OCW CG Kolaboradó di Maneho di Kultura Senior pa e área di Karibe

WO/ HBO | Boneiru| 36 ora | P&O2024_010_003 | Fecha di klousura: 22 di òktober 2024

Deskripshon di e funshon

Nos ta buska un kolaboradó di maneho ku konosementu profundo di e parti Karibense di Reino.

Ta trata di un funshon nobo, kaminda e sektor di kultura den OCW CG ta ser fortifiká. Bo trabou ta drai rònt di sigui ampliá e maneho kultural den Reino i promové kolaborashon den e área aki entre tur seis isla den e parti Karibense di Reino.

E aspekto mas importante di e funshon ta enserá fortifikashon di e kolaborashon kultural i kreativo den Reino. E ta trata, di un banda pa yena e ròl di OCW CG komo konekshon òf liashon entre e área kultural na Hulanda Europeo i Hulanda Karibense. Di otro banda, esaki ta enserá un ampliashon di e ròl di konekshon di OCW pa henter e área Karibense.

Bo lo mantené kontakto for di OCW CG ku e ret kultural den e parti Karibense di Reino i ku Hulanda Europeo. Den e ret kultural bo mester pensa riba Fondonan Kultural di Reino, Servisio di reino pa Herensia Kultural, Fondo Nashonal pa Restourashon, Archivo Nashonal, Biblioteka di reino, organisashonnan di media di komunikashon i institutonan di konosementu manera KIEN, LKCA, DEN i Dutch Culture.

Ta keda na bo (i bo koleganan) pa desaroyá i hasi e ret aki mas aksesibel pa artista- i profeshonalnan kreativo, ekspertonan di kultura, medio i herensia, praktikante- i amatùrnan den henter e área Karibense di Reino. Aunke hopi di e organisashonnan menshoná ya kaba ta involukrá di forma aktivo den aktividatnan den Reino, nan tambe sa konsultá ku CG tokante esakinan.

Den e parti Karibense di Reino bo ta mantené kontakto tambe ku e entidatnan públiko, ministerionan di Kultura den e Paisnan, e ministerio di OCW na Den Haag i ku e Representantenan Hulandes na e Paisnan. Bo ta brinda apoyo na e Representantenan dor di formulá preguntanan tokante e sektor kultural i kreativo i posibilidatnan di kolaborashon entre e Paisnan i Hulanda Karibense.

Den e funshon aki, bo lo drenta en kontakto tambe ku maneho kultural i herensia ku ta kontribuí na rekonosementu i diálogo tokante e historia kargá di Hulanda di sklabitut i pasado kolonial.

Esei bo ta hasi entre otro dor di mehorá e visibilidat i aksesibilidat di instrumentonan di maneho, manera supsidionan, pa Área Karibense. Tambe den e funshon aki lo bo dediká bo mes na e kolaborashon den e área di kultura entre Hulanda i e tres paisnan den Reino.

Kiko lo bo bai hasi?

Bo ta kolaborá ku partidonan lokal, manera e timnan di maneho riba e islanan, e ministerio di kultura den e paisnan, representante den e paisnan, institutonan kultural i komunidat, i ku koleganan di OCW i otro departamentunan.

Den e área di kultura, entre e kuater paisnan tin un reunion anual, i ku Hulanda Karibense tin un kombenio kultural ku a firmá ku e entidatnan públiko na Hulanda Karibense. Resientemente a desaroyá e kombenio mas aleu den agènda kultural pa kada entidat públiko. Den esaki ta stipulá prioridatnan pa promoshon i sostenibilidat di bida kultural na Boneiru, Sint Eustatius i Saba. Bo ta enbolbí den siguimentu di e tópikonan ku ta forma parti di e agènda na e Reunion di e 4 Paisnan i bo ta kontribuí aktivamente na garantisá ku ta implementá e prioridatnan identifiká den e agèndanan kultural. Bo ta hasi esaki huntu ku e kolaboradó di maneho di kultura den OCW CG.

Un tarea importante den e posishon aki ta pa promové kolaborashon entre e seis islanan. Tin hopi espasio pa desaroyá bo mes den e posishon aki, pa motibu ku esaki ta un tarea nobo. Promé bo ta bai en buska di oportunidatnan nobo pa fortifiká kolaborashon entre e islanan i despues bo mes lo bai duna esaki forma.

Definishon di e funshon

Bo ta okupá bo mes ku desaroyonan di retnan i stimulashon di kolaborashon, den un kolaborashon estrecho ku direktivanan konserní di OCW, i ku e direktivanan di e islanan. Esaki ta inkluí reuni ku 'stakeholdernan' importante den e área Karibense i na Hulanda, transformá deseo-, meta- i intenshonnan den aplikashon apropiá den e área Karibense te na ‘e preparashon profeshonal’ manera preparashon di presentashonnan, redaktá teksto pa rapòrt di progreso i prepará bishita di trabou di lidernan polítiko.

Lo bo atendé ku asuntunan di preservashon, maneho i aksesibilidat di herensia kultural (digital), tantu herensia inmaterial i historia oral, komo herensia material (kolekshon, archivo, arkeologia, herensia marítimo, i herensia konstruí, tambe den relashon ku ordenamentu urbano). E trabou ta inkluí tambe otro sektornan den e área kultural, ku lo bo tin ku atende ku ne den e funshon aki. Pensa riba edukashon kultural i partisipashon kultural, baile, teatro, bibliotekanan, literatura, pelíkula, músika i fortifikashon di media lokal. Den maneho di media, e puntonan prinsipal mester ta periodismo independiente i prensa liber.

