SZW Hurista seguridat sosial

HBO/WO|Boneiru|36 ora| Number di vakatura: P&O2024_06_010 |Fecha di klousura: 17 di yüli  2024

Deskripshon di funshon

Komo hurista di seguridat sosial bo ta eksperto pa loke ta trata kontenido riba tereno di Derecho di Seguridat Sosial i bo por tradusí e ekspertisio aki na e nivel di implementashon. Bo ta konsehá gerensia tokante e aspektonan hurídiko di maneho, leinan nobo i esnan di futuro i problemanan señalá den e implementashon di e diverso areglonan ku ta kai bou di responsabilidat di e Unidat. De bes en kuando bo ta proporshoná seshonnan informativo pa koleganan i kaminda ta nesesario, pa servisionan di sosio i otro partidonan enbolbí pafó di e Unidat. Banda di esei bo ta responsabel pa kolektá i prosesá informashon na benefisio di informenan anual.

Tarea i responsabilidatnan

• Komo hurista di seguridat sosial bo ta fungi komo eksperto pa loke ta trata kontenido di asuntunan hurídiko; 
• Bo ta sòru pa (sigui) konstruí, propagá i garantisá e konosementu hurídiko di e implementashon di legislashon i regulashon ku SZW-CN mester implementá;
• Bo ta konsehá e gerensia di unidat tokante aspektonan hurídiko i problemátiko den kuadro di lei i regulashon ku mester implementá;
• Bo ta duna un aporte proaktivo na momentu di elaborá reglanan di maneho i instrukshonnan di trabou;
• Bo ta responsabel pa e transferensia di konosementu na empleadonan dor di konsehá, guia i sostené nan pa loke ta trata aspektonan hurídiko di tareanan di ehekushon;
• Bo ta kordiná e establesimentu di maneho i informenan di kada 4 luna;
• Bo ta sigui desaroyonan relevante riba tereno di trabou di SZW-CN proaktivo i ta konsehá e gerensia di unidat tokante asuntunan relevante pa nan i tambe señal ku ta sali for di komunidat.

Organisashon

E unidat di Asuntonan Sosial i Empleo (SZW) ta ehekutá e seguridat sosial pa Hulanda Karibense. Banda di esei SZW ta responsabel pa e inspekshon di labor CN, pèrmit di trabou, asuntunan laboral i Plenchi di Trabou. En total tin mas o ménos 55 empleado ta traha den e Unidat SZW, di kual 6 na Saba i Sint Eustatius. Tin hopi desaroyo den e dominio sosial i e pakete di tarea di e unidat ta ekspandiendo. Entre otro un areglo di akohida di mucha, un Lei di Desempleo CN i adaptashon den  legislashon laboral ta areglonan di implementashon ku, dependiendo di e toma di desishon polítiko, SZW lo bai ehekutá pronto. E unidat di SZW ta traha na un eksistensia digno pa tur hende na Hulanda Karibense.

Kompetensianan

• Sensitividat pa organisashon
• Plania i organisá 
• Traha huntu
• Forsa di konvikshon 
• Abilidat verbal i por eskrito   
• Asertividat

Eksigensianan di funshon

• Un formashon kompletá di WO òf HBO Lei/Derechonan;
• Konosementu di legislashon i regulashon tokante seguridat sosial di Hulanda Karibense. Konosementu di e diferensianan entre i konekshonnan ku e derecho di seguridat sosial na Hulanda Oropeo ta un bentaha;
• Afinidat ku Hulanda Karibense i konosementu di e konteksto den kual SZW-CN ta operá;
• Dominio di hulandes i papiamentu, i preferiblemente tambe ingles i spaño tantu verbal komo por eskrito.

Kiko nos ta ofresé

• Un salario konforme merkado den skal inisial 11 i skal di funshon 12, salario mensual minimalmente $4.050,- i maksimalmente $5.920,-, ku un siman di trabou di 36 ora pa siman. Klasifikashon ta tuma lugá a base di konosementu i eksperensia;
• Un di diestres luna, 8,33% di e salario, un mínimo di $ 1.750,-;  
• Sèn di fakansi, 8,33% di e salario;
• Un bon areglo di penshun akomodá na PCN;
• Posibilidat pa sigui kurso interno;
• 168 ora di fakansi (basá riba un siman di trabou di 36 ora);
• Un nombramentu temporal di un aña, ku posibilidat di prolongashon si tur dos banda ta satisfecho ku otro.

Eksigensia pa nombramentu

• Ta obligatorio pa por presentá un deklarashon tokante kondukta (VOG) i un saminashon médiko;
• E nashonalidat hulandes ta un eksigensia;
• Den kaso di kapasidat igual, kandidatonan interno ta haña preferensia riba kandidatonan eksterno;
• Den kaso di kapasidat igual, kandidatonan ku na e momentunan aki ta biba na Boneiru tin preferensia riba kandidatonan ku ta biba na Hulanda Oropeo.

Bon pa sa pa interesado pafó di Hulanda Karibense

• E salario ta na dòler merikano, e moneda ofisial di Hulanda Karibense;
• Hulanda Karibense konosé su propio reglanan di impuesto. Ta kobra impuesto riba e entrada mas haltu ku e suma liber di impuesto ($ 20.424,- na 2024) di un porsentahe di 30,4 % na retenshon riba suèldu;
• Ta obligá pa partisipá na e fondo di penshun, inkluso un kontribushon propio na esaki;
• Bo ta, òf bo ta bira, residente di Hulanda Karibense.

Mas informashon?

Pa informashon tokante e vakatura bo por tuma kontakto ku Raissa van den Essen, Kolaboradó di Maneho Senior, telefòn: +599 790-4520

Solisitut digital

Bo por manda bo Curriculum Vitae ku motivashon via e-mail pa: vacature@rijksdienstCN.com