Voogdijraad CN Konsehero Investigativo

HBO | Boneiru i Saba | 36 ora pa siman| Funshon temporal (1 aña) |Number di vakatura: P&O2025_04 _027 | Fecha di klousura:  27 di mei 2025

Deskripshon di funshon

Hasi investigashon tokante siguridat i situashon di krese di mucha, i duna Korte i/òf Fiskal konseho tokante esaki. Esei ta loke bo ta para p’e komo investigadó di konseho serka Konseho di Tutela.
Komo investigadó di konseho bo tin e guia di e investigashonnan ku bo ta ehersé. Bo ta start e investigashonnan, inisiá e konsultanan multidisiplinario, konsehá e eksperto di komportashon i e eksperto hurídiko, vigilá e deadline i senalá ‘bottleneck’ i riesgo denter di e investigashonnan na tempu. E investigadó di konseho ta responsabel pa un registrashon sigun e instrukshonnan vigente i un sinkronisashon adekuá den esaki entre e empleado di kalidat i e empleado pa sosten operashonal.

Konseho di Tutela ta un tim yòn i ambisioso ku ta trahando duru riba un paso pa profeshonalisashon. Nos ta buskando un miembro di tim ku ta mira optimalisashon di e organisashon komo un reto, i tin eksperensia riba tereno di hiba kòmbersashon (téknikanan di kòmbersashon)/investigashon, análisis i/òf dunamentu di reportahe.

Nos ta buska dos investigadó di konseho. Unu pa Boneiru i esun otro pa Saba.

Tareanan di funshon

Komo investigadó di konseho: 

• bo ta hiba kòmbersashon di intake ku kliente;
• bo ta kontestá pregunta di kliente durante oranan di konsulta;
• bo ta hasi investigashon i duna konseho denter di tur e disiplinanan di Konseho di Tutela (asuntu protekshon di mucha, outoridat i kontakto, tutela, Halt, kasonan penal, ASAA);
• bo ta hasi bishita di kas na benefisio di bo investigashon;
• bo tin i ta mantené kontakto ku partnernan di kadena i ku otro institushon;
• bo ta representá Konseho di Tutela durante seshonnan den korte.

Organisashon

Konseho di Tutela tin establesimentu riba kada isla, di kua e establesimentu di mas grandi ta situá na Boneiru. Konseho di Tutela ta parti di e Ministerio di Hustisia i Siguridat i tin e tarea pa protehá mucha (igual na e tareanan di Konseho pa Protekshon di Mucha na Hulanda). Kada mucha tin derecho riba un alrededor saludabel i seif pa krese. Esei ta stipulá den e Internationaal Verdrag inzake de Rechten van het Kind (IVRK; Tratado internashonal tokante Derechonan di Mucha). Den promé instansia, e mayornan ta responsabel pa esaki. Tin biaha, e mayornan no ta logra asumí e responsabilidat aki sufisientemente, apesar di envolvimentu di servisio di asistensia. Ora tin preokupashonnan serio tokante kresementu i edukashon di un mucha, por envolví Konseho di Tutela. Konseho di Tutela e ora ei ta hasi investigashon i duna konseho tokante e mihó situashon/ solushon pa e mucha. E investigashonnan aki ta riba tereno sivil i penal.

Kompetensianan

• Formashon di huisio;
• Integridat;
• Orientashon riba kliente;
• Orientashon riba resultado;
• Traha huntu;
• Plania i organisá.

Eksigensianan di funshon

• Bo ta disponé di un estudio finalisá di hbo (MWD òf SPH) i preferiblemente eksperensia komo  investigadó di e konseho;
• Siguimentu di un estudio interno pa protekshon di mucha ta obligatorio;
• Bo ta dominá hulandes i ingles verbalmente i por eskrito. Papiamentu ta un bentaha;
• Konosementu di i afinidat ku e kultura boneriano ta un bentaha;
• Bo ta disponé di un reibeweis B.

Ta importante pa bo ta kapas pa traha independientemente, i ku bo tin un aktitut proaktivo i profeshonal. Konseho di Tutela ta un organisashon horizontal unda bo ta traha den un tim di diferente eksperto. Nos ta ferwagt ku bo ta buska pa traha huntu ku bo koleganan, i ku bo por wak bo mes di un manera krítiko i asina kontribuí na kresementu di e organisashon. Komo investigadó di e konseho bo mester por traha bon bou di preshon di tempu, ta fleksibel, por pensa ‘out of the box’, i organisá bon.

Kiko nos ta ofresé?

• Un nombramentu temporal pa un aña a base di e Rechtspositiebesluit ambtenaren BES (Desishon di posishon hurídiko di ámtenar di BES);
• Un salario konforme merkado den skal inisial 9 i skal di funshon 10, salario mensual minimalmente $ 3.121,- i maksimalmente $ 4.644,- ku un siman di trabou di 36 ora pa siman. Klasifikashon a base di konosementu i eksperensia;
• Sèn di fakansi (8,33% di e entrada anual);
• Un di diestres luna (8,33% di e entrada anual);
• Un kompensashon di vitalidat;
• Un areglo di penshun akomodá na Pensioenfonds Caribisch Nederland (PCN);
• 182 ora di fakansi den kaso di un siman di trabou di 36 ora pa siman;
• Un nombramentu temporal pa un aña;
• Un areglo pa muda pa kandidato ku ta reakshoná di pafó di e isla.

Prosedura

Un assessment, casus i/ òf chekeo di referensia por forma parti di e prosedura.
Den e selekshon lo tene kuenta ku e siguiente órden:

• Personal ofisial di RCN na e islanan BES (interno);
• Habitante di e parti karibense di Hulanda (eksterno);
• Otro kandidatonan (eksterno).

Eksigensianan di nombramentu

• Un deklarashon tokante kondukta (VOG);
• Un saminashon médiko na fabor di atmishon den e fondo di penshun (Partisipashon den e fondo di penshun ta obligatorio, inkluso e suma di kontribushon personal pa esaki);
• Nashonalidat hulandes.

Bon pa sa pa interesado pafó di Hulanda Karibense

• E salario ta na dòler merikano, e moneda ofisial di Hulanda Karibense;
• Hulanda Karibense konosé su propio reglanan di impuesto. Ta kobra impuesto di 30,4% riba un suèldu riba e montante liber di impuesto ku ta $21.373,- den 2025, te un suèldu di $51.250,-. Den e di dos grupo di impuesto un tarifa di impuesto di 35,4% ta na vigor.
• Bo ta, òf bo ta bira, residente di Hulanda Karibense.

Mas informashon?

Pa mas informashon tokante e vakatura bo por tuma kontakto ku bart Kraaijeveld, direktor Voogdijraad. E-Mail: Bart.Kraaijeveld@rijksdienstCN.com òf number di telefòn +599 790 0071.

Solisitut digital

Bo por manda bo Curriculum Vitae ku bo motivashon pa: vacature@rijksdienstCN.com