Bo ta kolaborá intensivamente ku koleganan di otro departamentonan di OCW (spesífikamente ku Erfgoed en Kunsten, Mediabeleid en Creatieve Industrie, e direkshon di Maneho Internashonal/área Karibense, Archivo Nashonal i Rijksdienst voor Cultureel Erfgoed, e programa di Aña di Konmemorashon di Pasado di Sklabitut i e Programa kontra Diskriminashon i Rasismo). Bo ta kolaborá intensivamente ku koleganan di otro partinan di OCW i tin kontakto interdepartamental intensivo, spesífikamente ku koleganan di e ministerio di BZK, inkluyendo e Representashonnan.

Ta importante ku bo gusta desaroyá i mantené un netwerk. Bo netwerk ta konsistí di partinan diverso den e sektor kultural, tantu na Hulanda komo na e islanan.

Na e departamento OCW di RCN, hopi trabou ta tuma lugá den timnan variante. Esei ta nifiká ku tin biaha bo mester ta disponibel pa otro asuntunan si ta nesesario i tin biaha ku mester di bo fleksibilidat. Bo mester por kambia rápidamente entre diferente prioridatnan i proyektonan.

Kompetensianan

* Analisá;

* Sensitividat organisatorio;

* Fleksibilidat;

* Abilidat pa networking;

* Planifiká i organisá;

* Kreatividat.

E Organisashon

OCW ta traha na un Hulanda inteligente, ábil i kreativo. Nos ke pa tur hende sigui un edukashon adekuá i prepará nan mes pa independensia i responsabilidat den sosiedat. Ademas, nos ta konsiderá importante ku tur hende por eksperensiá kultura i ku maestronan, artistanan, kreadónan di programa i sientífikonan por hasi nan trabou. E profeshonalnan den e diferente sektornan ta krusial den esaki.

Traha na nos ministerio ta nifiká traha den un ambiente ambisioso i na mes un momento, informal i agradabel. Un ambiente kaminda nos ta kolaborá na un manera agradabel ku rèspèt pa otro.

Eksigensianan pa e funshon 

• Bo tin un diploma hbo/wo;
• Bo tin bon konosementu di e parti Karibense di Reino i di maneho, lei- i regulashonnan den tereno di enseñansa i kultura;
• Bo tin mínimo tres aña di eksperensia, preferiblemente den un funshon ku bo tabatin keber ku e parti Karibense di Reino;
• Bo tin afinidat ku e sektor kultural i bo ke hinka bo esfuerso aden;
• Bo tin sensibilidat pa prosesonan polítiko-atministrativo i bo ta komprendé kiko ta pidi pa traha den un ambiente gubernamental;
• Bo ta habrí i sensitivo. Bo tin bista pa diferente interesnan, bo ta identifiká oportunidatnan i riesgonan, bo ta konsiente di bo ambiente i bo por konektá bon;
• Bo tin abilidatnan di komunikashon ekselente, bo ta ábil den formá ret di kontaktonan i bo tin eksperensia den mantené relashonnan;
• Bo ta kolegial i bo gusta traha huntu den tim;
• Bo ta kreativo, orientá riba solushon i resultadonan;
• Bo por planiá, duna prioridat i organisá den un ambiente héktiko;
• Bo ta fuerte den komunikashon, tantu por eskrito komo verbal;
• Bo ta un adkisishon úniko na nos departamento, na kontenido òf komo persona;
• Abilidatnan komunikativo bon, den Hulandes i Ingles, tantu verbal komo por eskrito.
• Bon abilidat di komunikashon oral i por eskrito, tantu na hulandes komo ingles.
• Bo no mester ta (mes) bon den tur kos, nos ta buska e mihó kombinashon di e kalidatnan aki;

Kiko nos ta ofresé?

• Un salario konforme e merkado, den skal di funshon 12 mínimo $4.730,- i maksimal $5.920,- pa luna, mará na un siman di trabou di 36 ora. Klasifikashon ta basá riba konosementu i eksperensia;
• Sèn di fakansi (8,33% di e salario);
• Un di diestres luna (8,33% di e salario anual, ku un mínimo di $1.750,- bruto);
• Un areglo di penshun koloká bou di Pensioenfonds Caribisch Nederland (PCN);
• 168 ora di vakashon pa un siman laboral di 36 ora;
• Un nombramentu temporal di 1 aña ku bista riba un nombramentu fiho;
• Un areglo di mudansa si bo ta reakshoná for di den eksterior.

Eksigensianan pa e nombramentu

• Un deklarashon tokante kondukta (VOG) i un eksámen médiko;
• Den kaso di kapasidat igual, kandidato interno tin prioridat riba kandidato eksterno
• Nashonalidat hulandes.

Mas informashon?

Pa mas informashon tokante e vakatura bo por tuma kontakto ku Maritsa Silberie, hefe di departamento, via telefòn +599-7955043.

Apliká digitalmente

Bo por manda bo Curriculum Vitae ku motivashon pa: vacature@rijksdienstCN.com