SSO CN Mènedjer di Komunikashon

HBO WO | Boneiru | 36 ora | Number di vakatura: P&O2025_03_002 | Fecha di klousura: 1 di aprel 2025

Deskripshon di funshon

Komo Manager di Komunikashon bo ta guia e tim di komunikashon, i huntu ku otro miembronan di e MT (tim di maneho) bo ta realisá e ophetivonan di e organisashon. For di bo funshon komo Manager di Komunikashon bo ta kumpli ku e funshon di konektá ku e ministerionan na Den Haag.

Tareanan di funshon

• Partisipashon den MT;
• Bo ta enkargá ku konseho i ehekushon integral;
• Bo ta implementá tareanan den henter SSO, por ehèmpel riba tereno di servisio i liderazgo;
• Bo ta karga e kultura di komunikashon hib’é afó i ta duna un bon ehèmpel;

Maneho integral

• Bo ta responsabel pa e resultadonan i desaroyonan di e departamento;
• Bo ta pèrkurá pa redakshon i realisashon di un plan anual di komunikashon;
• Bo ta distribuí e uso di hende i medio i ta sòru pa personal efektivo i efisiente;
• Bo ta vigilá i duna guia pa kalidat di e servisio di e tim di Komunikashon i ta reportá na e hefe di servisio;
• Bo ta responsabel pa e presupuestonan di e departamento;
• Bo ta hiba kòmbersashonnan den kuadro di e siklo di HR;
• Bo ta coach, sostené, motivá i stimulá kolaboradónan i ta kondusí konsulta di trabou struktural;
• Bo ta desaroyá vishon, ideanan i/òf konseptonan nobo, i ta sinkronisá esakinan ku esnan enbolbí.

Funshon di konektá

• Bo ta ehersé influensia riba maneho di Gobièrnu Sentral bu bista riba faktibilidat lokal i ta krea sosten pa esei. Bo ta mantené kontaktonan independientemente ku e ministerionan na nivel di maneho, inkluso direktornan di komunikashon di e diferente ministerionan;

Nètwèrk

• Bo ta fungi komo representante, mediadó i negoshadó;
• Bo ta konstruí i mantené un ret ku e direktivanan di komunikashon di e ministerionan, medionan lokal i regional, i otro partidonan relevante.

E organisashon

Rijkdienst Caribisch Nederland (RCN) ta e vínkulo entre servisionan ehekutivo di ministerionan ku ta presente riba e islanan Boneiru, Sint Eustatius i Saba. Kada ministerio mes ta responsabel pa loke ta trata kontenido di introdukshon i ehekushon di e maneho di e ministerio konserní. SSO CN ta un Organisashon di Shared Service i ta enkargá ku e operashon empresarial i duna sosten riba tereno di Human Resources Management (HRM, Maneho di Rekursonan Humano), Kompra, Asuntunan fasilitadó, ICT, Finansa i Komunikashon na tur departamento aktivo na Hulanda Karibense.

E departamento

E departamento di komunikashon ta duna konseho supstansiá i sosten profeshonal riba tereno di komunikashon na e servisionan i departamentonan ku ta aktivo na Hulanda Karibense. E tim ta disponé di un ret relevante na nivel lokal, regional i na Den Haag, i tambe ta sòru ku e servisionan i departamentonan, pero tambe e ministerionan na Den Haag sa eksaktamente kiko ta pasando den opinion públiko. Nos meta ta pa yega na un aserkamentu di komunikashon ku kua efektivamente ta alkansá grupo(nan) di enfoke na Hulanda Karibense, mehorá e interakshon ku e alrededor, òf por alkansá mihó maneho. Nos ta hasi esei dor di duna konseho sea ku pidi pa esaki sí òf nò, i dor di desaroyá produktonan di komunikashon efikas.

Kompetensianan

• Sensitividat pa organisashon;
• Sensitividat pa maneho;
• Konsiente di bo alrededor;
• Nètwèrk;
• Duna guia;
• Desaroyo di kolaboradónan;
• Reflehá.

Eksigensianan di funshon

• Bo tin un nivel di traha i pensa HBO/WO;
• Bo tin eksperensia den maneho, preferiblemente den e sektor (semi)gubernamental;
• Bo por krea retnan relevante den i pafó di Gobièrnu Sentral;
• Bo ta komprendé proseso polítiko i relashon atministrativo;
• Bo tin e abilidat pa analisá retonan di komunikashon i diseñá solushonnan efektivo;
• Bo tin abilidatnan di ekspreshon ekselente verbal i por eskrito na papiamentu, hulandes i ingles.

Si ainda bo no ta kumpli ku tur eksigensia di e funshon, esei no ta un problema. Mediante un kòmbersashon di selekshon i evaluashon di desaroyo nos lo determiná si denter di 1 pa 2 aña -bou di guia- bo por kumpli ku e eksigensianan di e funshon. Nos lo ofresé bo un programa di desaroyo i un trayekto di coach serka un coach di kontenido ku bo por usa komo un modelo.

Kiko nos ta ofresé?

• Un nombramentu a base di e Rechtspositiebesluit ambtenaren BES (Desishon di posishon hurídiko di ámtenar di BES);
• Un salario konforme merkado den skal inisial 12 i skal di e funshon 13, salario mensual minimalmente $ 4.801,- i maksimalmente $ 6.785,- ku un siman di trabou di 36. Klasifikashon a base di konosementu i eksperensia;
• Sèn di fakansi (8,33% di e salario);
• Bonus di fin di aña (8,33% di e salario, );
• Kompensashon di vitaidat;
• Un areglo di penshun akomodá na Pensioenfonds Caribisch Nederland (PCN);
• 182 ora di fakansi den kaso di un siman di trabou di 36 ora pa siman;
• Un nombramentu temporal pa un aña, ku bista riba un nombramentu fiho den kaso di bon funshonamentu i un evaluashon positivo;
• Un areglo pa muda pa kandidato ku ta reakshoná di pafó di e isla.

Prosedura

Un assessment, casus i/ òf chekeo di referensia por forma parti di e prosedura.
miéntras ku den e selekshon lo tene kuenta ku e siguiente órden:

• Personal ofisial di RCN na e islanan BES (interno);
• Habitante di e parti karibense di Hulanda (eksterno);
• Sobrá kandidato (eksterno).

Eksigensianan di nombramentu

• Un deklarashon tokante kondukta (VOG);
• Un saminashon médiko na fabor di atmishon den e fondo di penshun;
• Nashonalidat hulandes.

Bon pa sa pa interesado pafó di Hulanda Karibense

• E salario ta na dòler merikano, e moneda ofisial di Hulanda Karibense;
• Hulanda Karibense konosé su propio reglanan di impuesto. Ta kobra impuesto di 30,4% riba un suèldu riba e montante liber di impuesto ku ta $21.373,- den 2025, te un suèldu di $51.250,-. Den e di dos grupo di impuesto un tarifa di impuesto di 35,4% ta na vigor.
• Bo ta, òf bo ta bira, residente di Hulanda Karibense.

Mas informashon?

Pa informashon tokante e funshon aki bo por tuma kontakto ku Ingrid Sealy, Hefe di servisio SSO-CN, number di telefòn +599 795 4919

Solisitut digital

Bo por manda bo Curriculum Vitae i motivashon via e-mail pa: vacature@rijksdienstCN.com