RIVM Lider di proyekto di Programa di Skrinen

HBO/WO | Boneiru | 36 ora | Number di vakatura: P&O2025_06_021| Fecha di klousura: 12 di ougùstùs 2025

Ken nos ta buska?

Nos ta buska un kolega komprometé i entusiasmá ku, den un ambiente pionero, ta gusta kontribuí  na sètùp di programa di skrinen i tambe aportá na desaroyo mas aleu di e programanan kompletu. Bo ta funshoná bon bou di preshon, ta fleksibel i ta bon den pensa riba solushonnan kreativo. Bo ta pone kontakto fásilmente, bo ta reseptivo i ta motivá, i por presta tantu independientemente komo den relashon di tim.

Deskripshon di funshon

Nos ta un tim ku ta kresiendo i den kual múltiple lider di proyekto ta traha. Dependiendo di bo konosementu i eksperensia, nos ta determiná konhuntamente kua proyekto bo ta sigui kuné. Proyektonan aktual ta entre otro e implementashon di NIPT/SEO (skrinen durante di embaraso), implementashon di nos sistema di ICT nobo, guia i kompra di mamógrafonan i inventarisashon di e kuido di siguimentu, i e.

Tareanan di funshon

• Bo ta fleksibelmente disponibel pa mas proyekto (parsial) kompleho manera e implementashon di NIPT/SEO na Hulanda Karibense, e inventarisashon di kuido di siguimentu i e guia di proseso di elaborashon di un registrashon di kanser regional;
• Tumando na kuenta e sensitividat i kompleksidat di e diferente proyektonan, ta importante pa bo tin un nètwèrk den e kadena di kuido i prevenshon regional i pa ekspandé i mantené esaki;
• Pa diferente proyekto bo ta trese partnernan di kadena huntu, i organisá enkuentro via Teams òf den kaso ku ta posibel bibu i direkto;
• Bo ta fasilitá e seramentu di akuerdo ku diferente partner di kadena den kolaborashon ku e koleganan na Hulanda;
• Bo ta flèksibel den bo trabou i por ehèmpel por guia i elaborá riba problemanan rondó di  kasonan hurídiko, kompra, ICT i kalidatden kolaborashon ku ekspertonan;;
• Bo por skibi bon na Hulandes formal i no tin miedu di skibi anotashon, rapòrt di evaluashon i un plan di aserkamentu òf plan di proyekto; 
• Bo ta tene bo koleganan na altura di e progreso di e proyektonan riba kual bo ta trahando i ta involukrá nan kaminda ta nesesario; 
• Bo ta duna bo kontribushon na momentu di formulá preguntanan di investigashon relevante. 

Tokante nos i nos enkargo

RIVM su Sentro pa Skrinen di Poblashon bou di enkargo di e Ministerio di VWS ta enkargá ku guia di tur tres skrinen di poblashon pa kanser. VWS ta brinda e skrinen di poblashon aki na Hulanda Karibense tambe. RIVM tin e enkargo pa duna forma na esaki i organis’é. Implementashon di e programanan (piloto) lo kompletá na fin di aña 2025 i e ora ei lo sigui ku un ehekushon regular. Na 2026 entre otro tambe ta sigui e screening di embaraso pa desviashon di kromosomo i desviashon struktural (serka NIPT-SEO). Koordinashon di ehekushon di programa di screening na Hulanda Karibense ta tuma lugá for di nos ofisina na Boneiru, i lo bo traha huntu estrechamente ku e koleganan di RIVM na Hulanda. Mas informashon tokante nos programanan di skrinen ku ta kanando i di nos tim bo por haña riba nos wèpsait www.screening-cn.com.

Eksigensianan di konosementu i eksperensia general

• Bo tin un nivel di pensa i traha hbo/wo;
• Bo ta konosí ku e kuido i/òf salubridat públiko na Hulanda Karibense;
• Preferiblemente bo tin un ‘background’ médiko, por ehèmpel relashoná ku kuido òf laboratorio; 
• Bo por analisá kontrato i problemanan rápidamente, kalkulá riesgo, anda ku interes di konfliktivo i komuniká riba diferente nivel;
• Bo ta dominá hulandes i ingles tantu verbalmente komo por eskrito. Papiamentu ta un bentaha;
• Bo tin e eksperensia relevante komo lider di proyekto i konosementu amplio di trabounan di proyekto;
• Bo ta dispuesto pa biaha bai e diferente islanan di Hulanda Karibense i CAS (Kòrsou, Aruba i Sint Maarten) i Hulanda den kaso ku ta nesesario.

Kiko nos ta ofresé?

• Un nombramentu a base di e Rechtspositiebesluit ambtenaren BES (Desishon di posishon hurídiko di ámtenar di BES);
• Un salario konforme merkado den skal di funshon 12 (salario mensual bruto minimalmente $ 4.730,- i maksimalmente $ 5.920,-) ku un siman di trabou di 36 ora pa siman. Klasifikashon a base di konosementu i eksperensia;
• Sèn di fakansi (8,33% di eentrada anual);
• Un di diestres luna (8,33% di e entrada anual);
• Kompensashon di vitalidat;
• Un areglo di penshun akomodá na Pensioenfonds Caribisch Nederland (PCN);
• 182 ora di fakansi den kaso di un siman di trabou di 36 ora pa siman;
• Un nombramentu temporal di un aña ku posibilidat pa nombramentu permanente; 
• Un areglo pa muda pa kandidato ku ta reakshoná for di eksterior.

Prosedura

Un assessment, casus i/ òf chekeo di referensia por forma parti di e prosedura.
miéntras ku den e selekshon lo tene kuenta ku e siguiente órden:

• Personal ofisial di RCN na e islanan BES (interno);
• Habitante di e parti karibense di Hulanda (eksterno);
• Sobrá kandidato (eksterno).

Eksigensianan di nombramentu

• Un deklarashon tokante kondukta (VOG);
• Un saminashon médiko na fabor di atmishon den e fondo di penshun (partisipashon ta obligatorio, inkluso propio kontribushon);
• Nashonalidat hulandes.

Bon pa sa pa interesado pafó di Hulanda Karibense

• E salario ta na dòler merikano, e moneda ofisial di Hulanda Karibense;
• Hulanda Karibense konosé su propio reglanan di impuesto. Ta kobra impuesto di 30,4% riba un suèldu riba e montante liber di impuesto ku ta $21.373,- den 2025, te un suèldu di $51.250,-. Den e di dos grupo di impuesto un tarifa di impuesto di 35,4% ta na vigor;
• Bo ta, òf bo ta bira, residente di Hulanda Karibense.

Mas informashon?

Pa mas informashon tokante e funshon, bo por tuma kontakto ku Sandra van Dijk, hefe di departamentu, +316 46293844, sandra.van.dijk@rivm.nl (disponibel te ku 29 di yüli). Tambe bo por tuma kontakto ku Astrid Punt, lider di proyekto, +599 7900025, astrid.punt@rivm.nl (disponibel for di 2 te ku 12 di ougùstùs).

Solisitut digital

Bo por manda bo Curriculum Vitae ku bo motivashon na vacature@rijksdienstCN.com