SSO-CN Empleado pa atministrashon di salario
Abo ke sòru ku tur empleado di nos organisashon kada luna ta haña e sueldo korekto puntualmente na e tempu korekto? Anto solisitá komo empleado atministrashon di salario!
MBO4 | Boneiru | 36 ora | Number di vakatura P&O2024_06_015 | Fecha di klousura: 9 di yüli 2024
Deskripshon di funshon
Komo empleado pa atministrashon di salario, bo ta sòru pa ehekushon optimal i na tempu di e atministrashon di salario i derecho riba penshun. Esaki ta enserá kontrol, bukmentu/kambio di dato di salario, i kontrol relashoná ku lei i regulashon. Tambe bo ta kontestá pregunta tokante informashon di maneho relashoná ku salario, i bo ta duna apoyo dor di suministrá e informashon aki.
Tareanan di funshon
- Bo ta prepará kambionan ku presentá sigun lei i regulashon vigente aplikabel, i ta evaluá i prosesá e kambionan aki;
- Bo ta kontribuí na mehorashon i optimalisashon di e proseso di payroll (prosesamentu di salario);
- Bo ta fungi komo punto di kontakto pa e empleadonan den e organisashon pa loke ta e atministrashon di P&O (Personeel & Organisatie, Personal & Organisashon);
- Bo ta señalá bottlenecknan na tempu, i ta pasa esakinan pa bo hefe i aportá solushonnan konkreto pa e bottlenecknan aki;
- Bo ta buk i kodifiká dato, aktualisá fail denter di e plasonan vigente;
- Bo ta hasi diferente trabou atministrativo i di apoyo mas kompleho;
- Bo ta duna un aporte motivante na maneho propio di e atministrashon di salario (planifikashon/ diskutí bottlenecknan, resolvé problema huntu, sòru pa remplaso, guia empleado nobo ku nan pago di salario);
- Bo ta sòru pa atministrashon di penshun akomodá na e Pensioenfonds Caribisch Nederland;
- Bo ta karga responsabilidat pa valides i integridat di e datonan di salario.
E organisashon
E Rijkdienst Caribisch Nederland (RCN) ta e vínkulo entre servisionan ehekutivo di ministerionan ku ta presente riba e islanan Boneiru, Sint Eustatius i Saba. Kada ministerio mes ta responsabel pa loke ta trata kontenido di introdukshon i ehekushon di e maneho di e ministerio konserní. SSO CN ta un organisashon di shared service, i ta enkargá ku maneho operashonal i sosten riba tereno di Personeel & Organisatie (P&O, Personal i Organisashon), Kompra, Asuntu Fasilitario, ICT, Finansa, i Komunikashon pa tur departamento aktivo na Hulanda Karibense.
Kompetensia
- Kontrol di progreso;
- Atenshon pa detaye;
- Enfoke riba kalidat;
- Empatia;
- Por kontra stress;
- Enfoke riba kliente.
Eksigensianan di funshon
- Bo a kompletá un estudio mbo4, preferiblemente komplementá ku PDL;
- Bo tin konosementu di atministrashon di salario, lei i regulashon BES, i sistemanan di atministrashon, preferiblemente AFAS;
- Bo ta konsiente di kiko ta pasa den e organisashon, i ta hasi uso di bo konosementu pa huntu logra e resultado deseá;
- Bo tin bon abilidat ekspresivo verbal i por eskrito na hulandes, ingles, i preferiblemente papiamentu.
Kiko nos ta ofresé?
- Un nombramentu a base di e Rechtspositiebesluit ambtenaren BES (Desishon di posishon hurídiko di ámtenar di BES);
- Un salario konforme merkado den skal inisial 7 i skal di funshon 8, salario mensual minimalmente $ 2.060,- i maksimalmente $ 3.275,-, ku un siman di trabou di 36 ora pa siman (klasifikashon a base di konosementu i eksperensia);
- Sèn di fakansi (8,33% di e salario);
- Un di diestres luna (8,33% di e salario, un mínimo di $ 1.750,- bruto);
- Un areglo di penshun akomodá na Pensioenfonds Caribisch Nederland (PCN);
- 168 ora di fakansi den kaso di un siman di trabou di 36 ora pa siman;
- Un nombramentu temporal pa un aña, ku bista riba un nombramentu fiho;
- Un areglo pa muda pa kandidato ku ta reakshoná di pafó di e isla.
Prosedura
- Ta habri e funshon aki internamente i eksternamente na mes momentu. Den kaso di aptitut igual kandidato interno ta haña preferensia;
- Un assessment òf casus por forma parti di e prosedura.
Eksigensianan pa nombramentu
- Un deklarashon tokante kondukta (VOG);
- Un eksaminashon médiko na fabor di atmishon den e fondo di penshun;
- Nashonalidat hulandes.
Bon pa sa pa interesado pafó di Hulanda Karibense
- E salario ta na dòler merikano, e moneda ofisial di Hulanda Karibense;
- Hulanda Karibense konosé su propio reglanan di impuesto. Ta kobra impuesto riba e entrada mas haltu ku e suma liber di impuesto ($ 20.424,- na 2024) di un porsentahe di 30,4 % na retenshon riba suèldu;
- Ta obligá pa partisipá na e fondo di penshun, inkluso un kontribushon propio na esaki;
- Bo ta, òf bo ta bira, residente di Hulanda Karibense.
Mas informashon?
Pa informashon tokante e vakatura bo por tuma kontakto ku Edith Keijser, konsehero di HR senior, email: edith.ernestina-keijser@rijksdienstcn.com
Solisitut digital
Bo por manda bo Curriculum Vitae ku motivashon pa: vacature@rijksdienstCN.com