Ahustá marifono i demas aparato di komunikashon
Ta importante pa programá bo kódigo di identifikashon den bo marifono òf otro aparato di transmishon marítimo di forma korekto. Aparato di transmishon bon programá por salba bo bida den situashon di emergensia. Ahustá e marifono na e kanal korekto i e potensia (25 Watt) korekto riba “Internashonal”. Registrá tambe na RDI ken ta bo persona òf personanan di kontakto ku ken Wardakosta eventualmente por tuma kontakto kuné den kaso di emergensia.
Programá marifono
Den bo outorisashon tin e nòmber di identifikashon pa yama bo na radio (call sign) i si ta nesesario e identidat MMSI (Maritime Mobile Service Identity). E nòmber pa yama bo na radio ta prinsipalmente pa uso di komunikashon na bos. Solamente den kaso di uso riba awa interno di Hulanda mester usa e nòmber di identifikashon komo un kódigo di ATIS den e programashon di e marifono i mester hasi uso di un potensia abou (por máksimo 1 Watt). Rondó di e islanan BES e ahuste di ATIS mester ta pagá. Si bo marifono tin e fasilidat di DSC (Digital Selective Calling), e number di 9-sifra di MMSI ta di importansia.
Sòru pa programá e sifra di MMSI korektamente den bo marifono. Konsultá pa esaki e manual di bo marifono. Por sanshoná bo den kaso ku programá e kódigo di forma robes. Bai ku bo outorisashon na e negoshi ora ku e negoshante ta programá e kódigonan pa bo.
Portofon, marifono di man òf handheld
Barkunan komersial (kódigo SCV òf e asina yamá barkunan segun Suplemento 6) mester ta disponé di un marifono fiho, ku ta disponé di un DSC (sistema di komunikashon digital). Boto di plaser por hasi uso, na lugá di esaki, di un marifono di man (portofon òf handheld), pero sinembargo ta rekomendá un aparato di marifono fiho. Mester registrá portofon na RDI i ta menshoná esaki riba bo outorisashon. Pa esaki ta nesesario pa bo ta disponé di por lo ménos un Sertifikashon Básiko di Mafifonia (VHF).
DSC
Pa uso di un marifono DSC na e islanan BES ta sufisiente pa bo ta disponé di un Sertifikashon Básiko di Marifonia (VHF), pero na Hulanda bo mester ta disponé di por lo ménos e sertifikado Marcom B.
Otro aparato manera AIS, MOB òf EPIRB
E aparatonan akí tambe mester ta programá ku e number di MMSI. Konsultá e manual di bo aparato. Den kaso di duda bo mester tuma kontakto ku e Inspekshon di Infrastruktura Digital di Reino. Pa uso di un EPIRB bo mester ta disponé di por lo ménos Marcom A òf B.