KPCN Reshèrshi

MBO4 | Boneiru | 36 ora| Number di vakatura: P&O2024_012_005 | Fecha di klousura: 4 di mart 2024

Deskripshon di funshon

Komo reshèrshi bo ta enfoká riba detenshon di sospechosonan, kolektá informashon táktiko, sistematisá informashon, skucha testigunan, konsultá fuentenan, link e diferente informashonnan komun ku otro etc. Tur trabou ta enfoká riba solushoná krímen. Esaki bo ta realisá dor di kombiná medidanan di prevenshon, mantenshon, represhon i kolaborashon ku e timnan di bario, yudansa di emergensia, outoridat i partnernan di kadena.

Komo reshèrshi bo tin responsabilidat tantu independientekomo den relashon di tim pa ehekutá un investigashon penal táktiko. Bo ta forma parti di mas investigashon penal kompleho i nètwèrknan eksistente na fabor di investigashonnan penal. Komo reshèrshi por asigná bo ku un òf mas área di tarea i bo sa kiko ta pasando den e área di tarea en kestion sin ku bo ta spesialista di esei. Si ta konsiderá esaki nesesario ta asigná bo na Saba i Sint Eustatius tambe. E departamento di investigashon ta karakterisá pa un ambiente drùk den kual ta traha bou di preshon haltu.

E organisashon

Kuerpo Polisial Hulanda Karibense (KPCN) ta un kuerpo yòn, chikí i dinámiko, ku ta operá den e área di e islanan Boneiru, Sint Eustatius i Saba i ta ehekutá tur proseso di un kuerpo polisial integral.

E kuerpo ta kontribuí na seguridat i kalidat di bida di e hendenan ku ta biba, traha òf ta hospedando

komo turista riba un di e islanan di Hulanda Karibense. E kolaboradónan di KPCN ta

alerta i servisial, desidido i profeshonal. Den e konteksto aki nos ta buskando kolaboradónan

entusiasmá, ku ta fleksibel i ampliamente disponibel i ku huntu ku nos ke konstruí e futuro di kuerpo.

Kompetensianan

• Atenshon pa detaye
• Proaktivo
• Perseveransia
• Traha huntu
• Komunikativo
• Resistente na stress
• Fleksibel

Eksigensianan di funshon

• Bo tin minimalmente 3 aña di eksperensia demostrabel komo reshèrshi;

• Bo tin minimalmente un diploma di polis riba nivel MBO-4, òf ta den posishon di un diploma di polis riba nivel di MBO-3 komplementá ku estudionan profeshonal riba tereno di investigashon i eksperensia relevante;
• Bo tin konosementu di téknikanan di interogashon i sistemanan di dokumentashon i registrashon;
• Bo ta distinguí asuntunan prinsipal i sekundario ku fasilidat i ta pone informashon for di e diferente fuentenan den relashon ku otro;
• Bo ta aktua i komuniká ku takto i bo por establesé i presentá echonan di un manera kla i strukturá;
• Bo por traha bon konhuntamente ku koleganan di diferente disiplina;
• Bo ta siña lihé i bo sa kon pa konbertí konosementu na un manera efektivo den e práktika polisial;
• Bo tin konosementu di partinan relevante di investigashon penal, derecho di proseso penal i derecho atministrativo;
• Bo tin konosementu di instrukshonnan, indikashon i protokòlnan (di OM, Ministerio Públiko) pa loke ta trata investigashon i sa kon pa apliká esakinan korektamente;
• Anualmente bo por kumpli ku e eksigensianan di IBT konforme reglanan;
• Banda di hulandes bo ta dominá papiamentu i ingles tambe, e idioma spañó ta un bentaha.

Kiko nos ta ofresé?

• Un nombramentu a base di e Rechtspositiebesluit ambtenaren BES (Desishon di posishon hurídiko di ámtenar di BES);
• Un salario konforme merkado den skal inisial 6 i skal di funshon 7, salario mensual minimalmente $ 2.100,- i maksimalmente $ 3.240,-, ku un siman di trabou di 36 ora pa siman. Klasifikashon a base di konosementu i eksperensia;
• Sèn di fakansi (8,33% di e salario);
• Un di diestres luna (8,33% di e salario, un mínimo di $ 1.750,- bruto);
• Un areglo di penshun akomodá na Pensioenfonds Caribisch Nederland (PCN);
• 168 ora di fakansi den kaso di un siman di trabou di 36 ora pa siman;
• Un nombramentu temporal pa un aña, ku bista riba un nombramentu fiho den kaso di bon funshonamentu i un evaluashon positivo;
• Un areglo pa muda pa kandidato ku ta reakshoná di pafó di e isla.

Prosedura

Un assesment, casus i/òf chekeo di referensia por ta parti di e prosedura. 

Ta habri e vakatura akí na mes momentu interno i eksterno kaminda ku ta tene kuenta ku e siguiente órden na momentu di selekshon:

• Personal ofisial di RCN na e islanan BES (interno)

• Habitante di e parti karibense di Hulanda (eksterno)
• Sobrá kandidato (eksterno)

Eksigensianan di nombramentu

• Un deklarashon tokante kondukta (VOG);
• Un saminashon médiko na fabor di atmishon den e fondo di penshun;
• Nashonalidat hulandes.

Bon pa sa pa interesado pafó di Hulanda Karibense

• E salario ta na dòler merikano, e moneda ofisial di Hulanda Karibense;
• Hulanda Karibense konosé su propio reglanan di impuesto. Ta kobra impuesto riba e entrada mas haltu ku e suma liber di impuesto ($ 20.242,- na 2024) di un porsentahe di 30,4 % na retenshon riba suèldu;
• Ta obligá pa partisipá na e fondo di penshun, inkluso un kontribushon propio na esaki;
• Bo ta, òf bo ta bira, residente di Hulanda Karibense.

Mas inormashon?

Pa informashon tokante e vakatura bo por tuma kontakto ku Jovani Frans-Cado, hefe di investigashon, e-mail: jovani.frans-cado@politiecn.com

Solisitut digital

Bo por manda bo Curriculum Vitae ku bo motivashon na vacature@rijksdienstcn.com