Restablesimentu di outoridat di mayor
Por suspendé un mayor (temporalmente) for di e outoridat di mayor. Esaki ta posibel por ehèmpel ora e yu tin un tutor pasobra e mayor no ta kapas pa ehersé su outoridat. Ora e sirkunstansianan a kambia, e mayor por pidi restablesimentu di su outoridat di mayor.
Petishon restablesimentu di outoridat
E mayor ku tabatin outoridat por entregá un petishon pa restablesimentu di outoridat serka Voogdijraad CN ora e mucha ta registrá na Hulanda Karibense. Esaki ta posibel durante ora di konsulta di Konseho di Tutela CN òf bo por yama Konseho di Tutela na telefòn i hasi un sita na bo lokalidat.
Loke bo mester trese pa un petishon pa restablesimentu di outoridat ta tur informashon personal i di kontakto di e mayor(nan), tutor, e yu(nan) envolví, i e disposishon di tutela.
Ora no ta posibel pa e mayor ku tabatin outoridat bini Konseho di Tutela durante ora di konsulta, bo por yama Konseho di Tutela na telefòn i hasi un sita na bo lokalidat.
Despues, lo kuminsá traha riba e petishon. Un investigadó di e konseho di Tutela CN ta investigá e mayor ku ke restablesimentu di su outoridat di mayor. Si no tin inkumbiniensia pa restorá e mayor(nan) den su/ nan outoridat i e tutor temporal ta bai di akuerdo ku e petishon, e mayor por entregá e petishon na korte.
Korte ta invitá e tutor i e mayor(nan) pa un enkuentro den korte: e seshon den korte. Durante e seshon den korte, e hues ta pronunsiá un veredikto òf e hues ta anunsiá ki ora esaki lo sosodé.