SSO CN Konsehero di Kontenido (redaktor/webmaster)

HBO | Boneiru| 36 ora | Number di vakatura P&O2024_10_009 | Fecha di klousura: 22 di òktober 2024

Tareanan di funshon

• Bo ta responsabel pa maneho di (kontenido) di e wèpsait di RCN, e intranèt sosial, i otro medionan online, inkluso programa i tool ku e departamentu di komunikashon ta usa pa esaki;
• Bo ta konsehá tokante e enfoke di komunikashon riba medionan digital di RCN, bo ta kompilá i analisá kontenido i bo ta konsehá tokante inovashon i mehorashon;
• Bo ta sòru diariamente pa redakshon/redakshon final di tekstonan (di web) hulandes;
• Diariamente, bo ta publiká kontenido pa e wèpsait(nan) di RCN (den 3 idioma) i e páginanan sentral di e intranèt sosial;
• Bo ta selektá i ta enkargá, ku ayudo di e LexisNexis-tool di notisia e notisiero digital diario ku aktualidatnan na i tokante e parti karibense di Hulanda;
• Bo ta selektá i elaborá imágen i potrèt i ta enkargá ku publikashon di esaki;
• Den kaso di problema tékniko òf desaroyo funshonal di e medionan digital, bo ta komuniká ku ICT i suministradónan eksterno;
• Bo ta stimulá i apoyá atministradó di grupo ku ta aktivo riba e intranèt sosial di RCN;
• Bo ta tene usuario i atministradó di grupo informá tokante kambio funshonal riba e intranèt sosial di RCN;
• Bo ta stimulá kolaboradónan pa integrá e intranèt sosial den e trabou diario, por ehèmpel dor di buska i kompartí “best practices”;
• Bo ta supervisá i vigilá si e wèpsait(nan), e intranèt sosial, i otro informashon digital di RCN ta kumpli ku tur instrukshon pa kontenido, forma, aksesibilidat, i ku ta fásil pa haña nan.

E organisashon

Rijkdienst Caribisch Nederland (RCN) ta e vínkulo entre servisionan ehekutivo di ministerionan ku ta presente riba e islanan Boneiru, Sint Eustatius i Saba. Kada ministerio mes ta responsabel pa loke ta trata kontenido di introdukshon i ehekushon di e maneho di e ministerio konserní. SSO CN ta un organisashon di shared service i ta enkargá ku e operashon empresarial i duna sosten riba tereno di Human Resources Management (HRM, Maneho di Rekursonan Humano), Kompra, Asuntunan fasilitadó, ICT, Finansa i Komunikashon na tur departamento aktivo na Hulanda Karibense.

E departamento

E departamento di komunikashon ta duna konseho fundamentá i apoyo profeshonal riba tereno di komunikashon na e servisio i e departamentunan ku ta aktivo na Hulanda Karibense. E tim ta disponé di un ret lokal, regional, i na Den Haag, i ta sòru ku e servisio i departamentunan, pero tambe e ministerionan na Den Haag sa kiko ta pasando den opinion públiko. Nos meta ta pa realisá un aserkamentu komunikativo ku kua ta alkansá grupo(nan) di enfoke na Hulanda Karibense efektivamente, mehorá interakshon ku e por realisá maneho mas mihó. Nos ta hasi esei dor di duna konseho sea pidi pa esaki òf nò, i dor di desaroyá produkto di komunikashon efikas.

Kompetensianan

• Flèksibilidat
• Por ku stress
• Kreatividat
• Sensitividat pa organisashon
• Orientashon riba kliente
• Presis

Eksigensianan di funshon

• Nivel HBO di traha i pensa;
• Dominio ekselente di hulandes i bon abilidat di redakshon (final). Bon kapasidat di skibi na ingles i/òf papiamentu ta un bentaha;
• Abilidat di skibi kreativo i efikas, i eksperensia ku skibi pa medionan digital;
• Konosementu di i eksperensia ku komunikashon gubernamental (digital);
• Afinidat ku ICT;
• Konosementu basiko HTML;
• Bo tin konosementu di sistemanan CMS, preferiblemente Platform RO i Winkwaves Harmonics. Ekeperensia ku e tooling di notisiero di LexisNexis ta un bentaha.
• Bo tin eksperensia ku programa di editá potrèt di Adobe Creative Cloud i Irfan View;
• Bo tin eksperensia ku mónitòr prestashon online ku “tool” manera Google Analytics i Piwik;
• Bo tin konosementu (básiko) di eksigensia di aksesibilidat pa komunikashon online i konosementu di otro instrukshon di web i SEO;
• Eksperensia ku desaroyo di vários produkshon digital;

Kiko nos ta ofresé?

• Un nombramentu a base di e Rechtspositiebesluit ambtenaren BES (Desishon di posishon hurídiko di ámtenar di BES);
• Un salario konforme merkado den skal inisial 9 i skal di e funshon 10, salario mensual minimo $ 3.075,- i máksimo $ 4.575,-, ku un siman di trabou di 36 ora. Klasifikashon a base di konosementu i eksperensia;
• Sèn di fakansi (8,33% di e salario);
• Un di diestres luna (8,33% di e salario, un mínimo di $ 1.750,- bruto);
• Un areglo di penshun akomodá na Pensioenfonds Caribisch Nederland (PCN);
• Un nombramentu temporal pa un aña;
• Un areglo pa muda pa kandidato ku ta reakshoná di eksterior

Prosedura

• Un assessment òf casus/ prueba di akompañamentu por ta parti di e prosedura.

Eksigensianan di nombramentu

• Un deklarashon tokante kondukta (VOG);
• Un saminashon médiko na fabor di atmishon den e fondo di penshun;
• Nashonalidat hulandes.

Bon pa sa pa interesado pafó di Hulanda Karibense

• E salario ta na dòler merikano, e moneda ofisial di Hulanda Karibense;
• Hulanda Karibense konosé su propio reglanan di impuesto. Ta kobra impuesto riba e entrada mas haltu ku e suma liber di impuesto ($ 20.242,- na 2024) di un porsentahe di 30,4 % na retenshon riba suèldu;
• Ta obligá pa partisipá na e fondo di penshun, inkluso un kontribushon propio na esaki;
• Bo ta, òf bo ta bira, residente di Hulanda Karibense.

Mas informashon?

Pa informashon tokante e vakatura bo por tuma kontakto ku Anne-Marie Kloet, mènedjer di komunikashon suplente, telefòn +599 795 2255.

Solisitut digital

Bo por manda bo Curriculum Vitae ku bo motivashon na: vacature@rijksdienstCN.com