Marifono i otro aparato di komunikashon na bordo

Lisensia di Barku / Ship Station License

Pa un barku bo tin mester di un outorisashon di transmishon, e asina yamá Ship Station License. Riba e outorisashon ta menshoná dato di e barku, e aparato di transmishon i e kódigonan di identifikashon pa medio di kua otro barku i instansia di supervishon ta rekonosé e barku. Ta importante pa programá bo aparato ku e kódigonan korekto di identifikashon. Lesa mas. 

Sertifikado di operashon

Ademas di e outorisashon di barku, por lo ménos un di e tripulantenan, mayoria di bia e kapitan responsabel òf kaptan, mester tin un sertifikado di operashon. E persona ku ta disponé di un sertifikado di operashon a slag pa un eksámen di transmishon via radio. Ku esaki e a demostrá di disponé sufisiente konosementu di e reglanan relashoná ku komunikashon riba awa. Tin diferente sertifikado di operashon. Lesa mas. 

Supervisornan

E instansianan ku tin supervishon riba nabegashon ta Wardakosta, Inspekshon di Nabegashon, Servisio di Haf, organisashon di konservashon di naturalesa i Inspekshon di Infrastruktura Digital di Reino (anteriormente yamá Agensia Telecom).

Nan ta outorisá pa kontrolá si bo ta disponé di e dokumentonan korekto, dependiendo si ta trata di un barku di profeshon òf di plaser, e tipo di barku, e kantidat di pasahero, etc.. Si tin algu ku no ta korekto? E ora ei, bo ta risibí por lo ménos un aviso. Si e violashon ta mas serio, ta sigui un but òf un kastigu mas pisá. 

Hasi petishon di Lisensia pa barku

E formulario di petishon Scheepsstation bo por download aki.