ZJCN Kolaboradó Relashon ku Kliente

HBO | Lokalidat: Boneiru | 36 ora | Number di vakatura P&O2025_05_006 | Fecha di klousura: 3 di yüni 2025

Deskripshon di funshon

Komo kolaboradó relashon ku kliente bo ta fungi komo wowo di kadena entre organisashon i kliente. Bo ta sòru pa un eksperensia optimal pa kliente dor di kontestá pregunta, atendé ku keho, manehá dato di kliente, i aportá mehorashon di proseso. Bo no ta traha solamente riba ehekushon, pero bo tin un papel di señalá i konsehá tambe. Komo asistente di e kolaboradó hurídiko, bo ta responsabel tambe pa atendé ku keho i opheshon.

Tarea i responsabilidat:

• Trata ku keho i opheshon;
• Tuma i trata opheshon kontra desishon di ZJCN i di keho tokante proseso i kolaboradó di ZJCN;
• Analisá keho i opheshon ku ta drenta;
• Fungi komo promé punto di kontakto pa asegurado ku ke entregá keho òf opheshon;
• Redakshon di konsepto di karta i posiblemente sinkronisá nan ku e kolaboradó hurídiko;
• Kaba di atendé independientemente ku keho simpel;
• Traspaso di fail den kuadro di tratamentu hurídiko mas aleu;
• Pèrkurá pa maneho di fail;
• Presidí kaso (den korte) i sòru pa redakshon adekuá;

Kolaborashonnan na mehorashon di kalidat

• Fungi komo konsehero i eksperto, partikularmente pa servisio riba tereno di prevenshon di keho;
• Duna un aporte na ampliashon kontinuo di konosementu di e kolaboradónan di e departamento di servisio;
• Redakshon di nota ora ta nesesario;
• Suministrá informashon di maneho riba e terenonan di atenshon;
• Señalá patronchi den keho i tradusí esaki den proposishon pa kambio di prosedura i instrukshon di trabou;

Demas

• Fungi komo sekretario na diferente enkuentro ku kliente i vigilá ehekushon di punto di akshon ku a surgi for di e enkuentronan aki;
• Ehekushon di aktividat relashoná ku e funshon i aktividat insidental relevante ku a enkargá bo kuné.

E organisashon:

Kuido i Hubentut Hulanda Karibense (ZJCN) ta parti di e Ministerio di Salubridat, Bienestar i Deporte (VWS) i ta traha ku kuido médiko i kuido di hóben den Hulanda Karibense. Diferente for di e situashon na Hulanda Oropeo, ZJCN (VWS) tambe ta ehekutá e seguro di kuido i kuido di hóben na Hulanda Karibense. Pues, direktiva di programa di ZJCN no solamente ta responsabel pa maneho i legislashon, sino tambe pa ehekushon. Ademas, e direktiva di programa ZJCN den VWS ta e punto di kontakto pa e paisnan Kòrsou, Aruba i Sint Maarten, i pa e otro ministerionan.

Bo kompetensianan:

• Traha huntu;
• Nètwèrk;
• Presishon;
• Kapasidat analítiko;
• Inisiativa;
• Kapasidat di ekspreshon den diferente idioma;
• Integridat i konfiabilidat.

Eksigensianan di funshon:

• Nivel di traha i pensa HBO, preferiblemente hurídiko;
• Konosementu di legislashon i regulashon relevante;
• Bo ta dominá hulandes i papiamentu verbalmente i por eskrito.

Kiko nos ta ofresé?

• Un nombramentu a base di e Rechtspositiebesluit ambtenaren BES (Desishon di posishon hurídiko di ámtenar di BES);
• Un salario konforme merkado den skal inisial 8òf skal di funshon 9, salario mensual mínimo $ 2.741,-,- i máksimo $ 4.187,-,- ku un siman di trabou di 36 ora. Klasifikashon a base di konosementu i eksperensia;
• Sèn di fakansi (8,33% di e entrada anual);
• Un di diestres luna (8,33% di e entrada anual);
• Un kompensashon di vitalidat;
• Un areglo di penshun akomodá na Pensioenfonds Caribisch Nederland (PCN);
• 182 ora di fakansi ku un siman di trabou di 36 ora;
• Un nombramentu temporal pa un aña, ku bista riba un nombramentu fiho den kaso di bon funshonamentu i un evaluashon positivo;
• Un areglo pa muda pa kandidato ku ta reakshoná for di den eksterior.

Prosedura

Un assessment, casus i/ òf chekeo di referensia por forma parti di e prosedura.
Den e selekshon lo tene kuenta ku e siguiente órden:

• Personal ofisial di RCN na e islanan BES (interno);
• Habitante di e parti karibense di Hulanda (eksterno);
• Otro kandidatonan (eksterno).

Eksigensianan di nombramentu

• Un deklarashon tokante kondukta (VOG);
• Un saminashon médiko na fabor di atmishon den e fondo di penshun (Partisipashon den e fondo di penshun ta obligatorio, inkluyendo e suma di kontribushon personal pa esaki);
• Nashonalidat hulandes.

Bon pa sa pa interesado pafó di Hulanda Karibense

• E salario ta na dòler merikano, e moneda ofisial di Hulanda Karibense;
• Hulanda Karibense konosé su propio reglanan di impuesto. Ta kobra impuesto di 30,4% riba un suèldu riba e montante liber di impuesto ku ta $21.373,- den 2025, te un suèldu di $51.250,-. Den e di dos grupo di impuesto un tarifa di impuesto di 35,4% ta na vigor.
• Bo ta, òf lo bira, residente di Hulanda Karibense.

Mas informashon?

Pa mas informashon tokante e funshon aki bo por tuma kontakto ku Curvin George, hefe di departamentu di kuido, meil curvin.george@zorgverzekeringskantoor.nl , telefon: +599 7951851.

Solisitut digital

Bo por manda bo Curriculum Vitae ku motivashon via e-mail na vacature@rijksdienstCN.com