Poster i foyeto tokante garantia di depósito na Boneiru

Di e forma akí ta splika kon e sistema nobo ta traha. Ta asina ku for di òktober 2017  e sèn riba kuenta di banko di habitantenan di Boneiru,  Sint Eustatius i  Saba ta protehé te un suma di 10.000 USD pa persona pa banko. 

Ta importante pa públiko ta na altura di garantia di depósito

Den kooperashon ku bankonan na Boneiru ku ta kai bou di e protekshon,  ta duna atenshon awor na garantia di depósito. Di e forma akí ta bon kla pa kliente ku nan banko ta kai bou di garantia di depósito. Via internèt i radio tambe lo pone habitantenan di Boneiru na altura. 

Pa De Nederlandsche Bank (DNB, Banko Sentral di Hulanda) ku ta responsabel pa ehekushon, ta importante pa habitantenan sa di eksistensia i e kondishonnan pa garantia di depósito na Hulanda Karibense.  Danki na garantia di depósito, kliente di banko tin e seguridat ku nan sèn ta seif den e kaso ku algu pasa ku banko.  Di e forma akí ta kontribuí tambe na stabilidat finansiero. Tin mas ku shen pais rònt mundu ku tin un garantia asina pa plaka di spar.   

Kondishon pa garantia di depósito

E foyeto tokante garantia di depósito ta splika ku habitante di Boneiru, Sint Eustatius i Saba ta protehé te 10.000 USD pa persona pa banko si ta kumpli ku tres kondishon: 

1. E sèn ta riba un kuenta  na un banko na Boneiru, Sint Eustatius òf Saba ku tin pèrmit di DNB ; 
2. E habitante òf empresa ta registrá na banko komo doño di kuenta;
3. E habitante tin un sédula (òf ta un empresa) i ta ofisialmente registrá komo residente di Entidat Públiko Boneiru, Sint Eustatius òf Saba. 

Mas informashon pa habitante

Habitantenan di Boneiru ku ke mas informashon tokante garantia di depósito pa Hulanda Karibense por akudí na un filial di banko òf wèpsait di nan banko. Riba wèpsait di De Nederlandsche Bank (DNB) pa Hulanda Karibense un página ku informashon tokante garantia di depósito. Riba e página akí tin un foyeto i un lista ku tur dato relevante kaminda ta splika na plaka chikí kon e protekshon ta funshoná. Si tin pregunta por tuma kontakto tambe via e-mail òf via telefòn ku ‘Infodesk’ di DNB (na hulandes òf ingles).