Konsehero maneho operashonal (Senior)/ hefe di servisio suplente
Voogdijraad (Konseho di Tutela) Hulanda Karibense ta buskando un Konsehero maneho operashonal (Senior)/ hefe di servisio suplente. Bo ta konsiderá bo mes komo un hende ku ta desaroyá su mes kontinuamente? Bo ta uni hende, i bo ta fleksibel i desidido? Solisitá e ora ei pa e funshon desafiante aki!
WO | Boneiru | 36 ora | Number di vakatura: P&O2024_004_002 | Fecha di klousura: 14 di mei 2024
Deskripshon di funshon
Komo konsehero maneho operashonal, huntu ku e direktor bo ta duna forma na vishon i rumbo di e organisashon. Bo ta duna konseho i sosten (sea ku ta pidi bo òf nò) tokante problemátika (organisatorio) stratégiko i integral. Konkretamente, abo ta desaroyá e plannan di (mas) aña, relatonan anual, informenan finansiero i responsabilisashon na e supervisornan. Tambe bo ta aktua komo lider di proyekto pa proyekto amplio relashoná ku maneho, proseso interno i maneho operashonal. Finalmente, bo ta responsabel tambe pa maneho di finansa. Bo ta kompilá e presupuestonan, duna direkshon tokante uso di nan i ta duna kuenta tokante esaki na ministerio.
Bo por suich bon entre entre maneho i ehekushon, i bo tin un bon abilidat pa balorá ora ta trata di efektonan di desishon òf balorá riesgonan polítiko i atministrativo. Ademas, bo ta e remplasante di e direktor, i komo tal por ehèmpel ta funshoná komo dunadó di enkargo.
Tareanan di funshon
E tareanan prinsipal di e konsehero maneho operashonal ta lo siguiente:
- Huntu ku e direktor, bo ta duna direkshon pa loke ta planifikashon i ehekushon di maneho di Konseho di Tutela;
- Bo ta kontribuí i duna direkshon na (re)strukturashon i organisashon di prosesonan di trabou, proseduranan, i maneho;
- Bo ta tuma desishonnan tokante kontenido di konsehonan (di maneho), tokante kontratashon di obligashonnan kontraktual relashoná ku maneho operashonal, i den proyekto;
- Bo ta sigui mantené kontakto i ta envolví e supervisornan unda nesesario;
- Bo ta envolví den desaroyo riba tereno di lei i regulashon i asina ta atendé interesnan di e Konseho di Tutela;
- Bo ta sòru pa desaroyo di informe i sifra, i internamente ta duna direkshon pa ku esei;
- Bo ta vigilá kalidat di ehekushon pa loke ta union i uniformidat;
- Bo ta representante di Konseho di Tutela relashoná ku SSO. Asina, bo ta responsabel pa sera e DVAnan (dienstverleningsafspraken, palabrashonnan tokante servisio) anual, pa kontraktnan den kolaborashon ku SSO, i bo ta tuma parti na e tenderboard i e konsulta di usuario i na proyektonan manera trayekto di alohamentu i komunikashon;
- Bo ta lider di proyekto di proyektonan interno;
- Bo ta remplasante di e direktor ora e ta ousente.
E organisashon
Voogdijraad (Konseho di Tutela) tin establesimentu na kada isla; esun di mas grandi ta na Boneiru. Konseho di Tutela ta parti di e Ministerio di Hustisia i Siguridat, i tin e tarea pa protehá mucha (meskos ku e tareanan di e Raad voor de Kinderbescherming (Konseho pa Protekshon di Mucha) na Hulanda. Ora tin preokupashonnan serio tokante kriansa i edukashon di un mucha, por envolví Konseho di Tutela. Konseho di Tutela ta hasi investigashon i ta duna konseho e ora ei tokante e mihó situashon/ solushon pa e mucha. E investigashonnan aki ta riba tereno sivil i penal. Alabes, Konseho di Tutela tambe ta Bureau Halt, Outoridat Sentral, i Konseho di Tutela tin diferente tarea riba tereno di Alimentashon pa yu.
