KPCN Dosente di IBT (Guia Operashonal)

MBO4 | Boneiru | 36 ora | Number di vakatura P&O2024_08_010 | Fecha di klousura: 22 di òktober 2024

Deskripshon di funshon

E dosente di IBT (Intern Bijstand Team, Tim di Asistensia Interno) ta kontribuí na mantenshon di e órden hurídiko i e órden públiko, komo tambe na seguridat i kalidat di bida den sosiedat. Dor di duna guia den e práktika diario na individuo- i na timnan, bo ta sòru ku nan ta kumpli ku e nivel di kapasidat profeshonal aktual, i ku e kontinuidat di disponibilidat operashonal duradero ta sigui.   

Tarea i responsabilidat di mas importante:

Guia operashonal:

• Organisá i duna direkshon na ehekushon di plannan di akshon stipulá;
• Tradukshon di aktividat i resultado kolektivo den resultado sigun palabrashonnan di trabou individual;
• Supervishon di progreso di palabrashonnan di trabou;
• Informá e supervisor tokante progreso di e palabrashonnan di trabou hasí;
• Duna lèsnan di IBT, laga hende pasa prueba di kapasidat (tèst);
• Train hende den práktika di ehekushon, di moda ku for di e Guia Operashonal por antisipá riba komportashon i reakshon spesífiko dor di kolaboradó- i timnan.
• Evaluashon di kapasidat profeshonal, i reportá i konsehá tokante esaki sea a pidi pa esaki sí òf nò, di moda ku ta krea komprenshon tokante meta instruktivo ku ainda mester realisá;

Plannan di akshon:

• Redakshon di konsehonan di guia individual a base di nesesidat di siña i nivel inisial di kolaboradónan polisial;
• Redakshon di plannan di akshon, inkluso interesnan di partnernan di ret, pa ehekushon di Guia Operashonal.

Nètwèrk:

• Inisiá, konstruí, mantené i dirigí retnan pa aserkamentu konhunto di Guia Operashonal.
• Hasi palabrashon di ehekushon i palabrashon tokante kondishon esensial básiko, i manehá pa yega na kumplimentu ku nan.

Konseho:

• Analisá resultado i efekto di ehekushon di Guia Operashonal, komo tambe datonan i señalnan for di e práktika di ehekushon;
• Envolví trend i desaroyo den sosiedat relashoná ku e órden hurídiko, e órden públiko, siguridat i kalidat di bida;
• Konsehá direktiva i/òf partnernan di ret tokante posibilidatnan pa oumentá rendimento den aserkamentu di problemátika den e práktika di ehekushon;
• Interkambio di informashon tokante trend di kontenido profeshonal i desaroyo entre kolega riba tereno profeshonal ligá;
• Konsehá tokante direkshon di solushon i posibilidat den aserkamentu di problemátika tokante kapasidat i disponiblidat.
• Formulá proposishon pa posibel mehorashon den rendimento di e guia operashonal;
• Konsehá tokante kompra òf remplaso di rekurso (vehíkulo, medio di violensia, bestia).

E organisashon

Kuerpo Polisial Hulanda Karibense (KPCN) ta un kuerpo yòn, chikí i dinámiko, ku ta operá den e área di e islanan Boneiru, Sint Eustatius i Saba i ta ehekutá tur proseso di un kuerpo polisial integral. E kuerpo ta kontribuí na seguridat i kalidat di bida di e hendenan ku ta biba, traha òf ta hospedá komo turista riba un di e islanan di Hulanda Karibense. E kolaboradónan di KPCN ta alerta i servisial, desidido i profeshonal. Den e konteksto aki nos ta buska kolaboradónan entusiasmá, ku ta fleksibel i ampliamente disponibel i ku huntu ku nos ke konstruí e futuro di kuerpo.

Kompetensianan

• Coach;
• Initisiativa;
• Forma di huisio;
• Análisis di problema.

Eksigensianan di funshon

• Diploma di polis MBO4 òf igualá via EVC (Erkennen Verworven Competenties, sertifikado ku ta Rekonosé Kompetensia Atkirí).
• Eksperensia amplio den e organisashon polisial.
• Bon dominio di hulandes, ingles i papiamentu.

Kiko nos ta ofresé?

• Un nombramentu a base di e Rechtspositiebesluit ambtenaren BES (Desishon di posishon hurídiko di ámtenar di BES);
• Un salario konforme merkado den skal di funshon 9, salario mensual minimalmente $ 3.075,- i maksimalmente $ 4.125,-, ku un siman di trabou di 36 ora pa siman. Klasifikashon a base di konosementu i eksperensia;
• Sèn di fakansi (8,33% di e salario);
• Un di diestres luna (8,33% di e salario, un mínimo di $ 1.750,- bruto);
• Un areglo di penshun akomodá na Pensioenfonds Caribisch Nederland (PCN);
• 168 ora di fakansi den kaso di un siman di trabou di 36 ora pa siman;
• Un nombramentu temporal pa un aña, ku bista riba un nombramentu fiho den kaso di bon funshonamentu i un evaluashon positivo;
• Un areglo pa muda pa kandidato ku ta reakshoná di pafó di e isla.

Prosedura

• Ta habri e funshon aki internamente i eksternamente na mes momentu. Ora di aptitut igual, kandidato interno tin preferensia;
• Un assessment, casus i/òf chekeo di referensia por ta parti di e prosedura. 

Eksigensianan di nombramentu

• Un deklarashon tokante kondukta (VOG);
• Un saminashon médiko na fabor di atmishon den e fondo di penshun;
• Nashonalidat hulandes.

Bon pa sa pa interesado pafó di Hulanda Karibense

• E salario ta na dòler merikano, e moneda ofisial di Hulanda Karibense;
• Hulanda Karibense konosé su propio reglanan di impuesto. Ta kobra impuesto riba e entrada mas haltu ku e suma liber di impuesto ($ 20.242,- na 2024) di un porsentahe di 30,4 % na retenshon riba suèldu;
• Ta obligá pa partisipá na e fondo di penshun, inkluso un kontribushon propio na esaki;
• Bo ta, òf bo ta bira, residente di Hulanda Karibense.

Mas informashon?

Pa informashon tokante e vakatura bo por tuma kontakto ku: Edwin van der Giessen, Hefe kuido polisial básiko, e-mail edwin.vandergiessen@politiecn.com

Solisitut digital

Bo por manda bo Curriculum Vitae ku bo motivashon na:
E-mail: Werkenbij@politiecn.com