Dosentenan ta otorgá sertifikado MBO1
Un parti importante di re integrashon i resosialisashon di detenidonan den prisòn ta enseñansa. Desde ku ta hasi uso di JICN, tin bon fasilidat pa ofresé kurso na nivel MBO1.
Den e aña tras di lomba a inisiá e etapa preliminar di e programa di estudio ‘Ban Pa Kambio’ huntu ku Forma. Algun studiante mester a kustumbrá di studia tur dia. Pero djaweps 4 di yüli nan por a risibí nan sertifikado.
Na ougùstùs ta sigui ku e estudio, pa alafin nan finalisá un estudio MBO1 den direkshon di konstrukshon, hóreka òf plantashon. Bolbe den sosiedat ku bista riba trabou, ta kontribuí na redukshon di residivismo (ripitishon di komportamentu kriminal).
Wibo de Vries, direktor JICN: ‘Esaki ta e promé pasonan firme pa un maneho di re integrashon fuerte. ‘Ban pa Kambio’ ta forma un parti importante di esaki. Dor di ofresé oportunidatnan di estudio, nos por ofresé detenidonan perspektiva riba un futuro diferente.