Kompetensianan
- Orientá riba meta
- Sa kon pa konvensé hende
- Sensitividat pa organisashon
- Nètwèrk
- Kreatividat
- Plania i organisá
Abilidatnan
- Bo sa kon pa motivá i inspirá hende;
- Bo ta kapas pa pone meta, hasi nan konkreto, i realisá nan;
- Bo ta tuma responsabilidat pa loke bo ta hasi;
- Bo ta uni, bo ta dirigí riba traha huntu, i bo tin bista pa inovashon;
- Bo ta kapas pa krea kompromiso i sosten, i bo ta desidido ora ta trata di desishonnan ku mester tuma;
- Bo ta konsiente di bo propio debilidatnan, i ta habrí pa traha riba nan.
Eksigensianan di funshon
- Bo ta disponé di un nivel di traha i pensa akadémiko;
- Bo por proba ku bo tin eksperensia den un funshon konsultativo;
- Bo tin eksperensia ku prosesonan (di maneho operashonal);
- Bo tin afinidat ku e konteksto polítiko, sosial i karibense den lokual Konseho di Tutela ta operá;
- Bo tin abilidatnan komunikativo tantu na nivel interno komo eksterno;
- Bo tin dominio verbal i por eskrito di hulandes i preferiblemente ingles.
- Dominio di papiamentu ta un bentaha.
Kiko nos ta ofresé?
- Un nombramentu a base di e Rechtspositiebesluit ambtenaren BES (Desishon di posishon hurídiko di ámtenar di BES);
- Un salario konforme merkado den skal inisial 11 i skal di funshon 12, salario mensual minimalmente $ 4.050,- i maksimalmente $ 5.920,- ku un siman di trabou di 36 ora pa siman. Klasifikashon a base di konosementu i eksperensia;
- Sèn di fakansi (8,33% di e salario);
- Un di diestres luna (8,33% di e salario, un mínimo di $ 1.750,- bruto);
- Un areglo di penshun akomodá na Pensioenfonds Caribisch Nederland (PCN);
- 168 ora di fakansi den kaso di un siman di trabou di 36 ora pa siman;
- Un nombramentu temporal pa un aña, ku bista riba un nombramentu fiho den kaso di bon funshonamentu i un evaluashon positivo;
- Un areglo pa muda pa kandidato ku ta reakshoná di pafó di e isla.
Prosedura
- Ta habri e funshon aki internamente i eksternamente. Den kaso di kapasidat igual, kandidato interno tin preferensia riba kandidato eksterno;
- Un assessment, casus i/òf chekeo di referensia por ta parti di e prosedura.
Eksigensianan di nombramentu
- Un deklarashon tokante kondukta (VOG);
- Un saminashon médiko na fabor di atmishon den e fondo di penshun;
- Nashonalidat hulandes.
Bon pa sa pa interesado pafó di Hulanda Karibense
- E salario ta na dòler merikano, e moneda ofisial di Hulanda Karibense;
- Hulanda Karibense konosé su propio reglanan di impuesto. Ta kobra impuesto riba e entrada mas haltu ku e suma liber di impuesto ($ 20.242,- na 2024) di un porsentahe di 30,4 % na retenshon riba suèldu;
- Ta obligá pa partisipá na e fondo di penshun, inkluso un kontribushon propio na esaki;
- Bo ta, òf bo ta bira, residente di Hulanda Karibense.
Mas informashon?
Pa mas informashon tokante e vakatura bo por tuma kontakto ku Jill Soemosemito, direktor Voogdijraad (Konseho di Tutela), e-mail: Jill.soemosemito@rijksdienstCN.com
Solisitut digital
Bo por manda bo Curriculum Vitae ku bo motivashon pa: vacature@rijksdienstCN.com