Kontakto Voogdijraad
Relashoná na e situashon di Corona nos ofisinanan por será. Bo por alkansá nos telefónikamente òf via e-mail:
voogdijraadbes@rijksdienstcn.com
- Boneiru +(599) 781 5560
- Sint Eustatius +(599) 790 0441
- Saba +(599) 790 1333
Konsulta tambe ta tuma lugá mas tantu posibel telefónikamente, pero nos ofisinanan tambe ta habri.
Petishon nobo (alimentashon, voogdij temporario, outoridat konhunto etc.)
Bo por tuma kontakto ku un di nos kolaboradónan via telefòn òf e-mail. Tene kuenta ku e proseduranan kisas ta tuma mas tempu ku bo ta kustumá di nos, pasobra nos ta dependé di otro organisashon pa un parti di informashon.
Alimentashon pa yu
Pagonan di alimentashon pa yu ta sigui normalmente via Belastingdienst CN (kontal ku bo èks partner ta paga i a realisá e palabrashonnan pa medio di mediashon di Voogdijraad). Si bo tin pregunta tokante e pagonan, na promé instansia bo por dirigí bo na Belastingdienst. Si bo no ta risibí alimentashon mas, bo por tuma kontakto ku nos.
Paga tinu: Voogdijraad ta intermediá solamente den kaso di alimentashon i no ta responsabel ku bo partner ta paga alimentashon òf nò. Konforme e dekreto di Korte bo partner ta responsabel pa esaki. Nos por purba yudá bo sí den e situashon aki pa asina bo partner bai paga atrobe, pero nos no ta ofresé garantia pa esaki. Ademas nos no por duná bo un adelanto òf un areglo di pago.
Investigashon ta kore
Na prinsipio nos ta sigui ku nos servisio. Pero nos mester adaptá nos trabou un tiki si ta trata di bishita na kas i kombersashon (por ehèmpel ku mayor i informante). Nos ta trata di laga tur trabou sigui normalmente mas tantu posibel i kaminda ta posibel tene kontakto telefónikamente òf via e-mail.