OCW CG Kolaboradó di maneho pa kondishonnan di trabou, derechi di partisipashon di skolnan i posishon hurídiko
Bo kièr kontribuí na kondishonnan di trabou adekuá i un posishon hurídiko transparente pa personal di enseñansa na Hulanda Karibense? Bo ta haña ta un reto pa sostené e skolnan den e formashon di bon doño di trabou pa nan trahadónan? Apliká komo kolaboradó di maneho pa kondishonnan di trabou i posishon hurídiko na OCW Caribisch Gebied.
HBO | Boneiru | 36 ora | Number di vakatura: P&O2024_10_002 | Fecha di klousura: 22 di òktober 2024
Deskripshon di e funshon
OCW Caribisch Gebied ta buska un kolaboradó di maneho pa kondishonnan di trabou, derechi di partisipashon i posishon hurídiko. Den e funshon aki bo ta kontribuí na kondishonnan di trabou bon i transparente, bo ta traha huntu ku e diferente partidonan na un partisipashon ku ta funshoná bon na tur e skolnan i na un aplikashon korekto di posishon hurídiko na e skolnan na Boneiru, Sint Eustatius i Saba. Bo ta konektá den práktika e desaroyonan na e skolnan individual ku e kondishonnan di trabou aplikabel i posishon hurídiko.
Definishon di e funshon
- Bo ta bon informá tokante e desaroyonan relashoná ku kondishonnan laboral i e posishon hurídikol na Hulanda Karibense i bo sa kon tradusí esakinan den konsehonan práktiko i ehekushon;
- Bo ta kontribuí riba base di bo konosementu di kontenido na e diálogo laboral entre dunadó di trabou i sindikatonan/representante di trahadónan;
- Bo ta sekretario di e diálogonan orientá riba akuerdo (OOGO) tokante kondishonnan laboral na CN;
- Bo ta garantisá ku e kondishonnan laboral akordá ta keda registrá den un manual práktiko pa e skolnan, e asina yama Personeelshandboek Onderwijspersoneel Caribisch Nederland;
- Bo ta e promé punto di kontakto pa skolnan pa splikashon di e akuerdo laboral. Tambe bo ta duna informashon i konseho na skolnan tokante lei laboral i posishon hurídiko.
- Bo ta konsultá i pensa huntu ku koleganan di BZK i/òf OCW na Hulanda Oropeo tokante mas profeshonalisashon di e sistema di kondishonnan di trabou den enseñansa na Hulanda Karibense
- Tambe bo ta guia e huntanan di supervishon / direktivanan di skol, e gerente di skol i e konsehonan di partisipashon di tur skol riba nan ròl, responsabilidat i tareanan pa loke ta trata mehorashon/profeshonalisashon mas aleu di partisipashon.
Kompetensianan
- Planifiká i organisá;
- Abilidat pa “networking”;
- Kolaborá;
- Servisio dirigí riba kliente;
- Dirigí riba resultado;
- Sensibilidat interkultural.
E Organisashon
OCW CG ta e ofisina avansá di e ministerio di OCW na Hulanda Karibense i ta señalá, informá i konsehá e direktivanan di maneho di e ministerio di OCW na Hulanda riba e aplikabilidat lokal di e intenshonnan di maneho i ta informá i sostené tur partídonan envolví den ehekushon di e Agènda Edukativo pa Hulanda Karibense. OCW CG ta responsabel pa e apoyo i implementashon di e manehoi legislashon i regulashonnan di OCW na Hulanda Karibense i e fitbèk tokante su progreso.
Eksigensianan pa e funshon
- Bo tin un nivel di trabou i pensamentu wo/hbo;
- Bo tin abilidatnan komunikativo bon den Hulandes i Ingles, tantu verbal komo por eskrito; Papiamentu ta un bentaha;
- Bo tin konosementu di e leinan di trabou, siguridat sosial, i leinan di penshun ku ta apliká na Hulanda Karibense, òf bo por siña esaki lihé;
- Bo sa kon trata ku diferensianan di interes;
- Eksperensia na Hulanda Karibense ta un bentaha.
Kiko nos ta ofresé?
- Un salario konforme e merkado, den skal inisial 10 i skal di e funshon 11, di mínimo $3.525,- i máksimo $5.240,- bruto pa luna mará na un siman di trabou di 36 ora. Klasifikashon ta basá riba konosementu i eksperensia;
- Un nombramentu di 29 ora pa siman;
- Kompensashon di vakashon (8,33% di e salario anual);
- Un di diestres luna (8,33% di e salario anual, ku un mínimo di $1.750,- bruto);
- Un areglo di penshun koloká bou di Pensioenfonds Caribisch Nederland (PCN);
- 168 ora di vakashon pa un siman laboral di 36 ora;
- Un nombramentu temporal di dos aña;
- Un areglo di mudansa si bo ta reakshoná for di den eksterior.
Eksigensianan pa e nombramentu
- Mester por entregá un deklarashon tokante kondukta (VOG) i un eksaminashon médiko ta obligatorio;
- Si kandidatonan interno tin mesun kapasidat, nan tin prioridat riba kandidatonan eksterno;
- Nashonalidat hulandes ta un eksigensia.
Mas informashon?
Pa mas informashon tokante e vakatura bo por tuma kontakto ku Maritsa Silberie, hefe di departamento, via telefòn +599 7955043.
Apliká digitalmente
Bo por manda bo Curriculum Vitae ku motivashon pa: vacature@rijksdienstCN.com