Kon i pakiko rekonosé mi yu?

Bo ta kasá òf bo tin un kòntrakt di konvivensia registrá, i bo partner ta haña un yu? E ora ei bo no tin mester di rekonosé e mucha. Bo ta e tata hurídiko outomátikamente e ora ei. Tambe ora bo no ta e tata biológiko di e mucha.

Kiko ta e konsekuensianan ora bo rekonosé bo yu?

Ora bo rekonosé bo yu, bo ta bira mayor hurídiko di e yu. Bo ta haña algun derecho i obligashon. Bo ke bira representante legal di e yu tambe? Pues, atendé asuntu di e yu konhuntamente i tin e derecho pa tuma desishon importante tokante e yu?  E ora ei, despues di e rekonosementu, bo mester pidi outoridat di mayor (konhunto) tambe.

Rekonosementu di un yu ta nifiká

• Entre abo i bo yu ta surgi un laso hurídiko (relashon familiar).
• Bo mester kria e yu te ora e yu kumpli 21 aña.
• Despues di un divorsio bo tin derecho riba kontakto, informashon i konsulta. E mayor ku ta kria e yu mester informá bo tokante desaroyo importante rondó di e yu.
• Abo i e yu ta bira heredero legal di otro.
• (Huntu ku e mama di nasementu) bo ta skohe bo yu su fam.
• Ta posibel ku bo yu ta haña bo nashonalidat. Esaki ta dependé di lei na e pais di kua bo tin e nashonalidat. Bo tin e nashonalidat hulandes? E ora ei, e yu ku bo ta rekonosé tambe ta haña outomátikamente nashonalidat hulandes. E ora ei, bo mester rekonosé e yu promé ku e kumpli shete aña.

Kondishonnan pa rekonosé un yu

Pa rekonosementu di un yu, e siguiente reglanan ta konta:

• ​Bo tin 16 aña òf mas.
• Bo mester tin pèrmit di e mama.
• E yu tin 12 aña? E ora ei bo mester tin pèrmit por eskrito di e yu i e mama. Riba 16 aña, solamente bo mester tin pèrmit di e yu.
• Bo no por rekonosé un yu ora bo no por kasa ku e mama. Por ehèmpel pasobra bo ta famia di e mama.
• No por tin 2 mayor kaba. E partner (femenino) di e mama a adoptá e yu? E ora ei, e tata biológiko no por rekonosé e yu mas.
• Bo ta bou di kuratela a base di bo estado físiko òf mental? E ora ei, bo tin mester di pèrmit di hues, promé.