SZW Kolaboradó di pèrmit di trabou

MBO 4 | Boneiru | 36 ora | Number di vakatura: P&O2025_03_008 | Fecha di klousura: 8 di aprel 2025

Komo kolaboradó di pèrmit di trabou, bo ta responsabel pa un kantidat amplio di tarea relashoná ku e evaluashon i prosesamentu di aplikashonnan pa pèrmit di trabou. Bo tareanan ta inkluí:

• Duna informashon i konseho na kliente tokante proseduranan relashoná ku petishon, ekstenshon òf kambionan di pèrmit di trabou;
• Kontrolá e datonan suministrá durante petishon segun akuerdonan di trabou, reglanan, maneho di ehekushon i legislashon- i regulashonnan aplikabel;
• Evaluá petishon i monitoriá e disponibilidat di labor lokal;
• Mantené kontakto ku dunadó di trabou i instansianan gubernamental, manera entidatnan públiko, den kuadro di un evaluashon korekto;
• Prosesá pregunta- i kehonan di kliente na un manera servisial;
• Monitoriá i mehorá e kalidat, konfiabilidat i seguridat di e servisionan ku ta oresé;
• Mantenshon di dato- i relatonan pa sostené informashon di maneho i relatonan kuartal;
• Kontribuí na desaroyo, diseño i mehorashon di diferente sistema, proseso di trabou i metodologia;
• Identifiká áreanan pa mehorashon den legislashon- i regulashonnan basá riba eksperensia práktiko;
• Elaborá enkargo di tareanan di inspekshon pa e inspekshon di labor;
• Realisá prueba di aseptashon di usuario pa sistema- i prosesonan nobo.

Tokante di e organisashon

E unidat di Asuntunan Sosial i Empleo (SZW) ta implementá seguridat sosial pa Hulanda Karibense. Banda di esaki SZW ta enkargá ku inspekshon laboral, pèrmit di trabou, asuntunan di empleo i Plenchi di Trabou. Un total di mas o ménos 55 empleado ta traha na e unidat di SZW, di kua 6 ta na Saba i Sint Eustatius. Tin hopi desaroyo den e área sosial i e kantidat di tarea ta krese. Entre otro, un areglo di akohida di mucha, e Lei di Desempleo (‘Werkloosheidswet ) i ahustenan na legislashon di empleo ta regulashonnan di implementashon ku, dependé di tomo di desishon polítiko, e unidat di SZW lo tin ku implementá den futuro serkano. E unidat SZW ta traha pa un eksistensia digno pa tur hende na Hulanda Karibense.

Kiko bo ta trese ku bo?

• Nivel di traha i pensa MBO 4;
• konosementu di e ‘Wet arbeid vreemdelingen BES’ i e proseduranan asosiá pa hasi petishon di pèrmit di trabou;
• bon konosementu di e kriterionan di evaluashon pa prosesá petishon i otorgá (òf no otorgá) pèrmit di trabou;
• abilidat pa evaluá e legitimidat di (e kontenido di) petishonnan di TWV riba vários aspekto;
• abilidat den atendé ku dunadó di trabou i entidatnan públiko pa optené i interkambiá informashon nesesario pa e evaluashon;
• dominio di hulandes i preferiblemente ingles, spañó i Papiamentu, tantu oral komo por eskrito.

Kiko nos ta ofresé?

• Un nombramentu temporal a base di e Rechtspositiebesluit ambtenaren BES (Desishon di posishon hurídiko di ámtenar di BES);
• Un salario konforme merkado den skal inisial 6i skal di e funshon 7, salario mensual mínimo $ 2.132,- i máksimo $ 3.289,-, ku un siman di trabou di 36 ora. Klasifikashon ta tuma lugá a base di konosementu I eksperensia;
• Sèn di fakansi (8,33% di e salario);
• Bonùs di fin di aña (8,33% di e salario);
• Un kompensashon di vitalidat;
• Un areglo di penshun akomodá na Pensioenfonds Caribisch Nederland (PCN);
• 182 ora di fakansi den kaso di un siman di trabou di 36 ora;
• Un nombramentu temporal pa un aña, ku bista riba un nombramentu fiho den kaso di bon funshonamentu i un evaluashon positivo;
• Un areglo di mudansa pa kandidato ku ta reakshoná for di eksterior.

Prosedura

Un assessment, casus i/ òf chekeo di referensia por forma parti di e prosedura.
miéntras ku den e selekshon lo tene kuenta ku e siguiente órden:

• Personal ofisial di RCN na e islanan BES (interno);
• Habitante di e parti karibense di Hulanda (eksterno);
• Sobrá kandidato (eksterno).

Eksigensia pa nombramentu

• Un Deklarashon di Bon Kondukta (VOG);
• Un saminashon médiko;
• E nashonalidat hulandes.

Bon pa sa pa interesado pafó di Hulanda Karibense

• E salario ta na dòler merikano, e moneda ofisial di Hulanda Karibense;
• Hulanda Karibense konosé su propio reglanan di impuesto. Ta kobra impuesto di 30,4% riba un suèldu riba e montante liber di impuesto ku ta $21.373,- den 2025;
• Bo ta, òf bo ta bira, residente di Hulanda Karibense.

Mas informashon?

Pa mas informashon tokante e vakatura bo por tuma kontakto ku Tara Mauricio, Lider di tim ònderstant, meil tara.mauricio@rijksdienstcn.com

Solisitá digitalmente

Manda bo Curriculum Vitae ku motivashon na vacature@rijksdienstCN.com