativa
• Desididu
• Perseveransia
• Konsiente di bo ròl
• Por ku strès
• Abilidatnan komunikativo
• Espíritu di ekipo/ traha huntu
• Fleksibel

Kiko nos ta pidi di bo?

Bo por inskribí pa e kupo di estudio si bo ta kumpli ku e siguiente kondishonnan:

• Minimalmente MAVO/MBO3/Prueba ku a pasa di HAVO 3 bai HAVO 4
• Nashonalidat hulandes
• Edat mínimo di 17 aña na komienso di e estudio
• Den poseshon di reibeweis B òf dispuesto pa alkansá esaki riba bo propio inisiativa denter di 1,5 aña
• Den poseshon di un diploma di landamentu òf dispuesto pa alkansá esaki riba bo propio inisiativa denter di 1,5 aña
• Bon dominio di hulandes, papiamentu i ingles por lo ménos na nivel B1

E organisashon

Kuerpo Polisial Hulanda Karibense (KPCN) ta un kuerpo dinámiko ku tin komo tereno di trabou e islanan Boneiru, Sint Eustatius i Saba. Nos ta polis! Nos ta yuda e habitante- i bishitantenan di nos islanan, tambe ora surgi peliger. Na e momentunan ku ta konta, nos t’ei. E ora ei nos ta purba solushoná loke ta parse di no tin solushon. Tin biaha ku peliger pa nos propio bida. Nos ta alerta i servisial, desididu i profeshonal. 

Kiko nos ta ofresé?

• Un nombramentu a base di e Rechtspositiebesluit ambtenaren BES (Desishon di posishon hurídiko di ámtenar di BES);
• E salario pa e funshon aki ta konsistí di e siguiente komponentenan:
• Periodo di estudio: skal di salario 4, minimalmente trapi 3, $1.888,- pa luna ku un siman di trabou di 36 ora.
• Sèn di fakansi (8,33% di e entrada pa aña);
• Un di diestres luna (8,33% di e entrada pa aña);
• Pago di vitalidat;
• Un areglo di penshun akomodá serka e Fondo di Penshun Hulanda Karibense (PCN);
• 182 ora di fakansi ku un siman di trabou di 36 ora pa siman; Un areglo di mudansa pa kandidato ku ta reakshoná for di pafó di e isla.

E salario pa e funshon aki ta konsistí di e siguiente komponentenan:

• Durante e periodo di estudio: skal di salario 4, minimalmente trapi 3, $1.888,-- pa luna ku un siman di trabou di 36 ora.
• Despues di kompletá e estudio: skal di salario 7, minimalmente trapi 3, $2,558,-- i maksimalmente trapi 15, $3,289,-- pa luna ku un siman di trabou di 36 ora.
• E nombramentu ta un empleo temporal pa e periodo di e estudio básiko. Despues di kompletá e estudio básiko ku éksito, lo ofresé un nombramentu temporal di un (1) aña, despues di kua, den kaso di bon funshonamentu, ta sigui un nombramentu permanente.

Eksigensia pa nombramentu

Pa bini na remarke pa e kupo di estudio i un nombramentu serka Kuerpo Polisial Hulanda Karibense, bo mester kumpli ku e siguiente kondishonnan:

• Bo ta den poseshon di e nashonalidat hulandes.
• Bo por presentá un Deklarashon tokante Kondukta (VOG) positivo.
• Bo ta someté na un eksámen médiko loke ta un eksigensia pa atmishon pa e fondo di penshun.

Ademas, partisipashon den e siguiente prosedura di selekshon ta obligatorio. Esaki ta konsistí di:

• Un ‘screening’ di konfiabilidat i kapasidat

• Un entrevista di selekshon

• Un tèst di deporte

• Un ‘assessment’

• Un eksámen médiko

Paga tinu: bo por kuminsá ku e estudio únikamente despues ku bo a pasa tur e partinan di e selekshon ku éksito í a entregá un VOG bálido denter di e término stipulá.

Bon pa sa pa interesadonan pafó di Hulanda Karibense

• E salario ta den dòler merikano, e moneda ofisial di Hulanda Karibense;
• Hulanda Karibense tin un propio regulashon di impuesto. Na aña 2025 lo kobra 30,4% na impuesto riba entrada riba e suma liber di impuesto di $21.373,- den e promé trapi, te ku un entrada di $51.250,-. Den e di dos trapi ta konta un tarifa di impuesto di 35,4%.
• Bo ta, òf bo ta bira, un residente di Hulanda Karibense.

Informashon tokante e vakatura

Den e di kuater (4) siman di mei 2025, durante e dianan habrí na Sint Eustatius i Saba lo duna informashon tokante e vakatura. Bishitá e wèpsait: www.rijksdienstcn.com pa mas informashon, òf tuma kontakto durante ora di ofisina ku e koordinadónan di estudio, señor L. Vrutaal òf señor R. Pinedo, via e number di telefòn +599 715 8086.

Solisitá

Bo por manda bo Curriculum Vitae ku motivashon pa Kuerpo Polisial CN n.a.d. Clark Mercera via vacature@rijksdienstCN.com  (lo trata solamente solisitut ku tantu un motivashon komo un CV kompleto komo anekso den Word òf PDF).